அன்னாசி பழத்தில் சுவையான பாயசம் தயார் செய்வது எப்படி?.. ..!

நாம் அனைவரும் விரும்பி சாப்பிடும் பாயாசத்தில் பல வகையான பாயாசங்கள் இருக்கின்றன. இன்று அன்னாசி பழத்தில் பாயாசம் செய்வது எப்படி காணலாம்.

தேவையான பொருள்கள் :
அன்னாசிப்பழத் துண்டுகள் - 2 கப் 
காய்ச்சிய பால் - 1 லிட்டர் 
கன்டென்ஸ்டு மில்க் - 2 கப் 
ஜவ்வரிசி - 1/2 கப் 
பைனாப்பிள் எசன்ஸ் - 2 ஸ்பூன் நெய் நெய், முந்திரி, கிஸ்மிஸ் - தேவையான அளவு 

செய்முறை : 

★முதலில் எடுத்துக்கொண்ட அன்னாசி பழத்தை தோல் சீவி சிறிய துண்டுகளாக வெட்டி வைத்துக்கொள்ள வேண்டும்.

★ஜவ்வரிசியை அலசி சிறிது நேரம் ஊறவைக்க வேண்டும். மற்றொரு பாத்திரத்தில் ஒன்றரை கப் நீரூற்றி கொதிக்க ஆரம்பித்ததும் ஊறவைத்த ஜவ்வரிசியை சேர்த்து 5 முதல் 8 நிமிடங்கள் வரை கொதிக்க வைக்க வேண்டும்.

★பின்னர் அந்த நீரை வடிகட்டி ஜவ்வரிசியை குளிர்ந்த நீரில் அலசி தனியாக வைத்துக் கொள்ளவும். பால் கொதிக்க ஆரம்பித்ததும் பாதியளவு அன்னாசி பழத்தை சேர்த்து கோதிக்க விட வேண்டும்.

★இதனை அடுத்து அலசி எடுத்த ஜவ்வரிசியை மூன்று நிமிடங்கள் வேகவைத்து கன்டென்ஸ்டு மில்க் சேர்த்து நன்றாக கலக்க வேண்டும். 

★பாயாசம் நன்றாக கெட்டியான பின்னர் அடுப்பை அணைத்துவிட்டு சிறிதளவு பைனாப்பிள் எசன்ஸ், பைனாப்பிள் துண்டுகள், நெய் ஊற்றி முந்திரி, திராட்சை ஆகியவற்றை சேர்த்து சாப்பிட்டால் சுவையான அன்னாசிப்பழ பாயாசம் தயார்.