திடீர் திருப்பம்... திமுகவில் இணைந்த மதிமுகவின் 3 முக்கிய புள்ளிகள்...! அதிர்ச்சியில் வைகோ..!!!

தமிழக அரசியலில் புதிய பரபரப்பை ஏற்படுத்தும் வகையில், மதிமுகவின் முக்கிய முன்னாள் நிர்வாகிகள் மூவர் திமுகவில் அதிகாரப்பூர்வமாக இணைந்துள்ளனர். சென்னை அண்ணா அறிவாலயத்தில் நடைபெற்ற இந்த நிகழ்வு, மதிமுக வட்டாரத்தில் மட்டுமல்லாமல் அரசியல் களத்திலும் கவனத்தை ஈர்த்துள்ளது.

மு.க.ஸ்டாலின் முன்னிலையில் திமுகவில் இணைப்பு

மதிமுகவின் முக்கிய நிர்வாகிகளாகவும், பொதுச்செயலாளர் வைகோவின் நெருங்கியவர்களாகவும் அறியப்பட்ட அழகு சுந்தரம், செவ்வந்தியப்பன் மற்றும் செங்குட்டுவன் ஆகியோர் சென்னை அண்ணா அறிவாலயத்திற்கு நேரில் சென்று மு.க.ஸ்டாலின் முன்னிலையில் தங்களை திமுகவில் இணைத்துக் கொண்டனர். அவர்களுக்கு கட்சி சார்பில் வரவேற்பு அளிக்கப்பட்டு, கட்சித் துண்டு அணிவிக்கப்பட்டது.

இதையும் படிங்க: இரவோடு இரவாக எடப்பாடி நடத்திய தரமான சம்பவம்! 50 க்கும் மேற்பட்ட இளைஞர்கள் கூட்டம் தவெகவில் இருந்து விலகி அதிமுகவில் இணைவு.... அதிர்ச்சியில் CM விஜய்...!!!

கூட்டணி விலகல் முடிவுக்கு எதிர்ப்பு

தகவலின்படி, அண்மையில் திமுக கூட்டணியில் இருந்து மதிமுக விலகுவதாக வைகோ அறிவித்ததைத் தொடர்ந்து, கட்சிக்குள் பல்வேறு கருத்து வேறுபாடுகள் ஏற்பட்டதாக கூறப்படுகிறது. அந்த முடிவுக்கு எதிர்ப்பு தெரிவித்தே அழகு சுந்தரம், செவ்வந்தியப்பன் மற்றும் செங்குட்டுவன் ஆகியோர் மதிமுகவில் இருந்து விலகி திமுகவில் இணையும் முடிவை எடுத்ததாக அரசியல் வட்டாரங்கள் தெரிவிக்கின்றன.

அரசியல் வட்டாரத்தில் அதிகரிக்கும் பரபரப்பு

வைகோவின் நெருக்கமானவர்களாக கருதப்பட்ட மூவரின் இந்த அரசியல் நகர்வு, மதிமுகவுக்கு பின்னடைவாக பார்க்கப்படுகிறது. கூட்டணி முறிவு விவகாரத்தைத் தொடர்ந்து கட்சிக்குள் ஏற்பட்டுள்ள மாற்றங்கள் மற்றும் அடுத்தடுத்த அரசியல் நகர்வுகள் குறித்து பல்வேறு விவாதங்கள் நடைபெற்று வரும் நிலையில், இந்த இணைப்பு சமூக வலைதளங்களிலும் அரசியல் வட்டாரங்களிலும் பேசுபொருளாகியுள்ளது.

இதையும் படிங்க: பாஜகவுக்கு அடுத்த அதிர்ச்சி! ஆனந்த் முன்னிலையில் இணைந்த பாஜக விஜயலட்சுமி அரவிந்த்..! தமிழக அரசியலில் பெரும் பரபரப்பு..!!!