நள்ளிரவில் நீண்ட நேரம் ஆகியும் அறையை திறக்காத 24 வயது எம்பிபிஎஸ் மாணவி! கதவை உடைத்த போது காத்திருந்த அதிர்ச்சி... பகீர் சம்பவம்!!!

உத்தரப் பிரதேச மாநிலம் முசாபர்நகரில் உள்ள பேக்ராஜ்பூர் மருத்துவக் கல்லூரி விடுதியில், 24 வயது எம்பிபிஎஸ் மாணவி ஷகுன் சைனி உயிரிழந்த நிலையில் மீட்கப்பட்டார். இறுதியாண்டு படித்து வந்த அவர், திங்கட்கிழமை நள்ளிரவில் தனது அறையில் தூக்கிட்டுத் தற்கொலை செய்துகொண்டதாக முதற்கட்ட தகவல்கள் தெரிவிக்கின்றன.அவரது மரணத்துக்கான காரணம் குறித்து போலீசார் விசாரணை நடத்தி வருகின்றனர்.

அறையைத் திறக்காததால் சந்தேகம்

ஹரியானா மாநிலம் கைத்தல் மாவட்டத்தைச் சேர்ந்த ஷகுன் சைனி, பேக்ராஜ்பூர் மருத்துவக் கல்லூரியில் மருத்துவப் படிப்பு படித்து வந்தார். திங்கட்கிழமை நள்ளிரவில் அவர் தங்கியிருந்த அறை நீண்ட நேரமாகத் திறக்கப்படாததால் விடுதி ஊழியர்களுக்கு சந்தேகம் ஏற்பட்டது. இதுகுறித்து போலீசாருக்கு தகவல் தெரிவிக்கப்பட்டது.

இதையும் படிங்க: தனித்தனி மரங்களில் தொங்கிய காதலர்கள்..! பின்னணியில் இருக்கும் அதிர்ச்சி உண்மை..!!!

தகவலின் பேரில் அங்கு சென்ற போலீசார், அறையின் கதவை உடைத்து உள்ளே சென்றனர். அப்போது ஷகுன் சைனி உயிரிழந்த நிலையில் இருந்தார். அவரது உடலைக் கைப்பற்றிய போலீசார், பிரேதப் பரிசோதனைக்காக அனுப்பி வைத்தனர்.

தற்கொலைக் குறிப்பு எதுவும் கிடைக்கவில்லை

சம்பவ இடத்தில் போலீசார் நடத்திய முதற்கட்ட ஆய்வில், தற்கொலைக் குறிப்பு எதுவும் கிடைக்கவில்லை. இதனால் மாணவி இந்த முடிவை எடுத்ததற்கான காரணம் உடனடியாகத் தெரியவில்லை.

நண்பருடன் ஏற்பட்ட வாக்குவாதம் குறித்து விசாரணை

ஷகுன் சைனி தனது கைபேசியில் நண்பர் ஒருவருடன் அடிக்கடி கடுமையாக வாக்குவாதத்தில் ஈடுபட்டு வந்ததாக அவரது அறைத் தோழி போலீசாரிடம் தெரிவித்ததாகக் கூறப்படுகிறது. இந்தத் தகவலின் அடிப்படையில், மாணவியின் தனிப்பட்ட உறவுகள் மற்றும் மன அழுத்தம் உள்ளிட்ட அம்சங்கள் குறித்து போலீசார் விசாரித்து வருகின்றனர். இருப்பினும், அவரது மரணத்துக்கான காரணம் இதுவரை உறுதி செய்யப்படவில்லை. விசாரணை முடிவில் கூடுதல் விவரங்கள் தெரியவரும் என எதிர்பார்க்கப்படுகிறது.

இதையும் படிங்க: திடீரென தீப்பிடித்து எரிந்த தண்ணீர்...! வினோத நீரைக் கண்டு பீதிபடைந்த கிராம மக்கள்..! பகீர் சம்பவம்..!!!