ஆம்பளைங்க அழக் கூடாதா? அவுங்களுக்கு வலிக்காதா? அவள் அப்படி.... ஆனால் எனக்கு அப்பாவின் பெல்ட் பறந்து வருது! கண்ணீரோடு கதறி ரகசியத்தை உடைத்த சிறுவன்...! வைரலாகும் வீடியோ!!!

Copy Link

பெண் குழந்தைகளுக்கும் ஆண் குழந்தைகளுக்கும் சமூகம் காட்டும் அணுகுமுறையை தனது மழலை மொழியில் கேள்வி எழுப்பிய சிறுவனின் வைரல் வீடியோ இணையத்தில் வேகமாகப் பரவி வருகிறது. கண்ணீருடன் அவர் பகிர்ந்த கருத்துகள் பலரை சிரிக்கவும், அதே நேரத்தில் சிந்திக்கவும் வைத்துள்ளன.

அக்கா - தம்பி ஒப்பீட்டில் ஆதங்கம்

சமூக வலைதளங்களில் பரவி வரும் அந்த வீடியோவில், சிறுவன் பேசும்போது, “அக்கா தம்பியை முட்டினாலோ அல்லது குத்தினாலோ, ‘அவள் தெய்வத்தின் வடிவம்’ என்று சொல்லி எல்லோரும் சாதாரணமாக எடுத்துக்கொள்கிறார்கள். ஆனால், அதே தம்பி திருப்பி அடித்தால் அப்பாவின் பெல்ட் உடனே பறந்து வருகிறது” என்று தனது மனக்குமுறலை வெளிப்படுத்துகிறான்.

இதையும் படிங்க: வேதனையின் உச்சம்! பெண்களை தொட்டால் மரணம்னு பயம் வரணும்! கோவை சிறுமி விவகாரத்தில் கதறி அழுது ஆவேசமாக பேசிய நபர்..... வைரலாகும் வீடியோ..!!!

‘ஆம்பளைங்க அழக் கூடாது’ என்ற எண்ணத்துக்கும் கேள்வி

அதன்பின் தொடர்ந்து பேசிய சிறுவன், “அக்கா அழுதால் அவள் அப்பாவின் தேவதை, அதனால் அழலாம் என்கிறார்கள். ஆனால், தம்பிகள் அழுதால் ‘ஆம்பளைங்க அழக் கூடாது, அவர்களுக்கு வலிக்காது’ என்று சொல்கிறார்கள்” என சமூகத்தில் நிலவும் இரட்டை அணுகுமுறையை குழந்தைத்தனமான மொழியில் சுட்டிக்காட்டுகிறான்.

இணையத்தில் குவியும் கருத்துகள்

இந்த வீடியோவை ஆயிரக்கணக்கானோர் பகிர்ந்து வருகின்றனர். சிலர் சிறுவனின் பேச்சை நகைச்சுவையாக ரசித்தாலும், மற்றொருபுறம் குழந்தைகள் மீதான சமூக எதிர்பார்ப்புகள் மற்றும் பாலின அடிப்படையிலான பார்வைகள் குறித்து விவாதிக்க வேண்டிய அவசியத்தை இந்தக் காணொளி நினைவூட்டுவதாக பலரும் கருத்து தெரிவித்து வருகின்றனர்.