அரசியல் வியூகம்! திமுகவில் இருந்து விலகி தவெகவில் இணைந்த முக்கிய புள்ளி..! பரபரக்கும் தமிழக அரசியல் களம்..!!!

திண்டுக்கல் மாநகர அரசியலில் முக்கிய திருப்பமாக, திமுக இளைஞர் அணி துணை அமைப்பாளரும் மாநகராட்சி கவுன்சிலருமான கே.கே.ஆர். வெங்கடேஷ், திமுகவிலிருந்து விலகி விஜய் தலைமையிலான தமிழக வெற்றிக் கழகத்தில் இணைந்துள்ளார். இந்த அரசியல் மாற்றம் உள்ளூர் அரசியல் வட்டாரத்தில் கவனத்தை ஈர்த்துள்ளது.

தவெகவில் இணைந்த வெங்கடேஷ்

கட்சி இணைப்பு நிகழ்ச்சிக்குப் பிறகு செய்தியாளர்களைச் சந்தித்த கே.கே.ஆர். வெங்கடேஷ், ஊழல் இல்லாத மற்றும் மக்களுக்கான நேர்மையான ஆட்சியை உருவாக்கும் நோக்கத்துடன் செயல்பட்டு வரும் தமிழக வெற்றிக் கழகம் கட்சியில் இணைந்தது தனக்கு மிகுந்த மகிழ்ச்சியை அளிப்பதாக தெரிவித்தார். மேலும், அரசியல் பயணத்தின் அடுத்த கட்டத்தை தவெகவுடன் தொடர உள்ளதாகவும் கூறினார்.

இதையும் படிங்க: அதிருப்தியிலேயே அதிமுக அல்லேலப்படுது.... தவெக விற்கு தாவிய கந்தர்வகோட்டை முன்னால் எம்.எல். ஏ...! அதிர்ச்சியில் எடப்பாடி..!!!

உள்ளாட்சித் தேர்தலை குறிவைக்கும் தவெக

தமிழகத்தில் அடுத்ததாக நடைபெறவுள்ள உள்ளாட்சித் தேர்தலை மனதில் வைத்து தவெக தனது அரசியல் நடவடிக்கைகளை தீவிரப்படுத்தி வருகிறது. குறிப்பாக பிற கட்சிகளில் உள்ள உள்ளாட்சிப் பிரதிநிதிகள், நிர்வாகிகள் மற்றும் செல்வாக்கு மிக்க நபர்களை கட்சியில் இணைக்கும் முயற்சிகள் தொடர்ந்து நடைபெற்று வருவதாக அரசியல் வட்டாரங்களில் பேசப்படுகிறது.

அரசியல் வியூகத்தின் ஒரு பகுதியாகவா?

திண்டுக்கல்லில் திமுகவைச் சேர்ந்த முக்கிய உள்ளாட்சிப் பிரதிநிதி ஒருவர் தவெகவில் இணைந்திருப்பது, வரவிருக்கும் தேர்தல்களை முன்னிட்டு கட்சி தனது அடித்தளத்தை வலுப்படுத்தும் முயற்சியின் ஒரு பகுதியாக பார்க்கப்படுகிறது. விஜய் தலைமையிலான கட்சி, மாநிலம் முழுவதும் அமைப்பு விரிவாக்கப் பணிகளில் தீவிரம் காட்டி வரும் நிலையில், இந்தக் கட்சித் தாவல் அரசியல் ரீதியாக முக்கியத்துவம் பெற்றுள்ளதாகக் கருதப்படுகிறது.

இதையும் படிங்க: திடீர் ட்விஸ்ட்.... தவெகவில் இணைந்த முக்கிய புள்ளிகள்! இன்ப அதிர்ச்சியில் முதல்வர் விஜய்..!!!