10 வருட காதல் வெறும் 10 நிமிடத்தில் முடிந்தது...! வேலை கிடைத்த அதிகாரத்தில் காதலன் செய்த அந்த ஒரு செயல்... இளம்பெண்ணை இழந்து கதறும் குடும்பத்தினர்! வெளிவந்த பகீர் பின்னணி...!!!

ஆந்திர மாநிலம் கர்நூல் மாவட்டத்தில் 10 ஆண்டுகளாக காதலித்து வந்த பெண், காதலன் திருமணம் செய்ய மறுத்ததால் உயிரிழந்த சம்பவம் அதிர்ச்சியை ஏற்படுத்தியுள்ளது. பி.எட். பட்டதாரியான மஞ்சுளா, கிருஷ்ணமூர்த்தியை நீண்ட காலமாக காதலித்து வந்ததாக கூறப்படுகிறது. அவருக்கு அரசு பள்ளி ஆசிரியர் வேலை கிடைத்த பிறகு திருமண விவகாரத்தில் பிரச்சினை ஏற்பட்டுள்ளது.

10 ஆண்டு காதலில் ஏற்பட்ட திருப்பம்

மஞ்சுளாவும் கிருஷ்ணமூர்த்தியும் கடந்த 10 ஆண்டுகளாக காதலித்து வந்துள்ளனர். இருவரும் திருமணம் செய்து கொண்டு குடும்பமாக வாழ வேண்டும் என்ற எதிர்காலக் கனவுடன் இருந்ததாக தெரிகிறது. இந்த நிலையில் கிருஷ்ணமூர்த்திக்கு அரசு பள்ளியில் ஆசிரியர் பணி கிடைத்துள்ளது.

இதையும் படிங்க: இரவில் வீட்டை விட்டு வெளியே போன 14 வயது சிறுமி! தேடி அழைத்து வந்த பெற்றோர்... விடிந்ததும் வீட்டில் பெற்றோர்க்கு காத்திருந்த பேரதிர்ச்சி! நடந்தது என்ன? பகீர் சம்பவம்...!!!

வேலை கிடைத்த பின்னர் அவரது பேச்சிலும் நடத்தையிலும் மாற்றம் ஏற்பட்டதாக மஞ்சுளா தரப்பில் கூறப்படுகிறது. திருமணம் குறித்து மஞ்சுளா பேசியபோது, இருவரின் சாதிகளும் வேறுபட்டவை என்பதால் திருமணம் செய்து கொள்ள முடியாது என்று கிருஷ்ணமூர்த்தி தெரிவித்ததாக கூறப்படுகிறது. இதனால், பல ஆண்டுகளாக நம்பிக்கையுடன் இருந்த மஞ்சுளா கடும் மனவேதனை அடைந்துள்ளார்.

மருத்துவமனையில் சிகிச்சை பலனின்றி உயிரிழப்பு

காதல் உறவு முடிவுக்கு வந்த அதிர்ச்சியில் வீட்டிற்கு சென்ற மஞ்சுளா விஷம் குடித்ததாக கூறப்படுகிறது. உயிருக்குப் போராடிய அவரை குடும்பத்தினர் உடனடியாக மருத்துவமனைக்கு அழைத்துச் சென்றனர். ஆனால், சிகிச்சை அளித்தும் அவரை காப்பாற்ற முடியவில்லை.

காதலன் மீது நடவடிக்கை கோரி பெற்றோர் புகார்

மகளை இழந்த மஞ்சுளாவின் பெற்றோர் துயரத்தில் உள்ளனர். 10 ஆண்டுகளாக காதலித்து திருமணம் செய்து கொள்வதாக நம்பிக்கை அளித்துவிட்டு, பின்னர் திருமணம் செய்ய மறுத்ததால் தங்கள் மகள் இந்த முடிவுக்கு தள்ளப்பட்டதாக அவர்கள் குற்றம்சாட்டியுள்ளனர்.

இதையடுத்து, கிருஷ்ணமூர்த்தி மீது உரிய நடவடிக்கை எடுக்க வேண்டும் என காவல்துறையில் புகார் அளித்துள்ளனர். புகாரின் அடிப்படையில் போலீசார் விசாரணை மேற்கொண்டு, மஞ்சுளாவின் மரணம் தொடர்பான காரணங்கள் குறித்து தகவல்களை சேகரித்து வருகின்றனர். மஞ்சுளா மரணம் தொடர்பாக சட்டப்படி நடவடிக்கை எடுக்க வேண்டும் என்பதே அவரது பெற்றோரின் கோரிக்கையாக உள்ளது.

இதையும் படிங்க: கல்லூரியில் பணி நியமன ஆணை வாங்கிட்டு வெளியில் வந்த 19 வயது மாணவனுக்கு நேர்ந்த விபரீதம்..! சந்தோசம் கொஞ்சம் நேரம் கூட நிலைக்கல... மின்னல் வேகத்தில் மோதி காற்றில் தூக்கி வீசிய கொடுமை ! பகீர் வீடியோ...!!!