முதலமைச்சர்க்கு சொந்தமா கார் கூட இல்லையாமே...! வெற்றி பெற்றதும் அதிமுகவின் அன்பளிப்புன்னு எழுதி கார் தருவோம்! அதிமுக பரப்புரையில் காளியம்மாளின் அதிரடி பேச்சு..!!!

Copy Link

தமிழக சட்டமன்றத் தேர்தல் சூடு ஏறிக்கொண்டிருக்கிறது. நாகை மாவட்டம் வேதாரண்யத்தில் நடந்த அதிமுக பரப்புரையில், கட்சியின் நட்சத்திர பேச்சாளர் காளியம்மாள் பேசிக் கொண்ட கருத்து தற்போது சமூக வலைதளங்களில் வேகமாக பரவி வருகிறது. முதலமைச்சர் மு.க.ஸ்டாலினை குறிவைத்து அவர் பேசிய வார்த்தைகள் அரசியல் வட்டாரத்தில் கவனம் ஈர்த்துள்ளன.

வேதாரண்யம் மேடையில் நக்கல் பேச்சு

அதிமுக வேட்பாளரை ஆதரித்து பேசிய காளியம்மாள், முதலமைச்சர் தாக்கல் செய்த வேட்புமனுவை சுட்டிக்காட்டி விமர்சனம் செய்தார். “முதலமைச்சருக்கு சொந்தமாக கார் கூட இல்லையாம் என்று அவரே குறிப்பிட்டிருக்கிறார்” என தொடங்கி, அதனை நக்கலாக மாற்றினார். இதனால் கூட்டத்தில் இருந்தவர்களிடம் சிரிப்பலை எழுந்தது.

“அன்பளிப்பு அதிமுக” கார் விவாதம்

பேச்சை தொடர்ந்து, “இந்தத் தேர்தலில் அதிமுக வெற்றி பெற்று ஆட்சிக்கு வந்ததும், நாங்கள் அவருக்கு ஒரு கார் வாங்கித் தருவோம். அதில் ‘அன்பளிப்பு அதிமுக’ என்று எழுதி பரிசாக கொடுப்போம்” என கூறினார். இந்தச் சொற்றொடர் மேடையில் இருந்த ஆதரவாளர்களிடம் உற்சாகத்தை ஏற்படுத்தியது.

இதையும் படிங்க: மேடையிலேயே பெண்களிடம் அந்த விஷயத்தில் வீட்டுக்காரரை நம்பாதீங்கன்னு சொன்ன ஸ்டாலின்! 8000 + 8000... திமுகவுக்கு ஓட்டு! ஸ்டாலின் அடித்த அசால்ட்டான கமெண்ட்.. குலுங்கி குலுங்கிச் சிரித்த பெண்களின் வீடியோ!!!

சமூக வலைதளங்களில் ட்ரெண்ட்

இந்த பேச்சு பின்னர் சமூக வலைதளங்களில் பரவியதால், அரசியல் விவாதம் சூடுபிடித்துள்ளது. குறிப்பாக மு.க.ஸ்டாலின் சொத்து விவரத்தை முன்வைத்து கூறப்பட்ட இந்தக் கருத்து, திமுக மற்றும் அதிமுக ஆதரவாளர்களிடையே கருத்து மோதலை தூண்டியுள்ளது. தேர்தல் சூழ்நிலையில் இப்படியான வார்த்தை தாக்குதல்கள் இன்னும் அதிகரிக்கலாம் என்பதும் அரசியல் வட்டாரத்தின் கணிப்பு.

“முதல்வருக்கு சொந்தமாக கார் இல்லையாம்..

நாம் வெற்றி பெற்று வந்தபிறகு ‘அன்பளிப்பு அதிமுக’ என போட்டு நாங்க கார் வாங்கித் தருவோம்”- பரப்புரையில் அதிமுகவின் காளியம்மாள் பேச்சு#Vedaranyam | #Kaliyammal | #ADMK | #ElectionWithPT pic.twitter.com/bBJjrdxjTF

— PttvOnlinenews (@PttvNewsX) April 21, 2026