இயக்குனர் பாரதிராஜா இறக்கணும்னு தான் நினைத்தார்.... அது மாறியே நடந்துட்டு! அவரின் கடைசி நாட்கள் குறித்து மருத்துவர் சொக்கலிங்கம் போட்டு உடைத்த உண்மை... அதிர்ச்சியில் ரசிகர்கள்.!!!

தமிழ் திரையுலகின் பெரும் ஆளுமையாக திகழ்ந்த பாரதிராஜாவின் மறைவு ரசிகர்களையும் திரைப்பட உலகினரையும் சோகத்தில் ஆழ்த்தியுள்ளது. உடல்நலனில் எப்போதும் அக்கறை காட்டிய அவர், மகன் மனோஜின் மறைவுக்குப் பிறகு மனதளவில் கடுமையாக பாதிக்கப்பட்டதாக அவருக்கு சிகிச்சை அளித்த மருத்துவர் தெரிவித்துள்ளார்.

சர்க்கரை நோய் மற்றும் உயர் ரத்த அழுத்தம் இருந்தபோதிலும், உணவு, மருந்து, வாழ்க்கை முறை என அனைத்திலும் கட்டுப்பாட்டுடன் வாழ்ந்து வந்தவர் பாரதிராஜா. உடல்நலனுக்காக சிகரெட் பழக்கத்தையும் கைவிட்டிருந்தார். ஆனால் கடந்த ஆண்டு மகன் மனோஜின் மரணம் அவரது வாழ்க்கையில் மிகப்பெரிய திருப்பத்தை ஏற்படுத்தியது.

இதையும் படிங்க: BREAKING: இன்று காலை நல்லகண்ணுக்கு திடீரென மூச்சுத்திணறல்! மீண்டும் உடல்நிலை பின்னடைவால் மருத்துவமனையில் அனுமதி!

மருந்துகளையே நிறுத்திய வேதனை

மகன் மறைவின் துயரத்தை ஏற்றுக்கொள்ள முடியாமல், தனக்குத் தேவையான மருந்துகளை உட்கொள்வதையே பாரதிராஜா நிறுத்திவிட்டதாக கூறப்படுகிறது. இதுகுறித்து அவருக்கு சிகிச்சை அளித்த இதயநோய் நிபுணர் மருத்துவர் சொக்கலிங்கம் கேட்டபோது, “என் மகனே போய்விட்டான். இனி நான் வாழ்வதில் என்ன அர்த்தம் இருக்கிறது?” என்று அவர் வேதனையுடன் பதிலளித்ததாக தெரிவித்துள்ளார்.

மருத்துவர்கள் பலமுறை ஆலோசனை வழங்கியபோதும், மன அழுத்தம் அவரை ஆழமாகப் பாதித்திருந்தது. பசி குறைதல், தூக்கமின்மை போன்ற பிரச்சினைகளும் தொடர்ந்து ஏற்பட்டதாக கூறப்படுகிறது.

அடிக்கடி மருத்துவமனை அனுமதி

தகவலின்படி, கடுமையான மனச்சோர்வு காரணமாக அவரது உடலில் நோய் எதிர்ப்புச் சக்தி குறைந்தது. இதனால் நுரையீரல் தொற்று மீண்டும் மீண்டும் ஏற்பட்டு, அடிக்கடி மருத்துவமனையில் அனுமதிக்கப்படும் நிலை உருவானது.

சிகிச்சை பெற்று வீடு திரும்பிய சில வாரங்களிலேயே மீண்டும் உடல்நலக் குறைவு ஏற்படுவது வழக்கமாகிவிட்டது. உணவையும் சரிவர எடுத்துக்கொள்ளாததால் அவரது உடல் எடை கணிசமாகக் குறைந்திருந்ததாக மருத்துவ வட்டாரங்கள் தெரிவித்துள்ளன.

இறுதிவரை நீங்காத மகன் நினைவு

கடந்த ஜனவரி மாதத்தில் அவரது உடல்நிலை குறித்து பல்வேறு வதந்திகள் பரவின. பின்னர் ஒரு திரைப்படத்தைப் பார்த்துவிட்டு நடிகை ராதிகாவை பாராட்டிய வீடியோ வெளியாகி ரசிகர்களுக்கு நிம்மதி அளித்தது. இருப்பினும், “நாளை என்பதில் எனக்கு நம்பிக்கையில்லை; 100 வயது வரை வாழ வேண்டும் என்ற ஆசையும் இல்லை” என்று அவர் நெருங்கியவர்களிடம் கூறிவந்ததாக தகவல்கள் வெளியாகியுள்ளன.

இந்நிலையில், அண்மையில் ஏற்பட்ட மாரடைப்பால் பாரதிராஜா உயிரிழந்தார். “உடலையும் உயிரையும் தாங்கி நிறுத்துவது மனித மனம்தான் என்பதை அவரது இறுதி நாட்கள் உணர்த்தின” என்று மருத்துவர் சொக்கலிங்கம் உருக்கமாக நினைவுகூர்ந்துள்ளார்.

இதையும் படிங்க: BREAKING : 84 வயதில் இயக்குனர் இமயம் பாரதிராஜா காலமானார்! மறக்க முடியாத படைப்பாளர் இன்று மறைந்தார்.... கண்ணீரில் ரசிகர்கள்..!!!