ஆட்டத்தை ஆரம்பித்த அண்ணாமலை! இரவோடு இரவாக வெளியிட்ட அந்த ஒரு அறிவிப்பால் அதிரும் அரசியல் களம்...!!!

பாஜகவில் இருந்து விலகி புதிய அரசியல் பயணத்தை தொடங்கியுள்ள அண்ணாமலை, தனது இயக்கத்தின் முதல் முக்கிய அறிவிப்பை வெளியிட்டுள்ளார். அதன் ஒரு பகுதியாக, மேடைப் பேச்சாளர்களை உருவாக்கும் நோக்கில் 3 நாள் சிறப்புப் பயிற்சி முகாம் நடத்தப்பட உள்ளது. இந்த அறிவிப்பு அரசியல் வட்டாரங்களில் கவனத்தை ஈர்த்துள்ளது.

கரூரில் 3 நாள் பயிற்சி முகாம்

கரூர் மாவட்டம் அரவக்குறிச்சியில் வரும் ஜூன் 19ஆம் தேதி முதல் இந்த பயிற்சி முகாம் நடைபெற உள்ளது. மூன்று நாட்கள் நடைபெறும் இந்த நிகழ்வில், புதிய அரசியல் சூழலில் செயல்படக்கூடிய திறமையான பேச்சாளர்களை உருவாக்கும் முயற்சி மேற்கொள்ளப்பட உள்ளது.

இதையும் படிங்க: Breaking: உச்சக்கட்ட அதிர்ச்சியில் விஜய் மற்றும் இபிஎஸ்! 150 க்கும் மேற்பட்ட நிர்வாகிகள் திமுகவில் ஐக்கியம்! செம குஷியில் ஸ்டாலின்...

இயக்கத்தின் கொள்கைகள் மற்றும் நோக்கங்களை மக்களிடம் தெளிவாக கொண்டு சேர்க்கும் வகையில், பங்கேற்பாளர்களுக்கு பல்வேறு அம்சங்களில் பயிற்சி வழங்கப்பட உள்ளதாக தகவல்கள் தெரிவிக்கின்றன.

இயக்க விரிவாக்கத்துக்கான அடுத்த கட்டம்

புதிய அரசியல் இயக்கத்தை தொடங்கிய பிறகு அண்ணாமலை வெளியிட்டுள்ள முதல் அதிகாரப்பூர்வ அறிவிப்பு இதுவாகும். இதன் மூலம் அடிப்படை அமைப்பு கட்டமைப்பை வலுப்படுத்தும் பணிகளை அவர் தொடங்கியுள்ளதாக அரசியல் நோக்கர்கள் கருதுகின்றனர்.

குறிப்பாக, மாவட்ட மற்றும் ஒன்றிய அளவுகளில் செயல்படக்கூடிய மேடைப் பேச்சாளர்கள் உருவாக்கப்படுவது இயக்கத்தின் முக்கிய இலக்காக பார்க்கப்படுகிறது.

முன்பதிவுக்கு அழைப்பு

இந்த பயிற்சி முகாமில் பங்கேற்க விருப்பமுள்ளவர்கள் உடனடியாக தங்களது பெயர்களை முன்பதிவு செய்து கொள்ளலாம் என அண்ணாமலை தரப்பில் தெரிவிக்கப்பட்டுள்ளது. அரசியலில் ஆர்வமுள்ள இளைஞர்கள் மற்றும் இயக்கப் பணிகளில் ஈடுபட விரும்புவோர் இதில் கலந்துகொள்ளலாம் என்றும் கூறப்பட்டுள்ளது.

இதையும் படிங்க: BREAKING: அதிமுகவின் புதிய 'போர்வாள்' அறிமுகப்படுத்திய எடப்பாடி பழினிசாமி...!!!