ஒரு நொடி ஆத்திரத்தில் நொறுங்கிய குடும்பம்! தந்தையே எமனாக மாறிய அவலம்.....இறுதியில் நடந்த அதிர்ச்சி!!!

ஹரியானா மாநிலம் ஃபரிதாபாத்தில் குடும்பப் பிரச்சினை காரணமாக 5 வயது மகனை கொன்றுவிட்டு தந்தை தானும் தற்கொலை செய்துகொண்ட சம்பவம் பெரும் பரபரப்பை ஏற்படுத்தியுள்ளது. வீட்டுக்குள் தந்தை மற்றும் மகன் உயிரிழந்த நிலையில் கிடந்தது அப்பகுதி மக்களை அதிர்ச்சியடையச் செய்துள்ளது.

தகவலின்படி, உயிரிழந்த நபருக்கும் அவரது மனைவிக்கும் இடையே நீண்ட நாட்களாக குடும்பத் தகராறு இருந்து வந்ததாக கூறப்படுகிறது. இதனால் வீட்டில் அடிக்கடி பிரச்சினைகள் ஏற்பட்டதாகவும் போலீஸ் தரப்பில் தெரிவிக்கப்பட்டுள்ளது.

இதையும் படிங்க: நாங்கள் இனி இருக்கு மாட்டோம்..... மகனுக்கு தந்தை அனுப்பிய மெசேஜ்! அடுத்தடுத்து கணவன் செய்த பயங்கரம்! நடுங்க வைக்கும் பின்னணி.!!!

ஆத்திரத்தில் எடுத்த விபரீத முடிவு

இந்த நிலையில், கடும் மனஅழுத்தத்தில் இருந்த அந்த நபர் தனது 5 வயது மகனின் கழுத்தை நெரித்து கொன்றதாக முதற்கட்ட விசாரணையில் தெரியவந்துள்ளது. பின்னர் குழந்தை உயிரிழந்ததைத் தொடர்ந்து, அவர் வீட்டிலேயே தூக்கிட்டு தற்கொலை செய்துகொண்டுள்ளார்.

நீண்ட நேரமாக வீடு திறக்கப்படாததால் சந்தேகமடைந்த அக்கம் பக்கத்தினர் போலீசாருக்கு தகவல் அளித்தனர். அதன்பின் சம்பவ இடத்துக்கு வந்த காவல்துறையினர், இருவரின் உடல்களையும் மீட்டு மருத்துவமனைக்கு அனுப்பி வைத்தனர்.

போலீசார் தீவிர விசாரணை

இந்த குடும்பத் தகராறு சம்பவம் தொடர்பாக போலீசார் வழக்குப் பதிவு செய்து விசாரணை நடத்தி வருகின்றனர். உயிரிழப்புக்கு முன் அந்த நபர் ஏதேனும் கடிதம் எழுதி வைத்திருந்தாரா என்பது குறித்தும் ஆய்வு மேற்கொள்ளப்பட்டு வருகிறது.

மேலும், குடும்பத்தினர் மற்றும் அக்கம் பக்கத்தினரிடம் வாக்குமூலங்கள் பெறப்பட்டு வருகின்றன. ஒரு 5 வயது குழந்தை உயிரிழந்துள்ள இந்த சம்பவம் ஃபரிதாபாத் பகுதியில் பெரும் சோகத்தை ஏற்படுத்தியுள்ளது.

இதையும் படிங்க: குழந்தை இழப்பினால் குறையாத துக்கம்! விபரீத முடிவெடுத்த தாயும் மகளும்.. வீடு திரும்பிய கணவருக்கு காத்திருந்த பேரதிர்ச்சி!