திக் திக் காட்சி.... 7.7 ரிக்டர் நிலநடுக்கம்... பள்ளிக் கட்டிடம் பலமாக குலுங்கியதால் அலறியடித்து ஓடிய குழந்தைகள்! என்ன செய்றதுன்னே குழந்தைகளுக்கு தெரியல.... அதிர்ச்சி காட்சி!!!

பிலிப்பைன்ஸ் நாட்டின் மிண்டனாவ் தீவு பகுதியில் சக்திவாய்ந்த நிலநடுக்கம் ஏற்பட்டதால் அப்பகுதி மக்கள் கடும் அச்சமடைந்துள்ளனர். ரிக்டர் அளவுகோலில் 7.7 ஆகப் பதிவான இந்த அதிர்வு, பல பகுதிகளில் கடுமையான சேதத்தை ஏற்படுத்தியுள்ளதாக தகவல்கள் தெரிவிக்கின்றன. இதையடுத்து கடலோரப் பகுதிகளுக்கு சுனாமி எச்சரிக்கை விடுக்கப்பட்டுள்ளது.

அமெரிக்க புவியியல் ஆய்வு மையத்தின் தகவலின்படி, பூமிக்கு அடியில் சுமார் 63 கிலோமீட்டர் ஆழத்தில் இந்த நிலநடுக்கம் மையம் கொண்டிருந்தது. அதிர்வின் தாக்கம் பல பகுதிகளில் உணரப்பட்டதால் மக்கள் வீடுகளை விட்டு வெளியேறினர்.

இதையும் படிங்க: பலத்த சூறாவளி காற்று! தகரக் கொட்டகையை பிடிக்க முயன்ற இளைஞர்..... காற்றில் பறந்த அதிர்ச்சி வீடியோ! 74 பேர் பலி....மீட்பு பணிகள் தீவிரம்!!!

பள்ளியில் பதற்றம்... அலறிய மாணவர்கள்

நிலநடுக்கம் ஏற்பட்ட நேரத்தில் அங்குள்ள ஒரு பள்ளியில் காலை நிகழ்ச்சிகளும் வகுப்புகளும் நடைபெற்று கொண்டிருந்ததாக கூறப்படுகிறது. திடீரென கட்டிடங்களும் மேற்கூரைகளும் பலமாக குலுங்கத் தொடங்கியதால் மாணவர்களும் ஆசிரியர்களும் அதிர்ச்சியடைந்தனர்.

என்ன நடக்கிறது என்பதை உணர முடியாமல் பலர் அச்சத்தில் அலறியபடி பாதுகாப்பான இடங்களை நோக்கி ஓடியுள்ளனர். அந்தக் காட்சிகள் அடங்கிய வீடியோ சமூக வலைதளங்களில் பரவி கவனம் ஈர்த்து வருகிறது.

கட்டிட சேதம் மற்றும் சேவைகள் பாதிப்பு

அதிர்வின் தாக்கத்தால் பல கட்டிடங்கள் சேதமடைந்ததாகவும், சில இடங்களில் சாலைகளில் பிளவுகள் ஏற்பட்டுள்ளதாகவும் தகவல்கள் வெளியாகியுள்ளன. பாதுகாப்பு நடவடிக்கையாக சில விமான நிலைய சேவைகள் தற்காலிகமாக நிறுத்தப்பட்டுள்ளன.

மேலும், மாணவர்களின் பாதுகாப்பைக் கருத்தில் கொண்டு பல பள்ளிகளுக்கு விடுமுறை அறிவிக்கப்பட்டுள்ளது.

தொடரும் நில அதிர்வுகள்

முக்கிய நிலநடுக்கத்திற்குப் பிறகும் நூற்றுக்கணக்கான பின்அதிர்வுகள் பதிவாகி வருவதாக அதிகாரிகள் தெரிவித்துள்ளனர். இதனால் மக்கள் எச்சரிக்கையுடன் இருக்குமாறும், குறிப்பாக கடலோரப் பகுதிகளில் வசிப்பவர்கள் பாதுகாப்பான மற்றும் உயரமான இடங்களுக்கு செல்லுமாறும் அறிவுறுத்தப்பட்டுள்ளது.

மீட்பு மற்றும் சேத மதிப்பீட்டு பணிகளில் அவசரகால குழுக்கள் ஈடுபட்டு வருகின்றன. பாதிக்கப்பட்ட பகுதிகளில் நிலைமையை அதிகாரிகள் தொடர்ந்து கண்காணித்து வருகின்றனர்.

Malita, Davao Occidental, Philippines - The first day of classes at Mahayahay Elementary School in Malita, Davao Occidental, descended into chaos after students and teachers were shaken by the powerful 7.8-magnitude earthquake that struck southern Mindanao pic.twitter.com/PD5kz1lldy

— NextMinute News (@nextminutenews7) June 8, 2026

இதையும் படிங்க: BREAKING: தரையிரங்க முடியாமல் நடுவானில் தவித்த விமானம்! சென்னையில் திடீரென சூழ்ந்த கார்மேகம்.... விமான நிலையத்தில் பரபரப்பு...!!!