கட்டை விரல் நகத்தில் இருந்த சிறிய கருப்பு கோடு! 35 வயது பெண்ணை அதிர்ச்சியில் ஆழ்த்திய புற்றுநோய்! அதிர்ச்சி சம்பவம்...

நமது உடலில் தோன்றும் சிறிய மாற்றங்களும், பெரிய உடல்நல பிரச்சனைகளின் முன்னோட்டமாக இருக்கலாம். சமீபத்தில் கிழக்கு யார்க்ஷயர் பகுதியைச் சேர்ந்த ஒரு பெண்ணின் அனுபவம், நகங்களில் ஏற்படும் மாற்றங்களை எவ்வளவு முக்கியமாகக் கவனிக்க வேண்டும் என்பதை தெளிவாக காட்டுகிறது.

கருப்பு கோடு – புற்றுநோய் முன்னோட்டம்

35 வயதான லூசி தாம்சன், 2023 ஏப்ரல் மாதம் தனது செயற்கை நகங்களை (அக்ரிலிக் நெயில்ஸ்) அகற்றிய பிறகு, இடது கட்டைவிரலில் ஒரு மெல்லிய கருப்பு கோடு தோன்றியது கவனித்தார். முதலில் அதை அடிபட்ட காயம் என எண்ணி புறக்கணித்தார். ஆனால் நண்பரின் ஆலோசனையைப் பின்பற்றி மருத்துவரை அணுகியபோது, உடனடியாக மேல்சிகிச்சைக்காக மருத்துவமனைக்கு அனுப்பப்பட்டார்.

மருத்துவர்கள் கண்டறிந்த உண்மை

முதல் பரிசோதனைகள் தெளிவாகத் தெரியவில்லை. ஆனால் இரண்டாவது பயாப்ஸியில், அவரது நகத்தில் புற்றுநோய்க்கு முந்தைய செல்கள் இருப்பது கண்டறியப்பட்டது. மருத்தவர்கள் தெரிவித்ததாவது, சிகிச்சையின்றி விட்டிருந்தால், இது அரிய வகை தோல் புற்றுநோயான சப்அங்குவல் மெலனோமாவாக மாறி, உடல் முழுவதும் பரவியிருக்கலாம்.

இதையும் படிங்க: நகங்களின் நிறம் மாறுவது ஏன் தெரியுமா? இந்த நோய்கள் இருந்தால் இப்படியெல்லாம் நிறம் மாறுமாம்! அவசியம் தெரிஞ்சுக்கோங்க...

லூசியின் எச்சரிக்கை

இந்த அனுபவத்துக்குப் பிறகு, லூசி தனது நகங்களை தவறாமல் பரிசோதித்து, செயற்கை நகங்களைப் பயன்படுத்துவதை குறைத்துள்ளார். மேலும், நகங்களில் ஏதேனும் மாற்றம், கோடு அல்லது அசாதாரண அடையாளம் தென்பட்டால், உடனடியாக மருத்துவரை அணுக வேண்டும் என மற்றவர்களுக்கு அறிவுறுத்துகிறார்.

இந்த சம்பவம், ஆரம்பத்திலேயே கவனித்து நடவடிக்கை எடுத்தால், பெரிய உடல்நல அபாயங்களைத் தவிர்க்க முடியும் என்பதற்கான முக்கிய உதாரணமாகிறது. சிறிய மாற்றங்களும் உங்கள் உடல் தரும் முக்கிய சிக்னலாக இருக்கலாம் என்பதால், அவற்றை ஒருபோதும் புறக்கணிக்க வேண்டாம்.

இதையும் படிங்க: மருத்துவ அலட்சியால் 24 வயது பெண்ணுக்கு நடந்த அதிர்ச்சி சம்பவம்! 3 ஆண்டுகள் கழித்து பெண்ணின் கடைசி கட்ட போராட்டம்!