அடுத்தடுத்த அதிர்ச்சி! சர்வதேச தடையை மீறி இஸ்ரேல் பயன்படுத்திய வெள்ளை பாஸ்பரஸ்....மனித உடலில் பட்டால் எலும்பு வரை ஊடுருவும்! மனித உரிமை அமைப்புகள் பகீர் குற்றச்சாட்டு!!!

லெபனானின் தெற்கு பகுதியில் நடைபெற்றதாகக் கூறப்படும் சமீபத்திய தாக்குதல் உலகளவில் பெரும் கவனத்தை ஈர்த்துள்ளது. குடியிருப்பு பகுதிகளை குறிவைத்து நடத்தப்பட்ட இந்த தாக்குதலில் வெள்ளை பாஸ்பரஸ் பயன்படுத்தப்பட்டதாக எழுந்துள்ள குற்றச்சாட்டு சர்வதேச மனித உரிமை அமைப்புகளிடையே கடும் எதிர்வினையை ஏற்படுத்தியுள்ளது.

குடியிருப்பு பகுதிகளில் தாக்குதல்

மனித உரிமைக் கண்காணிப்பகம் வெளியிட்டுள்ள தகவலின்படி, கடந்த மார்ச் 3 ஆம் தேதி லெபனானின் தெற்கில் உள்ள யோஹ்மர் நகரில் இஸ்ரேல் மேற்கொண்டதாகக் கூறப்படும் தாக்குதலில் பொதுமக்கள் வசிக்கும் பகுதிகள் இலக்காகியதாக தெரிவிக்கப்பட்டுள்ளது. இந்த தாக்குதலுக்குப் பிறகு பல வீடுகளும் வாகனங்களும் தீப்பற்றி எரிந்ததாகவும் கூறப்படுகிறது.

வெள்ளை பாஸ்பரஸ் எவ்வளவு ஆபத்தானது?

வெள்ளை பாஸ்பரஸ் என்பது காற்றில் ஆக்சிஜனுடன் தொடர்பு கொள்ளும் போது தானாகவே தீப்பற்றி எரியும் மிகவும் ஆபத்தான வேதிப்பொருளாகும். இது மனித உடலில் பட்டால் எலும்பு வரை ஊடுருவும் அளவுக்கு கடுமையான தீக்காயங்களை ஏற்படுத்தும். மேலும் சுவாசக் கோளாறுகள், உடல் உறுப்புகள் செயலிழப்பு போன்ற தீவிர விளைவுகளையும் ஏற்படுத்தக்கூடியது.

இதையும் படிங்க: ஈரான் தலைவர் அயதுல்லா கமேனி இருப்பிடத்தை அமெரிக்கா கண்டுபிடித்தது இப்படி தானா? உளவு பார்க்கும் கருவி.... எதில் தெரியுமா? வெளியான அந்த ரகசிய தகவல்!!!

சர்வதேச சட்ட மீறல் குற்றச்சாட்டு

மனித உரிமை அமைப்புகள் இந்த நடவடிக்கையை கடுமையாக கண்டித்துள்ளன. போர்க்களங்களில் புகை திரையை உருவாக்கும் நோக்கத்திற்காக மட்டுமே இந்த வேதிப்பொருளை பயன்படுத்த அனுமதி உள்ள நிலையில், பொதுமக்கள் வாழும் பகுதிகளில் இதைப் பயன்படுத்துவது சர்வதேச மனிதாபிமான சட்டங்களை மீறும் செயல் என கூறப்படுகிறது. இதனால் இஸ்ரேல் தாக்குதல் குறித்து உலகளவில் விவாதம் தீவிரமடைந்துள்ளது.

செயற்கைக்கோள் ஆதாரங்கள்

இந்த தாக்குதலுக்குப் பிறகு அந்தப் பகுதியில் வீடுகள் மற்றும் வாகனங்கள் தீப்பற்றி எரிந்த காட்சிகள் செயற்கைக்கோள் படங்களில் பதிவாகியுள்ளதாக மனித உரிமை அமைப்புகள் தெரிவித்துள்ளன. இதனால் இந்த குற்றச்சாட்டு மேலும் சர்வதேச கவனத்தை ஈர்த்துள்ளது.

இந்நிலையில், இத்தகைய ஆயுதங்களை வழங்கும் நாடுகள் உடனடியாக அதை நிறுத்த வேண்டும் என்றும், பொதுமக்கள் வசிக்கும் பகுதிகளில் ஆபத்தான ஆயுதங்கள் பயன்படுத்தப்படுவதைத் தடுக்க சர்வதேச சமூகம் தலையிட வேண்டும் என்றும் பல்வேறு மனித உரிமை அமைப்புகள் வலியுறுத்தி வருகின்றன. இந்த விவகாரம் உலக அரசியல் மற்றும் மனிதாபிமான விவாதங்களில் முக்கிய இடம் பெறும் வாய்ப்பு உள்ளது.

இதையும் படிங்க: இஸ்ரேயல் மீது ஈரான் நடத்திய தாக்குதல் ! ஒரே ஏவுகணையில் 80 குண்டுகள்..... வானிலே வெடித்து சிதறும்! போர் முடிந்தாலும் மக்களை கொல்லும் அபாய காட்சி!!!