என்னால சமாளிக்க முடியல.... இலவச மகளிர் பஸ் பயண திட்டத்தால் மனைவி, மகனை கொன்று ஜவுளிக்கடையில் தற்கொலை செய்த ஓனர்..!!!

கர்நாடக மாநிலம் மாண்டியா மாவட்டத்தில் ஜவுளிக்கடை உரிமையாளர் ஒருவர் தனது மனைவி மற்றும் மகனை கொன்றுவிட்டு தற்கொலை செய்துகொண்ட சம்பவம் பெரும் அதிர்ச்சியை ஏற்படுத்தியுள்ளது. கடன் சுமை மற்றும் தொழிலில் ஏற்பட்ட கடுமையான நஷ்டம் காரணமாக இந்த துயரச் சம்பவம் நிகழ்ந்திருக்கலாம் என போலீசார் முதற்கட்ட விசாரணையில் தெரிவித்துள்ளனர்.

மாண்டியா மாவட்டம் நேரு நகரைச் சேர்ந்த பிரபாகர் (65), தனது மனைவி ஜோதி (55) மற்றும் மகன் சந்தோஷ் (30) ஆகியோருடன் வசித்து வந்தார். இவர்களது உடல்கள் வீட்டில் கண்டெடுக்கப்பட்ட நிலையில், பிரபாகர் தனது துணிக்கடையில் தூக்கிட்டு உயிரிழந்த நிலையில் மீட்கப்பட்டார்.

இதையும் படிங்க: ஒரு நொடி ஆத்திரத்தில் நொறுங்கிய குடும்பம்! தந்தையே எமனாக மாறிய அவலம்.....இறுதியில் நடந்த அதிர்ச்சி!!!

ஒன்றரை மாதத்தில் மகன் திருமணம்

போலீசார் நடத்திய விசாரணையில், குடும்பத்தினரின் உயிரிழப்புக்கு பின்னர் பிரபாகர் தற்கொலை செய்துகொண்டது தெரியவந்துள்ளது. மேலும், அவரது மகன் சந்தோஷுக்கு ஒன்றரை மாதங்களுக்கு முன்புதான் திருமணம் நடைபெற்றதாக கூறப்படுகிறது.

இந்நிலையில், குடும்பத்தில் மகிழ்ச்சியான நிகழ்வு நடைபெற்ற சில வாரங்களிலேயே இத்தகைய சம்பவம் நடந்துள்ளது அப்பகுதி மக்களை சோகத்தில் ஆழ்த்தியுள்ளது.

கடிதத்தில் பதிவு செய்யப்பட்ட குற்றச்சாட்டு

தற்கொலைக்கு முன்பு பிரபாகர் எழுதி வைத்திருந்த கடிதம் விசாரணையில் முக்கிய ஆதாரமாக கிடைத்துள்ளது. அதில், தொழிலில் ஏற்பட்ட கடுமையான நஷ்டம் மற்றும் அதிகரித்த கடன் சுமை காரணமாக மிகுந்த மனஅழுத்தத்தில் இருந்ததாக அவர் குறிப்பிட்டுள்ளதாக தகவல்கள் தெரிவிக்கின்றன.

மேலும், கர்நாடக காங்கிரஸ் அரசின் மகளிர் இலவச பஸ் பயணத் திட்டமான 'சக்தி'  திட்டத்தால் உள்ளூர் ஆடை விற்பனை கடுமையாக பாதிக்கப்பட்டதாகவும், பெண்கள் பெங்களூரு, மைசூரு உள்ளிட்ட பெரிய நகரங்களுக்கு சென்று பொருட்கள் வாங்குவதால் சிறிய நகரங்களின் ஜவுளி வணிகம் வீழ்ச்சியடைந்ததாகவும் அவர் எழுதியிருந்ததாக கூறப்படுகிறது.

போலீசார் தீவிர விசாரணை

தகவலின்படி, தொழில் நஷ்டம் காரணமாக தனியார் நிதி நிறுவனங்களில் பெற்ற கடன்களுக்கான தவணைகள் மற்றும் வட்டித் தொகைகளை செலுத்த முடியாத நிலை ஏற்பட்டிருந்ததாகவும், இதனால் ஏற்பட்ட பொருளாதார நெருக்கடியே இந்த முடிவுக்குக் காரணமாக இருக்கலாம் என்றும் போலீசார் சந்தேகிக்கின்றனர்.

எனினும், கடிதத்தில் கூறப்பட்டுள்ள குற்றச்சாட்டுகள் மற்றும் சம்பவத்திற்கான உண்மையான காரணங்கள் குறித்து போலீசார் தொடர்ந்து விசாரணை நடத்தி வருகின்றனர். பிரபாகர் எழுதி வைத்ததாகக் கூறப்படும் கடிதமும் தற்போது ஆய்வுக்கு உட்படுத்தப்பட்டுள்ளது.

இதையும் படிங்க: தூக்கில் தொங்கிய நிலையில் பெற்றோர்..... படுக்கையில் 2 குழந்தைகளின் சடலம்! வீட்டில் கண்டெடுக்கப்பட்ட கடிதத்தில் இருக்கும் பகீர் உண்மை.!!!