கர்ப்பிணி மனைவியை கொன்று 2 நாட்கள் சடலத்துடன் வசித்த கணவர்.. அதிர்ச்சி சம்பவம்..!

உத்தரபிரதேசத்தைச் சேர்ந்த சிவம் என்பவர், தனது கர்ப்பிணி மனைவி சுமனாவை கொன்றுவிட்டு, பெங்களூருவிலுள்ள வீட்டில் இரண்டு நாட்கள் சடலத்துடன் வசித்திருப்பது திகிலூட்டும் வகையில் உள்ளது.

சிவம் மற்றும் சுமனா இருவரும் ஐந்தாண்டுகளுக்கு முன் காதலித்து பெற்றோரின் எதிர்ப்பை மீறி திருமணம் செய்து பெங்களூருவில் குடியேறினர். ஆனால், அவர்களுக்குள் அடிக்கடி சண்டைகள் ஏற்பட்டு வந்துள்ளன.

இதையும் படிங்க: இரண்டு தலைகளுடன் பிறந்த பெண் குழந்தை! இரு இதயங்கள் இருந்தும், ஒன்று மட்டுமே! உறவினர்கள் மற்றும் மருத்துவர்கள் அதிர்ச்சி! குழந்தை தீவிர சிகிச்சையில் அனுமதி!

சமீபத்தில் ஏற்பட்ட வாய்த்தகராறின் போது, ஆத்திரமடைந்த சிவம் தனது மனைவியை அடித்து காயப்படுத்த, சுமனா மயக்கம் அடைந்துள்ளார். ஆனால், அதை பெரிதாக எடுத்துக்கொள்ளாத சிவம், மனைவி தூங்கிக்கொண்டிருக்கிறார் என நினைத்து நாளை பொழுதைத் தொடர்ந்துள்ளார்.

மறுநாள் வேலையிற்குச் சென்றுவிட்டு இரவில் வீடு திரும்பிய சிவம், சுமனா இன்னும் தூங்கிக்கொண்டிருக்கிறார் என எண்ணியவாறே தூங்கியுள்ளார். அதன் பின்னர், வீட்டிலிருந்து துர்நாற்றம் வீசியதைக் கவனித்த அண்டை அயலார், காவல்துறைக்கு தகவல் வழங்கினர்.

வீட்டிற்குள் நுழைந்த போலீசார், சுமனாவின் சடலத்தை கண்டுபிடித்துள்ளனர். சுமார் இரண்டு நாட்கள் ஆகி விட்டதாகவும், வீட்டில் மது பாட்டில்கள் மற்றும் சிதறிய உணவுப் பொருட்கள் காணப்பட்டுள்ளதாகவும் தெரிவித்துள்ளனர்.

இந்நிலையில் சிவம் தலைமறைவாக இருப்பதால், அவரை தேடும் பணியில் போலீசார் விரைவான நடவடிக்கையில் ஈடுபட்டுள்ளனர். கர்ப்பிணி மனைவியை கொன்று, சடலத்துடன் இருநாள் வாழ்ந்த இந்தச் சம்பவம், பெங்களூரு மக்களிடம் பெரும் பரபரப்பையும் அதிர்ச்சியையும் ஏற்படுத்தியுள்ளது.

இதையும் படிங்க: உஷார் மக்களே! பட்டப்பகலில் டெலிவரி ஊழியர்கள் போல் நகைக்கடையில் நுழைந்த 2 திருடர்கள்! வைரலாகும் அதிர்ச்சி வீடியோ...