அம்பாசமுத்திரத்திரம் இடைத்தேர்தலில் அதிரடி திருப்பம்...! தவெக வெற்றியை தடுக்க திமுக போடும் ஸ்கெட்ச்... ஒர்க் அவுட் ஆகுமா? அதிர்ச்சியில் ஆளுங்கட்சி...!!!

அம்பாசமுத்திரம் இடைத்தேர்தலில் நாம் தமிழர் கட்சியின் தலைமை ஒருங்கிணைப்பாளர் சீமானை பொது வேட்பாளராக ஆதரிப்பது குறித்து திமுகவில் ஆலோசனை நடைபெறுவதாக தகவல் வெளியாகியுள்ளது. முன்னாள் எம்.எல்.ஏ இசக்கி சுப்பையா ராஜினாமா செய்ததால் இத்தொகுதி காலியாகியுள்ளது. தவெகவின் வெற்றியைத் தடுக்க எதிர்க்கட்சிகள் ஒன்றிணைய வேண்டுமா என்ற விவாதம் எழுந்துள்ள நிலையில், சீமானுக்கு ஆதரவு அளிப்பது தொடர்பாக திமுக தலைமைக்கு இருவேறு கருத்துகள் வந்துள்ளதாகக் கூறப்படுகிறது.

சீமானை பொது வேட்பாளராக நிறுத்தும் யோசனை

எதிர்க்கட்சிகளின் வாக்குகள் சிதறாமல் ஒரே இடத்தில் குவிந்தால் தவெக வேட்பாளரை வீழ்த்த முடியும் என்பது திமுகவின் ஒரு தரப்பினரின் கணக்காக உள்ளது. கடந்த மதுராந்தகம், தாராபுரம் இடைத்தேர்தல்களில் எதிர்க்கட்சிகள் தனித்தனியாகப் போட்டியிட்டதால் வாக்குகள் பிரிந்து தவெக வெற்றி பெற்றதாக அவர்கள் சுட்டிக்காட்டுகின்றனர்.

இதையும் படிங்க: BREAKING: சற்று முன்... அம்பாசமுத்திரம் தொகுதி இடைத்தேர்தலில் போட்டி...! சீமான் அதிரடி அறிவிப்பு..!!!

இந்தச் சூழலில் சீமானின் செல்வாக்குடன் திமுக மற்றும் அதன் கூட்டணிக் கட்சிகளின் வாக்குகளும் சேர்ந்தால் தவெகவுக்கு எதிராக வலுவான போட்டியை உருவாக்க முடியும் என அந்தத் தரப்பினர் கருதுகின்றனர். ஆளுங்கட்சியின் வெற்றி தொடரைத் தடுக்க இது உதவும் என்றும் அவர்கள் நம்புவதாகத் தெரிகிறது.

உள்ளூர் திமுக நிர்வாகிகள் கடும் எதிர்ப்பு

ஆனால், சீமானை ஆதரிக்கும் யோசனைக்கு நெல்லை மாவட்டம் மற்றும் அம்பாசமுத்திரம் தொகுதியைச் சேர்ந்த திமுக நிர்வாகிகள் எதிர்ப்பு தெரிவிப்பதாகக் கூறப்படுகிறது. பல ஆண்டுகளாகக் கட்சிக்காக உழைத்த தொண்டர்களைத் தவிர்த்துவிட்டு வேறொரு கட்சித் தலைவரை ஆதரிப்பது அவர்களுக்கு ஏமாற்றத்தை ஏற்படுத்தும் என அவர்கள் தலைமைக்கு தெரிவித்துள்ளனர்.

சீமானை ஆதரித்தால் தேர்தல் பணிகளில் தொண்டர்கள் ஆர்வம் காட்டாமல் ஒதுங்கிவிடக்கூடும் என்றும் உள்ளூர் நிர்வாகிகள் எச்சரிப்பதாகக் கூறப்படுகிறது. மேலும், சீமான் வெற்றி பெற்றால் அதன் அரசியல் பலன் நாம் தமிழர் கட்சிக்கே கிடைக்கும்; திமுகவின் உள்ளூர் செல்வாக்கு பாதிக்கப்படலாம் என்பதும் அவர்களின் வாதமாக உள்ளது.

கொள்கை முரண்பாடும் திமுகவுக்கு சிக்கல்

திமுகவுக்கும் சீமானுக்கும் இடையே நீண்டகாலமாகக் கொள்கை ரீதியான மோதல் இருந்து வருகிறது. பொதுக்கூட்டங்களில் திராவிட இயக்கங்களையும் திமுகவையும் சீமான் கடுமையாக விமர்சித்து வந்த நிலையில், அவருக்காகத் திமுக தொண்டர்கள் எப்படி வாக்கு சேகரிப்பார்கள் என்ற கேள்வியும் எழுந்துள்ளது.

ஒருபுறம் தவெகவின் வளர்ச்சியைத் தடுக்க எதிர்க்கட்சிகள் ஒன்றிணைய வேண்டிய நிலை இருப்பதாக ஒரு தரப்பு கருதுகிறது. மறுபுறம், சொந்தக் கட்சியின் அடிமட்டக் கட்டமைப்பையும் செல்வாக்கையும் பாதுகாக்க வேண்டும் என உள்ளூர் நிர்வாகிகள் வலியுறுத்துகின்றனர். இதனால் அம்பாசமுத்திரம் இடைத்தேர்தலில் சீமானை ஆதரிப்பதா அல்லது தனித்துப் போட்டியிடுவதா என்ற முடிவை எடுப்பதில் திமுக தலைமைக்கு சிக்கல் ஏற்பட்டுள்ளது. தேர்தல் அறிவிப்புக்கு முன்பாக இதுகுறித்த இறுதி முடிவு வெளியாகுமா என்ற எதிர்பார்ப்பு நிலவுகிறது.

இதையும் படிங்க: திடீர் ட்விஸ்ட்... அம்பாசமுத்திரத்தில் திமுகவின் மாஸ்டர் பிளான்! அதிர்ச்சியில் EPS... அதிமுகவுக்கு இனி சவால் தான்!!!