ஜூலை 1 முதல் தொடங்குகிறேன்.... அதிரடியாக அறிவித்த அண்ணாமலை! அதிரும் தமிழக அரசியல் களம்!!!

தமிழகம் முழுவதும் We the Leaders அமைப்பின் கள நடவடிக்கைகள் வரும் ஜூலை 1-ஆம் தேதி முதல் அதிகாரப்பூர்வமாக தொடங்கப்பட உள்ளதாக அண்ணாமலை அறிவித்துள்ளார். சமூகப் பணிகளை மையமாகக் கொண்டு செயல்படும் இந்த புதிய முயற்சியின் முதல் கட்ட திட்டங்களையும் அவர் வெளியிட்டுள்ளார்.

ஜூலை முழுவதும் போதைப்பொருள் விழிப்புணர்வு

அண்ணாமலை தெரிவித்ததன்படி, ஜூலை மாதம் முழுவதும் போதைப்பொருள் பயன்பாட்டுக்கு எதிராக மக்களிடையே விழிப்புணர்வை ஏற்படுத்தும் பணிகளில் அமைப்பு தீவிரமாக ஈடுபட உள்ளது. இளைஞர்கள் மற்றும் பொதுமக்களை மையமாகக் கொண்டு பல்வேறு நிகழ்ச்சிகள் மற்றும் விழிப்புணர்வு நடவடிக்கைகள் நடத்த திட்டமிடப்பட்டுள்ளதாகவும் கூறப்பட்டுள்ளது.

ஆகஸ்டில் சுற்றுச்சூழல் சார்ந்த நற்பணிகள்

இதையடுத்து, ஆகஸ்ட் மாதத்தில் சுற்றுச்சூழல் பாதுகாப்பு மற்றும் மேம்பாட்டை முன்னிறுத்தி பல்வேறு நற்பணிகள் மேற்கொள்ளப்படும் என அண்ணாமலை தெரிவித்துள்ளார். மரக்கன்றுகள் நடுதல், தூய்மை பணிகள் உள்ளிட்ட சமூக நல நடவடிக்கைகளும் இதில் இடம்பெற உள்ளதாக தகவல் வெளியாகியுள்ளது.

ஜூலை 1-ல் புதிய செயலி அறிமுகம்

இந்த இயக்கத்தின் செயல்பாடுகளை மக்கள் எளிதாக அறிந்து கொள்ளவும், தன்னார்வலர்கள் ஒருங்கிணைந்து செயல்படவும் உதவும் வகையில் அண்ணாமலை ஜூலை 1-ஆம் தேதி 'We the Leaders' என்ற புதிய செயலியும் அறிமுகப்படுத்தப்பட உள்ளதாக தெரிவித்துள்ளார். இந்த செயலி மூலம் அமைப்பின் திட்டங்கள், நிகழ்ச்சிகள் மற்றும் தன்னார்வ பங்கேற்பு தொடர்பான தகவல்கள் பொதுமக்களுக்கு வழங்கப்படும் என எதிர்பார்க்கப்படுகிறது.

இதையும் படிங்க: மே மாதத்தில் ஒரே நாள், ஒரே கட்ட தேர்தல்! ஓரிரு வாராங்களில் தமிழக தேர்தல் தேதி.... முக்கிய அறிவிப்பு வெளியானது!!!