பாஜகவுக்கு உடைந்தையா..? நீதிபதி குழுவை திடீர்னு தூக்கியது ஏன்.. தவெக அரசுக்கு எதிராக கனிமொழி கடும் கண்டனம்..!!!

மத்திய - மாநில உறவுகள் மற்றும் மாநில உரிமைகள் குறித்து ஆய்வு செய்ய ஓய்வுபெற்ற உச்சநீதிமன்ற நீதிபதி குரியன் ஜோசப் தலைமையில் அமைக்கப்பட்ட குழுவை தமிழக அரசு கலைத்துள்ளது. இந்த முடிவுக்கு திமுக உள்ளிட்ட கட்சிகள் எதிர்ப்பு தெரிவித்துள்ள நிலையில், திமுக எம்.பி. கனிமொழியும் அரசைக் கடுமையாக விமர்சித்துள்ளார். மாநில உரிமைகள் மீது அரசுக்கு அக்கறை இல்லை என்றும் அவர் குற்றம்சாட்டியுள்ளார்.

குழுவைக் கலைத்த தமிழக அரசின் முடிவுக்கு எதிர்ப்பு

மத்திய - மாநில அரசுகளுக்கு இடையிலான உறவுகளை ஆய்வு செய்து, மாநிலங்களின் உரிமைகளைப் பாதுகாப்பதற்கான வழிகளைப் பரிந்துரைக்க குரியன் ஜோசப் தலைமையில் இந்தக் குழு அமைக்கப்பட்டது. அண்மையில் தமிழக அரசு அதைக் கலைத்தது. இதற்கு திமுக, இந்திய கம்யூனிஸ்ட் கட்சி உள்ளிட்ட கூட்டணிக் கட்சிகள் கண்டனம் தெரிவித்துள்ளன. அதேநேரத்தில், அரசின் முடிவை பாஜக வரவேற்றுள்ளது.

இதையும் படிங்க: திமுகவுக்கு திக் திக் நிமிடம் இல்ல.. இப்போ தமிழ்நாட்டுக்கு தான் அந்த நிலைமை! தவெக அரசை வெளுத்தெடுத்த கனிமொழி..!!!

திமுக ஆட்சியில் அமைக்கப்பட்ட குழுக்களைச் சுட்டிக்காட்டிய கனிமொழி

சென்னையில் செய்தியாளர்களிடம் பேசிய கனிமொழி, முன்னாள் முதல்வர் கருணாநிதி ஆட்சிக் காலத்திலும் மாநில உரிமைகள் மற்றும் மத்திய - மாநில உறவுகள் குறித்து ஆய்வு செய்யக் குழுக்கள் அமைக்கப்பட்டதை நினைவுபடுத்தினார். அந்தக் குழுக்களின் அறிக்கைகள் மாநில உரிமைகள் தொடர்பான பல்வேறு போராட்டங்களுக்கு அடிப்படையாக இருந்ததாகக் குறிப்பிட்டார்.

தற்போது குரியன் ஜோசப் குழுவைக் கலைத்திருப்பது சிலரை மகிழ்விப்பதற்காக எடுக்கப்பட்ட முடிவு என்று அவர் குற்றம்சாட்டினார். தமிழ்நாட்டின் மீதும் மக்களின் உரிமைகள் மீதும் அரசுக்கு அக்கறை இல்லை என்றும், மத்திய பாஜக அரசிடம் கேள்வி கேட்கத் தயங்குவதாகவும் விமர்சித்தார்.

மாநில சட்ட ஆணையம் கையாளும் என அரசு விளக்கம்

மத்திய - மாநில உறவுகள் தொடர்பான விவகாரங்களை இனி மாநில சட்ட ஆணையமே நேரடியாகக் கையாளும் என்று தமிழக அரசு தரப்பில் விளக்கம் அளிக்கப்பட்டுள்ளது. இருப்பினும், ஏற்கெனவே அமைக்கப்பட்ட குழுவைக் கலைத்ததற்கான காரணம் குறித்து அரசியல் கட்சிகள் தொடர்ந்து கேள்வி எழுப்பி வருகின்றன.

கூட்டாட்சித் தத்துவம் மற்றும் மாநில சுயாட்சி தொடர்பான விவாதங்கள் மீண்டும் தீவிரமடைந்துள்ள நிலையில், தமிழக அரசின் இந்த முடிவு அரசியல் வட்டாரத்தில் பேசுபொருளாகியுள்ளது. மாநில உரிமைகள் தொடர்பான பணிகள் எவ்வாறு தொடரும் என்பதை அரசு தெளிவுபடுத்த வேண்டும் என்ற கோரிக்கையும் எழுந்துள்ளது.

இதையும் படிங்க: 40 கட்சிகளை எதிர்த்து வெற்றி பெற்ற விஜய் இப்போ அமைதியா இருக்காருன்னு நினைக்காதீங்க..! இனிதான் இருக்கு ஆட்டமே.. மேடையில் போட்டுடைத்த அமைச்சர் ஆதவ் அர்ஜுனா..!!!