எனக்கு இனி யாருமே தேவையில்லை! தனக்குத்தானே திருமணம் செய்ய 48 லட்சம் செலவழித்த மாடல் பெண்! அதிரவைக்கும் பின்னணி காரணம்...!!!

பல ஆண்டுகளாக காதல் உறவுகளில் ஏற்பட்ட ஏமாற்றங்களும் பிரிவுகளும் மன ரீதியாக பாதித்த நிலையில், ஸ்பெயினைச் சேர்ந்த 38 வயது மாடல் போனி லாக்கெட் வித்தியாசமான முடிவை எடுத்துள்ளார். மற்றொருவரை அல்ல, தன்னைத்தானே திருமணம் செய்துகொண்டு புதிய வாழ்க்கையை தொடங்கியுள்ளார். இபிசா தீவில் நடைபெற்ற இந்த நிகழ்வு தற்போது சமூக வலைதளங்களில் பேசுபொருளாகியுள்ளது.

11 ஆண்டு உறவுக்குப் பிறகு ஏற்பட்ட அதிர்ச்சி

தகவலின்படி, போனி லாக்கெட் தனது துணையுடன் 11 ஆண்டுகள் ஒன்றாக வாழ்ந்து வந்தார். 2023-ல் இருவரும் திருமணம் செய்துகொண்ட நிலையில், வெறும் ஒன்பது மாதங்களிலேயே கணவர் துரோகம் செய்தது தெரியவந்ததாக கூறப்படுகிறது. இதனால் அந்த உறவை முறித்துக்கொண்டார்.

அதன்பின் தொடங்கிய மற்றொரு காதல் உறவும் நீடிக்கவில்லை. தொடர்ந்து ஏற்பட்ட தோல்விகள் காரணமாக அவர் கடுமையான மன அழுத்தத்தில் சிக்கியதுடன், வாழ்க்கையை முடித்துக்கொள்ளும் எண்ணம் வரையிலும் சென்றதாக தெரிவித்துள்ளார்.

இதையும் படிங்க: வறுமையால் பிரிந்த காதல் தம்பதிகள்! கைக்குழந்தையுடன் காவல் நிலையத்தில் தர்ணாவில் ஈடுபட்ட பெண்! பரபரப்பு சம்பவம் !!!

மீண்டும் வாழ்க்கையை கட்டியெழுப்பிய பயணம்

நண்பர்களின் ஆதரவு, மனநல ஆலோசனை மற்றும் செல்லப் பிராணியின் அன்பு ஆகியவை அவரை அந்த நிலைமையிலிருந்து மீட்டன. அதன் பிறகே மகிழ்ச்சியாக வாழ்வதற்கு மற்றொருவரைச் சார்ந்திருக்க வேண்டிய அவசியமில்லை என்பதை உணர்ந்ததாக கூறியுள்ளார்.

தனது புதிய வாழ்க்கையை கொண்டாடும் வகையில் சமூக வலைதளத்தில் பார்த்த சுமார் 23 லட்சம் ரூபாய் மதிப்புள்ள மஞ்சள் வைர மோதிரத்தை வாங்கியுள்ளார். அதை தனது வாழ்க்கையின் புதிய அத்தியாயத்திற்கான அடையாளமாக கருதியதாகவும் தெரிவித்துள்ளார்.

இபிசா கடற்கரையில் சுய திருமணம்

பழைய திருமண ஆடை மற்றும் வைர மோதிரத்துடன் இபிசா தீவின் அழகிய கடற்கரையில் நடைபெற்ற நிகழ்வில், வாழ்நாள் முழுவதும் தன்னை நேசித்து மதிப்பதாக உறுதிமொழி எடுத்துக்கொண்டு சுய திருமணம் செய்துகொண்டார். இந்த நிகழ்வுக்காக மொத்தமாக சுமார் 48 லட்சம் ரூபாய் செலவிட்டதாக தகவல் வெளியாகியுள்ளது.

கடந்த காலத்தின் வேதனையான அனுபவங்களை நேர்மறையான மாற்றமாக மாற்றுவதே தனது நோக்கம் என போனி லாக்கெட் கூறியுள்ளார். ஒருவர் தன்னை நேசிக்கக் கற்றுக்கொண்டால் எந்த சவாலையும் தன்னம்பிக்கையுடன் எதிர்கொள்ள முடியும் என்றும் அவர் தெரிவித்துள்ளார்.

இதையும் படிங்க: இரண்டு வருஷ முன் காதல் திருமணம்! அண்ணன் என்று கூறி ஏமாற்றிய மனைவி....கடைசியில் காதல் கணவருக்கு மனைவி கொடுத்த பெரிய ஷாக்!!!