வீட்டில் ஜவ்வரிசி சும்மா இருக்கா?.. வித்தியாசமான சுவையில் ஜவ்வரிசி கேசரி செய்து அசத்தலாம் வாங்க..!!

ஜவ்வரிசி கேசரி எப்படி செய்வது என்று விளக்குகிறது இந்த செய்திக்குறிப்பு.

பொதுவாக கேசரி என்றாலே ரவை மற்றும் சேமியாவை வைத்து தான் செய்வீர்கள். ஆனால் இன்று வித்தியாசமாக ஜவ்வரிசியில் எப்படி கேசரி செய்வது என்று காணலாம்.

தேவையான பொருட்கள் :

சர்க்கரை - 150 கிராம்
ஜவ்வரிசி - 1/4 கிலோ
குங்குமப்பூ - ஒரு கிராம்
ஏலக்காய் தூள் - ஒரு தேக்கரண்டி
முந்திரி - தேவைக்கேற்ப
நெய் - தேவையான அளவு
திராட்சை - தேவைக்கேற்ப

செய்முறை :

★முதலில் ஒரு வாணலியை அடுப்பில் வைத்து, நெய் விட்டு முந்திரி, திராட்சை சேர்த்து வறுத்துக் கொள்ள வேண்டும்.

★பின் சிறிதளவு குங்குமப்பூவை சேர்த்து தண்ணீர் ஊற்றி ஊற வைக்க வேண்டும்.

★அடுத்து ஜவ்வரிசியை 4 மணிநேரம் ஊறவைக்க வேண்டும். நன்கு ஊறியதும் தண்ணீரை வடிகட்டி ஜவ்வரிசியை தனியாக எடுத்துக் கொள்ள வேண்டும்.

★ஒரு பாத்திரத்தை அடுப்பில் வைத்து நெய் ஊற்றி, அதில் வடிகட்டிய ஜவ்வரிசி போட்டு நன்கு கிளற வேண்டும்.

★15 நிமிடங்கள் மிதமான தீயில் கிளறிய பின், சர்க்கரை சேர்த்து கிளற வேண்டும்.

★அடுத்து அதில் சிறிதளவு நெய் ஊற்றி,ஊற வைத்த குங்குமப்பூவை சேர்த்து கிளற வேண்டும்.

★சர்க்கரை நன்கு திக்கான பதத்திற்கு வரும்போது வறுத்த திராட்சை, முந்திரி, ஏலக்காய் தூள் சேர்த்து கலந்து பரிமாறினால் சுவையான ஜவ்வரிசி கேசரி தயாராகிவிடும்.