அடக்கடவுளே..! பள்ளிக்கு ஒரு நிமிடம் தாமதமாக வந்த 9 வயது சிறுவன்! உள்ளே அனுமதிக்காமல் திருப்பி அனுப்பிய ஆசிரியர்... அடுத்த சில நிமிடங்களில் துடிதுடித்து இறந்த மாணவன்..! பள்ளியில் உறவினர்கள் போராட்டம்..!!!



up-schoolboy-killed-train-after-school-denies-entry

உத்தரப்பிரதேச மாநிலம் பிரயாக்ராஜில், பள்ளிக்கு ஒரு நிமிடம் தாமதமாக வந்ததாகக் கூறி திருப்பி அனுப்பப்பட்ட 9 வயது சிறுவன் ரயில் மோதி உயிரிழந்துள்ளான். கூர்பூர் காவல் நிலைய எல்லைக்குட்பட்ட பகுதியில் செவ்வாய்க்கிழமை காலை இந்தச் சம்பவம் நடந்துள்ளது. சிறுவனின் மரணத்தைத் தொடர்ந்து அவரது குடும்பத்தினர் பள்ளிக்குச் சென்று எதிர்ப்பு தெரிவித்ததால் அங்கு பரபரப்பு ஏற்பட்டது.

ஒரு நிமிடம் தாமதமாக வந்ததால் பள்ளியில் அனுமதி மறுப்பு

பிரயாக்ராஜ் மாவட்டத் தலைமையகத்தில் இருந்து சுமார் 15 கி.மீ தொலைவில் உள்ள கூர்பூர் பகுதியில் இந்தச் சம்பவம் நடந்துள்ளது. செவ்வாய்க்கிழமை காலை பள்ளிக்குச் சென்ற சிறுவனை, ஒரு நிமிடம் தாமதமாக வந்ததாகக் கூறி ஆசிரியர் ஒருவர் பள்ளி வாசலிலேயே தடுத்து நிறுத்தி வீட்டுக்குத் திருப்பி அனுப்பியதாக குடும்பத்தினர் குற்றம்சாட்டியுள்ளனர்.

இதையும் படிங்க: என்ன மனுஷன்யா இவரு..? உயிருடன் இருக்கும்போதே தனக்குத்தானே 13-ம் நாள் காரியம் செய்த 80 வயது முதியவர்..! பின்னணி அதிரவைக்கும் காரணம்... வியக்கவைக்கும் சம்பவம்..!!!

இதையடுத்து சிறுவன் தண்டவாளத்திற்கு அருகே உள்ள பாதை வழியாக வீட்டுக்குத் திரும்பிக் கொண்டிருந்தான். அப்போது எதிர்பாராதவிதமாக ரயில் மோதியதில் சம்பவ இடத்திலேயே உயிரிழந்தான்.

பள்ளியில் உறவினர்கள் வாக்குவாதம்

சிறுவன் உயிரிழந்த செய்தி அறிந்த பெற்றோர் மற்றும் உறவினர்கள் கடும் அதிர்ச்சியடைந்தனர். ஆத்திரமடைந்த அவர்கள் பள்ளிக்குச் சென்று ஆசிரியர்கள் மற்றும் நிர்வாகத்தினரிடம் வாக்குவாதத்தில் ஈடுபட்டனர். அப்போது பள்ளியில் இருந்த பொருட்களையும் அடித்து நொறுக்கியதாகக் கூறப்படுகிறது. இதனால் அப்பகுதியில் பதற்றம் ஏற்பட்டது.

போலீசார் விசாரணை

தகவல் கிடைத்ததும் சம்பவ இடத்திற்கு வந்த காவல்துறையினர், சிறுவனின் குடும்பத்தினரிடம் பேச்சுவார்த்தை நடத்தி நிலைமையைக் கட்டுக்குள் கொண்டு வந்தனர். ஒரு நிமிடம் தாமதமாக வந்ததற்காக சிறுவனைத் திருப்பி அனுப்பியதாகக் கூறப்படும் புகார் குறித்து போலீசார் விசாரணை நடத்தி வருகின்றனர்.

பள்ளி நிர்வாகத்தின் செயல்பாடு குறித்து குடும்பத்தினர் எழுப்பியுள்ள குற்றச்சாட்டுகள் விசாரணையில் உள்ளன. சிறுவனின் உயிரிழப்புக்கான சூழ்நிலைகள் மற்றும் பள்ளியின் பொறுப்பு குறித்து காவல்துறையினர் தொடர்ந்து விசாரித்து வருகின்றனர்.

 

இதையும் படிங்க: ரத்த வெள்ளத்தில் விவசாய நிலத்தில் கழுத்தறுக்கப்பட்டு கிடந்த சிறுமி.. ! கூட்டு சேர்ந்து காம மிருகங்ககள் செய்த கொடூர காரியம்.... பகீர் பின்னணி..!!!