இப்படி ஒரு விளம்பரமா? சாகக்கிடக்கும் கணவன்! கடவுளிடம் மனைவி கேட்ட அந்த ஒரு வரம்.... இறுதியில் நடந்த ட்விஸ்ட்டை பாருங்க! வைரல் வீடியோ!!!

சமூக வலைதளங்களில் சில விளம்பரங்கள் சாதாரண பிரசாரத்தைத் தாண்டி பெரிய பேசுபொருளாக மாறுகின்றன. அந்த வகையில் தற்போது இணையத்தில் வைரலாகும் ஜப்பானிய விளம்பரம், நகைச்சுவையும் கற்பனையும் கலந்த வித்தியாசமான காட்சிகளால் பார்வையாளர்களை கவர்ந்து வருகிறது.

ஜப்பானிய விளம்பரங்கள் எப்போதுமே வினோதமான நகைச்சுவை உணர்வுக்குப் பெயர் பெற்றவை. அதைப் போலவே தற்போது சமூக வலைதளங்களில் வைரலாகி வரும் WAM Beauty Spa நிறுவனத்தின் விளம்பரம், பார்ப்பவர்களை சிரிப்பில் ஆழ்த்தியுள்ளது.

எமோஷனலில் தொடங்கி இறுதியில் நடந்த அதிர்ச்சி திருப்பம்

ஒரு அடர்ந்த காட்டில் பெரிய பாறையின் கீழ் நசுங்கி உயிர் போராடும் கணவனை காப்பாற்ற முடியாமல் மனைவி அழுவது போல இந்த வீடியோ தொடங்குகிறது. காட்சி முழுவதும் ஒரு உணர்ச்சிமிகு திரைப்படம் போல தோன்றுகிறது.

இதையும் படிங்க: வாயில் மீனை கௌவ்வி கொண்டு நீரில் நீந்திச்செல்லும் பாம்பு! வைரலாகும் காணொளி....

அந்த நேரத்தில் கடவுள் தோன்றி, “ஒரு வரம் தருகிறேன், கேள்” என்று சொல்வார். அதற்கு கணவனின் உயிரைக் கேட்பதற்குப் பதிலாக, “எனக்கு 16 வயது பெண் போல பளபளப்பான சருமம் வேண்டும்” என்று மனைவி கேட்பது பார்வையாளர்களை அதிர்ச்சியடையச் செய்கிறது.

நெட்டிசன்களின் சிரிப்பு வெள்ளம்

மனைவியின் இந்த ‘பியூட்டி’ ஆசையை கேட்ட கடவுளும், அங்கிருந்த மானும், சாகக் கிடக்கும் கணவனும் வாயடைத்துப் போகும் காட்சி தான் இந்த விளம்பரத்தின் முக்கிய ஹைலைட். இந்த வீடியோ ‘insidehistory’ என்ற இன்ஸ்டாகிராம் பக்கத்தில் பகிரப்பட்டதும், நெட்டிசன்கள் பல்வேறு நகைச்சுவையான கருத்துகளை பதிவிட்டு வருகின்றனர்.

“இந்த கிரியேட்டிவிட்டிக்கு 21 துப்பாக்கி குண்டுகள் முழங்க மரியாதை செய்யலாம்” என்றும், “மானின் ரியாக்‌ஷனுக்கே ஆஸ்கார் விருது தரலாம்” என்றும் கிண்டலாக கருத்துகள் பதிவாகி வருகின்றன.

விளம்பரத்தை சாதாரண பிரசாரமாக அல்லாமல், நினைவில் நிற்கும் ஒரு சுவாரஸ்யமான அனுபவமாக மாற்றுவதில் ஜப்பானியர்களின் திறமை மீண்டும் நிரூபிக்கப்பட்டுள்ளது. இந்த ஜப்பானிய விளம்பரம் சமூக வலைதளங்களில் தொடர்ந்து பேசுபொருளாக மாறி வருகிறது.