BREAKING: சற்று முன்.... சர்ச்சை பேச்சால் உதயநிதி ஸ்டாலின் அதிரடி கைது..! அரசியல் வட்டாரத்தில் பெரும் பரபரப்பு..!!!

முதலமைச்சர் விஜய் மற்றும் நடிகை த்ரிஷா குறித்து சமூக வலைதளமான முகநூலில் அவதூறாகவும் அநாகரிகமாகவும் கருத்து பதிவிட்டதாகக் கூறப்படும் வழக்கில், திமுகவைச் சேர்ந்த உதயநிதியை போலீசார் கைது செய்துள்ளனர். கைது நடவடிக்கைக்கு எதிராக ஏற்கனவே சென்னை உயர்நீதிமன்றத்தில் அவசர மனு தாக்கல் செய்யப்பட்டிருந்த நிலையில், இந்த கைது அரசியல் வட்டாரத்தில் பரபரப்பை ஏற்படுத்தியுள்ளது.

உயர்நீதிமன்ற உத்தரவுக்கு முன்பே கைது

வழக்கில் கைது செய்யக் கூடாது எனக் கோரி உதயநிதி தரப்பில் சென்னை உயர்நீதிமன்றத்தில் அவசர மனு தாக்கல் செய்யப்பட்டது. அந்த மனுவை விசாரித்த நீதிபதி, இன்று நண்பகல் 12 மணி வரை எந்தவித கைது நடவடிக்கையும் மேற்கொள்ளக் கூடாது என வாய்மொழியாகத் தெரிவித்திருந்ததாக கூறப்படுகிறது. ஆனால் அதற்கு முன்பாகவே போலீசார் கைது நடவடிக்கையை மேற்கொண்டதாக தகவல் வெளியாகியுள்ளது.

இதையும் படிங்க: என்ன பேச்சு பேசுற? உதயநிதி பேச்சுக்கு ஆப்பு வைத்த முதல்வர் விஜய்! தமிழக அரசியலில் வெடித்த வெடிகுண்டு...!!!

காவல் வாகனத்தை முற்றுகையிட்ட திமுகவினர்

கைது செய்யப்பட்ட உதயநிதியை அழைத்துச் சென்ற காவல் வாகனத்தை திமுக நிர்வாகிகள் மற்றும் தொண்டர்கள் சூழ்ந்தனர். கைது நடவடிக்கைக்கு எதிர்ப்பு தெரிவித்து அவர்கள் முழக்கமிட்டு போராட்டத்தில் ஈடுபட்டதால் அந்த பகுதியில் சிறிது நேரம் பதற்றமான சூழல் நிலவியது. இதனால் போலீசார் கூடுதல் பாதுகாப்பு ஏற்பாடுகளையும் மேற்கொண்டனர்.

மீண்டும் நீதிமன்றத்தை நாடும் ஆயத்தம்

நீதிமன்ற உத்தரவை மீறியே கைது நடைபெற்றதாகக் குற்றம்சாட்டியுள்ள உதயநிதி தரப்பு வழக்குரைஞர்கள், இந்த விவகாரத்தை மீண்டும் சென்னை உயர்நீதிமன்றத்தின் கவனத்திற்கு கொண்டு செல்லும் வகையில் சட்ட நடவடிக்கைகளுக்குத் தயாராகி வருகின்றனர். இதனால் வழக்கின் அடுத்தகட்ட விசாரணை மற்றும் நீதிமன்றத்தின் நிலைப்பாடு மீது அரசியல் வட்டாரத்தின் கவனம் திரும்பியுள்ளது.

இதையும் படிங்க: இடைத்தேர்தலில் தவெக-வுக்கு காத்திருக்கும் அதிர்ச்சி! விஜய் டேபிளுக்குப் போன அந்த ஷாக் ரிப்போர்ட்... எதிர்பார்க்காத பெரிய ட்விஸ்ட்!!!