கல்லூரியில் பணி நியமன ஆணை வாங்கிட்டு வெளியில் வந்த 19 வயது மாணவனுக்கு நேர்ந்த விபரீதம்..! சந்தோசம் கொஞ்சம் நேரம் கூட நிலைக்கல... மின்னல் வேகத்தில் மோதி காற்றில் தூக்கி வீசிய கொடுமை ! பகீர் வீடியோ...!!!

Copy Link

கர்நாடக மாநிலம் மைசூரு மாவட்டம் நஞ்சன்கூடுவில், வேலைக்கான பணி நியமன ஆணையை பெற கல்லூரிக்கு வந்த 19 வயது மாணவர் கார் மோதி உயிரிழந்தார். JSS பாலிடெக்னிக் கல்லூரி வாசலில் செவ்வாய்க்கிழமை இந்த துயர சம்பவம் நடந்தது. விபத்தை ஏற்படுத்திய கார் ஓட்டுநர் அங்கிருந்து தப்பியோடிய நிலையில், போலீசார் தீவிரமாக தேடி வருகின்றனர்.

நஞ்சன்கூடு பகுதியைச் சேர்ந்த பிரிதேஷ் ஜெயின், JSS பாலிடெக்னிக் கல்லூரியில் படிப்பை முடித்திருந்தார். சமீபத்தில் நடைபெற்ற வளாக நேர்காணலில் பங்கேற்று வேலைவாய்ப்பும் பெற்றிருந்தார். இதையடுத்து, தனது புதிய பணிக்கான பணி நியமன ஆணையை பெறுவதற்காக செவ்வாய்க்கிழமை கல்லூரிக்கு வந்துள்ளார்.

இதையும் படிங்க: மெடிக்கல் ஷாப்பிற்கு சென்ற கணவர்...! ஸ்கூட்டியில் காத்திருந்த பெண்ணை குறிவைத்த கொள்ளையர்கள்...பட்டப்பகலில் நடந்த பயங்கர காட்சி!!!

கல்லூரி வாசலில் காத்திருந்த மாணவர் மீது கார் மோதல்

கல்லூரி வாசல் அருகே சாலையை கடப்பதற்காக பிரிதேஷ் ஜெயின் நின்று கொண்டிருந்ததாக கூறப்படுகிறது. அப்போது பெங்களூரு பதிவு எண் கொண்ட சொகுசு கார் ஒன்று அதிவேகமாக வந்து அவர் மீது மோதியது. மோதிய வேகத்தில் தூக்கி வீசப்பட்ட மாணவர் சாலையில் விழுந்தார்.

தலையில் பலத்த காயம் ஏற்பட்ட நிலையில், ரத்த வெள்ளத்தில் கிடந்த பிரிதேஷ் ஜெயின் சம்பவ இடத்திலேயே உயிரிழந்தார். வேலை கிடைத்த மகிழ்ச்சியில் கல்லூரிக்கு வந்த இளைஞர், சில நிமிடங்களிலேயே உயிரிழந்தது சக மாணவர்கள் மத்தியில் அதிர்ச்சியை ஏற்படுத்தியது.

காரை விட்டுவிட்டு தப்பிய ஓட்டுநர்

விபத்தை ஏற்படுத்திய ஓட்டுநர் காரை அங்கேயே விட்டுவிட்டு தப்பிச் சென்றதாக போலீசார் தெரிவித்துள்ளனர். விபத்தின் அதிர்ச்சிகரமான காட்சிகள் கல்லூரி அருகே பொருத்தப்பட்டிருந்த CCTV காட்சிகளில் பதிவாகியுள்ளன. அவற்றின் அடிப்படையில் ஓட்டுநரை அடையாளம் காணும் பணியில் போலீசார் ஈடுபட்டுள்ளனர்.

தேசிய நெடுஞ்சாலையில் மாணவர்கள் போராட்டம்

பிரிதேஷ் ஜெயின் உயிரிழந்த தகவல் பரவியதும் சக மாணவர்கள் ஆத்திரமடைந்தனர். விபத்துக்கு காரணமான ஓட்டுநரை உடனடியாக கைது செய்ய வேண்டும் உள்ளிட்ட கோரிக்கைகளை வலியுறுத்தி தேசிய நெடுஞ்சாலையில் மறியலில் ஈடுபட்டனர். இதனால் அப்பகுதியில் சிறிது நேரம் பரபரப்பு ஏற்பட்டது.

நஞ்சன்கூடு போக்குவரத்து போலீசார் வழக்குப்பதிவு செய்து விசாரணை நடத்தி வருகின்றனர். தப்பியோடிய ஓட்டுநரை பிடிக்க நடவடிக்கை எடுக்கப்பட்டுள்ளதுடன், விபத்து தொடர்பான சிசிடிவி ஆதாரங்களையும் போலீசார் ஆய்வு செய்து வருகின்றனர்.

A 19-year-old polytechnic student was killed after he was allegedly hit by a speeding car while crossing the road outside his college in Nanjangud on Tuesday.

The accident was captured on CCTV, with the footage showing the impact that resulted in the student’s death.

The… pic.twitter.com/6WITSunbk0
— Hate Detector 🔍 (@HateDetectors) September 22, 2026