லண்டன் பயணத்துக்கு பிறகு அதிரும் அறிவாலயம்! ஒரே நாளில் 20 மா.செ.க்கள் அவுட்?. ஸ்டாலினின் அதிரடி ரகசிய திட்டம்.... அரசியல் வட்டாரத்தில் பரபரப்பு!!!

திமுக அமைப்பை மேலும் வலுப்படுத்தும் நோக்கில் கட்சியின் மறுசீரமைப்பு பணிகள் தீவிரமடைந்துள்ளன. மாவட்டங்களின் எண்ணிக்கையை 100 ஆக உயர்த்தும் திட்டத்துடன், புதிய நிர்வாகிகளை உருவாக்கும் பணியிலும் மு.க.ஸ்டாலின் கவனம் செலுத்தியுள்ளதாக கட்சி வட்டார தகவல்கள் தெரிவிக்கின்றன.

லண்டன் பயணத்துக்குப் பிறகு வேகமெடுத்த ஆலோசனை

முதல்வர் ஸ்டாலின் லண்டன் பயணம் மேற்கொள்வதற்கு முன்பே, முன்னாள் அமைச்சர் தங்கம் தென்னரசு தலைமையில் 11 பேர் கொண்ட சிறப்புக்குழு அமைக்கப்பட்டு கட்சி அமைப்பு குறித்து ஆய்வு மேற்கொள்ளப்பட்டது. சென்னை திரும்பிய பின்னர் தங்கம் தென்னரசுவுடன் ஸ்டாலின் நீண்ட நேரம் ஆலோசனை நடத்தியதாக கூறப்படுகிறது. இதையடுத்து, அறிவாலய வட்டாரங்களில் மறுசீரமைப்பு குறித்த எதிர்பார்ப்பு அதிகரித்துள்ளது.

இதையும் படிங்க: இவுங்கள வச்சுக்கிட்டு இனி வேலைக்கு ஆகாது... ஸ்டாலின் கையில் அந்த ரகசிய அறிக்கை! தூக்கத்தை துளைத்த சீனியர்கள்....நாளை நடக்கப்போகும் மெகா சம்பவம்..!!!

100 மாவட்டங்கள்... புதிய நிர்வாகிகளுக்கு வாய்ப்பு

கட்சியின் செயல்பாடுகளை மாவட்ட அளவில் மேலும் வலுப்படுத்தும் வகையில், தற்போதைய அமைப்பை மாற்றி 100 மாவட்டங்களாக விரிவுபடுத்த திமுக தலைமை திட்டமிட்டுள்ளதாக தகவல்கள் வெளியாகியுள்ளன. ஆய்வின் போது, எதிர்பார்த்த அளவில் செயல்படாத சுமார் 20 மாவட்டச் செயலாளர்களை மாற்ற வேண்டிய தேவை இருப்பதாகவும் கூறப்படுகிறது. இருப்பினும், அவர்களை நேரடியாக நீக்காமல் மாநில அளவிலான முக்கிய பொறுப்புகளை வழங்கி கௌரவிக்கும் வழியை தலைமை பரிசீலித்து வருவதாக தகவல்கள் தெரிவிக்கின்றன.

இளைஞர்களுக்கு முன்னுரிமை என்ற முடிவு

புதிய மாவட்டச் செயலாளர்கள் நியமனத்தில் வாரிசு அரசியலுக்கு முன்னுரிமை வழங்கப்படாது என்ற கொள்கை முடிவையும் தலைமை எடுத்துள்ளதாக கூறப்படுகிறது. அதற்கு பதிலாக களத்தில் சுறுசுறுப்பாக செயல்பட்டு வரும் இளைஞரணி மற்றும் திறமையான நிர்வாகிகளுக்கு அதிக வாய்ப்புகள் வழங்கப்படலாம் எனத் தகவல்கள் தெரிவிக்கின்றன. சில சீனியர் நிர்வாகிகள் தரப்பில் எதிர்ப்புகள் இருந்தாலும், அமைப்பை விரிவுபடுத்துவதன் மூலம் கட்சிக்கு புதிய உத்வேகம் கிடைக்கும் என்ற நம்பிக்கையில் தலைமை இருப்பதாக கூறப்படுகிறது.

இளைஞர்களுக்கு அதிக பொறுப்புகளை வழங்குவதோடு, அனுபவம் வாய்ந்த நிர்வாகிகளையும் மாநில அளவிலான பொறுப்புகள் மூலம் அரவணைக்கும் இந்த திமுக மறுசீரமைப்பு திட்டம் விரைவில் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.

இதையும் படிங்க: தவெகவுக்கு எதிராக களமிறங்கும் திமுக! 78-ல் வெறும் 3 பேர் தான்... ரகசிய ரிப்போர்டால் திமுக கையில் எடுத்த அரசியல் யுக்தி! லண்டனில் இருந்து வந்ததும் விஸ்வரூபம் எடுக்கும் ஸ்டாலின்!!!