BREAKING : பிரபல பாலிவுட் நடிகர் தர்மேந்திரா காலமானார்! திரையுலகில் பெரும் சோகம்..!!!

இந்திய சினிமாவின் பொற்காலத்தை ஒளிரச் செய்த பிரபல நடிகர் தர்மேந்திரா, தனது திறமையாலும் கவர்ச்சியாலும் திரையுலகில் அழியாத இடத்தைப் பெற்றவர். ரசிகர்களின் இதயத்தில் என்றும் நிலைத்து நிற்கும் அவரின் கலைப்பயணம் இன்று நிறைவடைந்தது என்பது பெரும் இழப்பாகும்.

பாலிவுட் 'ஹீ-மேன்' மறைந்தார்

இந்தியத் திரையுலகின் தலைசிறந்த நடிகர்களில் ஒருவராக விளங்கிய, 'ஹிந்தி சினிமாவின் ஹீ-மேன்' என்று ரசிகர்களால் அன்புடன் அழைக்கப்பட்ட பிரபல பாலிவுட் நடிகர் தர்மேந்திரா, உடல்நலக்குறைவால் காலமானார். மும்பையில் உள்ள பிர்ச் கேண்டி மருத்துவமனையில் சிகிச்சை பெற்று வந்த நிலையில் அவர் உயிரிழந்ததாக தகவல் வெளியாகியுள்ளது.

இதையும் படிங்க: நடிகை ராதிகா மற்றும் நிரோஷாவின் தாயாரான திருமதி. கீதா ராதா காலமானார்! திரையுலகினர் இரங்கல்…

ஆறு தசாப்த கலைவாழ்க்கை

1960ஆம் ஆண்டு வெளியான ‘தில் பி தேரா ஹம் பி தேரே’ திரைப்படத்தின் மூலம் திரையுலகில் அறிமுகமான தர்மேந்திரா, பின்னர் 300க்கும் மேற்பட்ட படங்களில் நடித்தார். காதல், அதிரடி, நகைச்சுவை என பல்வேறு கதாபாத்திரங்களில் திறமையாக நடித்த அவர், இந்திய சினிமாவின் மறக்க முடியாத முகமாக திகழ்ந்தார்.

அரசியல் மற்றும் விருதுகள்

திரையுலகில் மட்டுமின்றி அரசியல் துறையிலும் ஈடுபட்ட தர்மேந்திரா, பத்ம பூஷண் விருதை பெற்றவர் என்பதும் குறிப்பிடத்தக்கது. அவரது மறைவுச் செய்தி வெளியாகியவுடன் ரசிகர்கள், சக நடிகர்கள், அரசியல் தலைவர்கள் என அனைவரும் இரங்கல் தெரிவித்துள்ளனர்.

இந்திய சினிமாவின் ஒளிமிகு நட்சத்திரமான தர்மேந்திரா மறைவால் ரசிகர்கள் மனதில் வெறுமை நிலவுகிறது. அவரது கலைச் சாதனைகள் தலைமுறைகள் கடந்து நினைவில் நிற்கும் என்பதில் ஐயமில்லை.