காதலியின் முத்தத்தால் மின்னிய கார்! இறுதியில் காதலனுக்கு போலீஸ் கொடுத்த ஷாக்.... இப்படி ஆகிப்போச்சே!!!

மத்தியப் பிரதேசத்தின் குவாலியரில் இளைஞர் ஒருவரின் கார், வித்தியாசமான காரணத்தால் இணையத்தில் வைரலானது. அவரது காதலி, காரின் வெளிப்புறம் முழுவதும் சுமார் 3,400 லிப்ஸ்டிக் முத்தங்களை பதித்துள்ளார். இதற்காக தொடர்ந்து 4 மணி நேரம் செலவிடப்பட்டதாக கூறப்படுகிறது. சாலையில் அந்த தோற்றத்துடன் சென்ற காரை பார்த்த பொதுமக்கள் புகைப்படம் எடுத்து சமூக வலைதளங்களில் பகிர்ந்தனர்.

காரை அலங்கரித்த 3,400 முத்தங்கள்

குவாலியரைச் சேர்ந்த ஆதித்யா சிகர்வார் என்பவரின் காரில்தான் இந்த வித்தியாசமான முயற்சி நடந்துள்ளது. வெளிநாடுகளில் பிரபலமான சமூக வலைதள ட்ரெண்டை பின்பற்றி, அவரது காதலி காரின் பல்வேறு பகுதிகளிலும் லிப்ஸ்டிக் முத்தங்களை பதித்ததாக தெரிகிறது. காரின் முழு தோற்றமும் மாறியதால், சாலையில் சென்றபோது அது பலரது கவனத்தையும் ஈர்த்தது.

இதையும் படிங்க: ஐயோ... கடவுளே! வெள்ளத்தில் சிக்கி 8 மணி நேரம் தவித்த பள்ளி குழந்தைகள்! கலங்க வைக்கும் காட்சிகள்...!!!

பின்னர் காரின் புகைப்படங்கள் இணையத்தில் வேகமாக பரவின. குறிப்பாக வாகனத்தின் பதிவு எண் தெளிவாக தெரிந்ததால், விவகாரம் போக்குவரத்துத்துறையினரின் கவனத்துக்கும் சென்றது.

பதிவு எண்ணை வைத்து இளைஞரை தொடர்புகொண்ட போலீசார்

புகைப்படங்களில் இருந்த பதிவு எண்ணின் அடிப்படையில் ஆதித்யாவை காவல்துறையினர் தொடர்புகொண்டனர். காரை பறிமுதல் செய்து விசாரணை நடத்தியபோது, அதன் அசல் தோற்றத்தில் மாற்றம் செய்யப்பட்டிருப்பது தொடர்பாக நடவடிக்கை எடுக்கப்பட்டது. போக்குவரத்து விதிமீறல் காரணமாக அவருக்கு ரூ.5,500 அபராதம் விதிக்கப்பட்டது.

முத்தத் தடங்கள் அகற்றப்பட்ட கார்

தவறை உணர்ந்த ஆதித்யா, அதிகாரிகளின் நடவடிக்கைக்கு ஒத்துழைத்தார். இதையடுத்து காரில் இருந்த அனைத்து லிப்ஸ்டிக் முத்தத் தடங்களும் கழுவி அகற்றப்பட்டன. பின்னர் வாகனம் மீண்டும் பழைய தோற்றத்துக்கு கொண்டு வரப்பட்டது.

காதலை வெளிப்படுத்துவதற்காக மேற்கொள்ளப்பட்ட இந்த நூதன முயற்சி, சமூக வலைதளங்களில் கவனத்தை பெற்றதுடன், இறுதியில் ரூ.5,500 அபராதத்தையும் பெற்றுத் தந்துள்ளது. தற்போது அந்த வைரல் கார் மீண்டும் அதன் பழைய தோற்றத்திலேயே உள்ளது.

இதையும் படிங்க: நள்ளிரவு 1 மணிக்கு ஓடும் ரயிலில் நடந்த கொடுமை! குழந்தைங்க இருக்காங்கன்னு சொல்லியும் கேட்கல.... தகவல் கொடுத்தும் போலீஸ் வரல! வீடியோ வெளியிட்டு கொந்தளித்த பெண் பயணி..!!!