அப்போ ஸ்கூல் டாப்பர்....இன்னைக்கு ராபிடோ டிரைவர்! நடந்தது என்ன? நண்பனைப் பார்த்து கேட்ட ஒரே கேள்வி! அவரது பதில் பலருக்கு பாடம் !!!

சமூக வலைதளங்களில் சில வீடியோக்கள் மனிதர்களின் உணர்வுகளை நேரடியாகத் தொட்டுவிடுகின்றன. அதுபோன்ற ஒரு வைரல் வீடியோ தற்போது இணையத்தில் பரவி, வாழ்க்கையின் மாற்றங்கள் மற்றும் உழைப்பின் மதிப்பு குறித்து பலரையும் சிந்திக்க வைத்துள்ளது.

ராபிடோ பயணத்தில் அதிர்ச்சி

உமர் என்ற நபர் அவசரமாக ஒரு இடத்திற்குச் செல்ல ராபிடோ பைக் டாக்ஸியை புக் செய்துள்ளார். அந்த நேரத்தில் ஆப்பில் காட்டப்பட்டிருந்த 'சந்தன்' என்ற பெயரை பார்த்தவுடன், அது தனது பள்ளிக் கால நண்பனின் பெயரே என்பதால் அவருக்கு ஆச்சரியம் ஏற்பட்டது. சிறிது நேரத்தில் வந்த பைக் டிரைவரை பார்த்தபோது, அவர் உண்மையிலேயே தனது பள்ளி நண்பன் சந்தன்தான் என்பதும் உறுதியாகியது.

ஒருகால டாப்பர் – இன்று பைக் டாக்ஸி

பள்ளி நாட்களில் எப்போதும் வகுப்பில் முதலிடம் பிடித்திருந்த தனது நண்பன் இன்று பைக் டாக்ஸி ஓட்டுவதைக் கண்டு உமர் மனம் கலங்கினார். வாழ்க்கையின் திருப்பங்கள் எப்படி மனிதர்களை மாற்றி விடுகின்றன என்பதற்கான ஒரு உண்மை நிலை இதுவாக இருந்தது.

இதையும் படிங்க: ஒரு நொடி தாங்க... தண்டவாளத்தில் அமர்ந்திருந்த முதியவர்! வேகமாக நெருங்கி வந்த ரயில்! இறுதியில் நடந்த திக் திக் காட்சி.....

நண்பனின் பதில் பலருக்கு பாடம்

பயணத்தின் போது “வாழ்க்கை எப்படி இப்படி மாறியது?” என்று உமர் கேட்டபோது, சந்தன் அமைதியாக “வாழ்க்கை நாம் நினைத்தபடி நடப்பதில்லை நண்பா” என்று கூறியதாக வீடியோவில் தெரிவிக்கப்படுகிறது. மேலும், தனது நண்பனிடம் இருந்து பணம் வாங்கவும் அவர் மறுத்தது பலரின் மனதை உருக்கியுள்ளது.

இந்த சம்பவத்தை பதிவு செய்த சமூக வலைதள வீடியோ தற்போது இணையத்தில் பல்வேறு கருத்துகளை உருவாக்கியுள்ளது. சிலர் ஒரு திறமையான மாணவனின் நிலையை எண்ணி வருந்தினாலும், “உழைப்பில் உயர்வு தாழ்வு இல்லை” என்று பலர் அவருக்கு ஆதரவு தெரிவிக்கின்றனர். அதே நேரத்தில், இது லைக்ஸ்களுக்காக உருவாக்கப்பட்ட ஸ்கிரிப்ட் செய்யப்பட்ட வீடியோவாக இருக்கலாம் என்ற சந்தேகத்தையும் சிலர் எழுப்பி வருகின்றனர்.

He booked Rapido… लेकिन उसने कभी सोचा भी नहीं था कि राइडर उसका अपना क्लास टॉपर निकलेगा

उमर: मुझे घर जाने के लिए देर हो रही थी, इसलिए मैंने जल्दी से Rapido बुक कर ली।
बुकिंग कन्फर्म हुई… और नाम दिखा – चंदन।

पहले तो ध्यान नहीं दिया, फिर लगा… कहीं ये मेरा क्लास का टॉपर चंदन… pic.twitter.com/rBowS0RQbr

— Nightmare of Haters 😎 (@imTrueIndia1) March 1, 2026

இதையும் படிங்க: அட அட... என்ன ஒரு ஆட்டம்! தலையில் இட்லி சட்டி கரகம்.... பக்கத்தில் பாட்டியின் தாளம்! இணையத்தை தெறிக்கவிட்ட பாட்டிகளின் வீடியோ!!!