என் மகன் கஷ்டப்படுறதை பார்க்க முடியல.. 13 ஆண்டுகள் கோமாவில் ஊஞ்சலாடிய உயிர்! தந்தையின் போராட்டத்தில் இன்று உச்ச நீதிமன்றம் கொடுத்த பெரிய ட்விஸ்ட்!!!

மருத்துவம் மற்றும் சட்டம் சந்திக்கும் முக்கியமான விவகாரங்களில் ஒன்றான Passive Euthanasia குறித்து இந்தியாவில் மீண்டும் பெரும் விவாதத்தை ஏற்படுத்திய வழக்காக ஹரிஷ் ராணா சம்பவம் மாறியுள்ளது. 13 ஆண்டுகளாக கோமா நிலையில் இருந்த மகனுக்கு கண்ணியமான முடிவை வழங்க வேண்டும் என பெற்றோர் மேற்கொண்ட போராட்டம் தற்போது உச்சநீதிமன்றத்தின் முக்கிய தீர்ப்பால் புதிய திருப்பத்தை பெற்றுள்ளது.

13 ஆண்டுகளாக கோமா நிலை

2013ஆம் ஆண்டு சண்டிகரில் உள்ள பஞ்சாப் பல்கலைக்கழகத்தில் கல்வி கற்றுக்கொண்டிருந்த போது, விடுதியின் நான்காவது மாடியில் இருந்து தவறி விழுந்ததில் ஹரிஷ் ராணாவுக்கு கடுமையான மூளை காயம் ஏற்பட்டது. அந்த விபத்திற்குப் பிறகு அவர் ‘Persistent Vegetative State’ எனப்படும் ஆழ்ந்த கோமா நிலையில் இருந்து வருகிறார். கடந்த 13 ஆண்டுகளாக அவருக்கு எந்த அசைவும் அல்லது உணர்வும் இல்லாத நிலையில், உணவுக் குழாய் மூலம் மட்டுமே திரவ உணவுகள் வழங்கப்பட்டு உயிர் காக்கப்பட்டு வந்தது.

தந்தையின் நீதிமன்றப் போராட்டம்

தன் மகன் நீண்ட காலமாக இவ்வாறு துன்பத்தில் இருப்பதை தாங்க முடியாத தந்தை அசோக் ராணா, அவருக்கு நிம்மதியான மரணத்தை வழங்க அனுமதி கோரி நீதிமன்றத்தை நாடினார். இந்த மனு உச்சநீதிமன்றத்தில் விசாரணைக்கு வந்தபோது, மருத்துவ அறிக்கைகளும் குடும்பத்தின் நிலையும் பரிசீலிக்கப்பட்டது.

இதையும் படிங்க: பிரபல நடிகையுடன் திருமணத்தை மீறிய உறவில் இருக்கும் விஜய்! விவாகரத்து கேட்கும் சங்கீதா... அடுக்கடுக்கான குற்றச்சாட்டு…!

உச்சநீதிமன்றத்தின் முக்கிய தீர்ப்பு

நீதிபதிகள் ஜே.பி. பர்திவாலா மற்றும் கே.வி. விஸ்வநாதன் ஆகியோர் அடங்கிய அமர்வு, ஹரிஷ் இனி குணமடைய வாய்ப்பில்லை என்ற மருத்துவர்களின் அறிக்கையை ஏற்றுக்கொண்டது. அதன்படி, எய்ம்ஸ் மருத்துவர்கள் குழு வழங்கி வந்த செயற்கை ஊட்டச்சத்து மற்றும் நீர்ச்சத்து முறைகளை (CANH) படிப்படியாக நிறுத்தி, அவருக்கு அமைதியான முடிவை உறுதி செய்ய வேண்டும் என உத்தரவிட்டது.

‘கண்ணியமாக இறக்கும் உரிமை’ மீண்டும் உறுதி

இந்த வழக்கில் நீதிமன்றம் முக்கிய விளக்கமும் வழங்கியது. உணவுக் குழாய் மூலம் வழங்கப்படும் உணவு மற்றும் நீர்ச்சத்தும் ஒரு வகை மருத்துவ சிகிச்சையாகும் என்றும், நோயாளி குணமடைய வாய்ப்பே இல்லாத நிலையில் அந்த சிகிச்சையை நிறுத்துவது சட்டப்படி செல்லுபடியாகும் என்றும் நீதிபதிகள் தெரிவித்தனர். இதன் மூலம் Right to die with dignity என்ற உரிமை மீண்டும் வலியுறுத்தப்பட்டது.

பேலியேட்டிவ் கேர் பிரிவுக்கு மாற்றம்

ஹரிஷ் ராணாவை டெல்லி எய்ம்ஸ் மருத்துவமனையின் பேலியேட்டிவ் கேர் பிரிவுக்கு மாற்றி, அங்கு மருத்துவ கண்காணிப்பில் மென்மையான முறையில் சிகிச்சையை நிறுத்தும் நடவடிக்கைகளை மேற்கொள்ள வேண்டும் என நீதிமன்றம் வழிகாட்டியுள்ளது.

இந்த தீர்ப்பு இந்தியாவில் மருத்துவ நெறிமுறைகளும் சட்ட நடைமுறைகளும் தொடர்பாக ஒரு முக்கியமான முன்னுதாரணமாக பார்க்கப்படுகிறது. 13 ஆண்டுகளாக நீண்ட வலியும் எதிர்பார்ப்பும் முடிவுக்கு வரப்போகும் நிலையில், ஹரிஷ் ராணாவின் குடும்பத்தினர் நீதிமன்றத்திற்கு நன்றியைத் தெரிவித்துள்ளனர். மனிதநேயமும் சட்டமும் இணையும் இந்த தீர்ப்பு இந்திய நீதித்துறையில் குறிப்பிடத்தக்க மைல்கல்லாக கருதப்படுகிறது.

இதையும் படிங்க: தீராத வயிறு வலியால் அவதிப்பட்ட வாலிபர்! ஸ்கேனில் கர்ப்பம்னு சொன்ன மருத்துவர்கள்.... இது எப்படி சாத்தியம்? கேலி கிண்டளுக்கு ஆளான வாலிபர்! இறுதியில் காத்திருந்த பேரதிர்ச்சி!!!