மாரடைப்பு வர முக்கிய காரணமே இதுதான்! பெண்களுக்கு 'ஈஸ்ட்ரோஜன்' நின்ற பிறகு வரும் ஆபத்து...! இந்த அறிகுறிகளை அலட்சியப்படுத்தாதீர்கள்...!!!

மாரடைப்பு என்பது உலகம் முழுவதும் உயிரிழப்புக்கான முக்கிய காரணங்களில் ஒன்றாக உள்ளது. முன்பு வயதானவர்களிடையே அதிகமாகக் காணப்பட்ட இந்த பாதிப்பு, தற்போது தவறான வாழ்க்கை முறை, மன அழுத்தம் மற்றும் உடற்பயிற்சியின்மை காரணமாக இளைஞர்களிடமும் அதிகரித்து வருகிறது. எனவே, இதன் அறிகுறிகளையும் தடுப்பு வழிமுறைகளையும் அறிந்திருப்பது மிகவும் அவசியம்.

மாரடைப்பு ஏற்படுவதற்கான முக்கிய காரணங்கள்

இதயத்திற்கு ரத்தத்தை எடுத்துச் செல்லும் கரோனரி தமனிகளில் கொழுப்பு, கொலஸ்ட்ரால் மற்றும் கால்சியம் படிந்து அடைப்பு ஏற்படும்போது, இதய தசைகளுக்கு தேவையான ஆக்சிஜன் கிடைக்காமல் சேதம் ஏற்படுகிறது. இதுவே மாரடைப்பாக மாறுகிறது. உயர் ரத்த அழுத்தம், நீரிழிவு நோய், அதிக கொலஸ்ட்ரால், உடல் பருமன் மற்றும் மரபணுக் காரணங்கள் இதற்கான ஆபத்தை அதிகரிக்கின்றன.

இதையும் படிங்க: மாரடைப்புக்கு முக்கிய காரணமே கெட்ட கொழுப்பு தான்! அதிலிருந்து தப்பிக்க இந்த உணவுகளை அவசியம் சாப்பிடுங்க....

அதோடு, புகைப்பிடித்தல், அதிகமாக மது அருந்துதல், உடற்பயிற்சி இல்லாத வாழ்க்கை முறை, நீடித்த மன அழுத்தம் மற்றும் போதிய தூக்கமின்மையும் இதய ஆரோக்கியத்தை பாதிக்கும் முக்கிய காரணிகளாகக் கருதப்படுகின்றன. பெண்களுக்கு மாதவிடாய்( ஈஸ்ட்ரோஜன்)நிற்கும் காலத்திற்குப் பிறகு மாரடைப்பு ஏற்படும் அபாயம் அதிகரிக்கும் என்பது மருத்துவர்களின் கருத்தாகும்.

அறிகுறிகளை அலட்சியப்படுத்தாதீர்கள்

மார்பின் நடுப்பகுதியில் கடுமையான அழுத்தம் அல்லது வலி, அந்த வலி இடது கை, தோள், கழுத்து அல்லது தாடை வரை பரவுதல், அதிக வியர்வை, மூச்சுத்திணறல், வாந்தி, மயக்கம் போன்றவை மாரடைப்பின் முக்கிய அறிகுறிகளாகும். பெண்களுக்கு சோர்வு, முதுகுவலி, செரிமானக் கோளாறு போன்ற வித்தியாசமான அறிகுறிகளும் தோன்றலாம். சர்க்கரை நோயாளிகளுக்கு வலி இல்லாமலேயே 'அமைதியான மாரடைப்பு' ஏற்படும் வாய்ப்பும் உள்ளது.

தடுப்பதே சிறந்த பாதுகாப்பு

மாரடைப்பு ஏற்பட்ட முதல் 60 முதல் 90 நிமிடங்கள் உயிரைக் காக்க மிகவும் முக்கியமான காலமாகும். உடனடியாக அவசர மருத்துவ உதவியை நாட வேண்டும். அதேநேரத்தில், தினமும் 30 முதல் 45 நிமிடங்கள் நடைப்பயிற்சி அல்லது உடற்பயிற்சி செய்வது, உடல் எடையை கட்டுப்பாட்டில் வைத்திருப்பது, உப்பு, சர்க்கரை மற்றும் எண்ணெய் பயன்பாட்டைக் குறைப்பது, புகை மற்றும் மதுவைத் தவிர்ப்பது ஆகியவை இதய ஆரோக்கியம் பாதுகாக்க உதவுகின்றன. மேலும், ரத்த அழுத்தம், சர்க்கரை மற்றும் கொலஸ்ட்ரால் அளவுகளை தவறாமல் பரிசோதித்து, மன அழுத்தத்தைக் குறைக்க தியானம், யோகா மற்றும் போதிய உறக்கத்தைப் பின்பற்றுவது இதய நோய் அபாயத்தை குறைக்க முக்கிய பங்காற்றுகிறது.

இதையும் படிங்க: இதுதான் முதல் சிக்னல்! இதய அடைப்புக்கானா 5 எச்சரிக்கை அறிகுறிகள் இவை தான்! அசால்ட்டா இருக்காத்தீங்க....