ஓ.. இப்படியெல்லாம் இருக்கா..? தலை முடிக்கு எந்த நேரத்தில் எப்படி எண்ணெய் வைக்க வேண்டும் தெரியுமா? இந்த தவறை மட்டும் செய்யாதீங்க..!!!

தலைமுடியை ஆரோக்கியமாகவும் மென்மையாகவும் வைத்திருக்க பலரும் தேங்காய் எண்ணெய் பயன்படுத்துகின்றனர். ஆனால், எண்ணெய் தடவும் முறையிலும் சில விஷயங்களைக் கவனிக்க வேண்டும். அதிகமாக எண்ணெய் வைப்பது முதல் உச்சந்தலையை அழுத்தித் தேய்ப்பது வரை சில பழக்கங்கள் முடிக்கு பாதிப்பை ஏற்படுத்தலாம். தலைக்கு எண்ணெய் வைக்கும்போது தவிர்க்க வேண்டிய தவறுகள் என்னென்ன என்பதைப் பார்ப்போம்.

அதிகமாக எண்ணெய் வைப்பதும் நீண்ட நேரம் வைத்திருப்பதும் வேண்டாம்

தலைமுடிக்கு அதிக அளவில் எண்ணெய் தடவினால் முடி பிசுபிசுப்பாக மாறும். அதைச் சுத்தம் செய்ய அதிக ஷாம்பு பயன்படுத்த வேண்டிய நிலையும் ஏற்படலாம். எனவே, தலைமுடியின் அளவுக்கும் தேவைக்கும் ஏற்ப குறைந்த அளவு எண்ணெய் பயன்படுத்துவது நல்லது.

அதேபோல், எண்ணெயைத் தடவிய பிறகு நீண்ட நேரம் வைத்திருக்க வேண்டிய அவசியமில்லை. குறிப்பாக இரவு முழுவதும் எண்ணெய் வைத்திருப்பது அனைவருக்கும் ஏற்றதாக இருக்காது. வியர்வை, தூசி, அழுக்கு ஆகியவை உச்சந்தலையில் சேர்ந்து சிலருக்கு பொடுகு அல்லது அரிப்பு போன்ற பிரச்சினைகளை அதிகரிக்கலாம்.

​​​​​​

எண்ணெய் தேய்க்கும்போது கவனிக்க வேண்டியவை

எண்ணெய் வைக்கும்போது உச்சந்தலையை அதிக அழுத்தத்துடன் தேய்ப்பதோ, வேகமாக மசாஜ் செய்வதோ கூடாது. விரல் நுனிகளைப் பயன்படுத்தி மெதுவாக மசாஜ் செய்யலாம். நகங்களால் உச்சந்தலையைக் கீறுவதைத் தவிர்க்க வேண்டும்.

மேலும், தலைமுடி அதிகமாகச் சிக்கியிருக்கும் நேரத்தில் எண்ணெயைத் தடவி பலமாகத் தேய்க்க வேண்டாம். இதனால் முடி உடைவது அதிகரிக்கலாம். முதலில் மெதுவாகச் சிக்குகளை நீக்கிய பிறகு எண்ணெய் தடவுவது நல்லது.

முடி உதிர்வுக்கு எண்ணெய் மட்டும் தீர்வல்ல

எண்ணெய் தடவுவது தலைமுடிக்கு மென்மையையும் ஈரப்பதத்தையும் அளிக்க உதவும். ஆனால், அதிகப்படியான முடி உதிர்வைத் தடுக்கும் அல்லது கூந்தல் தொடர்பான எல்லாப் பிரச்சினைகளையும் சரிசெய்யும் என்று சொல்ல முடியாது.

தொடர்ந்து அதிக அளவில் முடி உதிர்ந்தால் எண்ணெய் மாற்றிப் பயன்படுத்துவதில் மட்டும் கவனம் செலுத்தாமல், அதற்கான காரணத்தைக் கண்டறிய மருத்துவரை அணுக வேண்டும். தலைமுடி பராமரிப்பில் சரியான பழக்கங்களுடன், தேவையான நேரத்தில் மருத்துவ ஆலோசனையும் பெறுவது முக்கியம்.