100 இல்ல 1000 இல்ல மொத்தம் ​4,000 ரொட்டிகள்! அம்பானி வீட்டுச் சமையலறையில் நடக்கும் அந்த ஒரு அதிசயம்... மெனுவில் இருக்கும் ஸ்பெஷல் இதுதான்!!

உலகின் முன்னணி பணக்காரர்களில் ஒருவராக உள்ள முகேஷ் அம்பானி குடும்பம், ஆடம்பர வாழ்க்கையுடன் இருந்தாலும் உணவில் எளிமையைத் தேர்வு செய்துள்ளது. மும்பையில் உள்ள அவர்களின் இல்லமான ஆன்டிலியாவில் தினசரி ஆயிரக்கணக்கான ரொட்டிகள் தயாராகும் தகவல் கவனம் ஈர்க்கிறது. அதே நேரத்தில், குடும்ப உறுப்பினர்கள் சத்தான சைவ உணவையே தொடர்ந்து பின்பற்றுகின்றனர்.

எளிமையான உணவுப் பழக்கம்

தகவலின்படி, முகேஷ் அம்பானி தனது தினசரி உணவில் மிக எளிய மெனுவையே கடைபிடிக்கிறார். காலை நேரத்தில் பப்பாளி சாறு மற்றும் இட்லி-சாம்பார் போன்ற லேசான உணவுகள் இடம் பெறுகின்றன. மதிய வேளையில் பருப்பு, சாதம், காய்கறிகளுடன் கூடிய பாரம்பரிய குஜராத்தி உணவுகளையே அவர் விரும்புகிறார். சத்துவ முறையை அடிப்படையாகக் கொண்ட இந்த உணவுப் பழக்கம் குடும்பம் முழுவதும் பின்பற்றப்படுகிறது.

ஆரோக்கியத்தில் கவனம் செலுத்தும் நீதா அம்பானி

நீதா அம்பானி தனது உடல் நலத்திலும் உடற்பயிற்சியிலும் அதிக அக்கறை செலுத்துவதால், இரவு உணவாக சிறுதானிய ரொட்டிகள் மற்றும் காய்கறிகளையே தேர்வு செய்கிறார். சத்துவ உணவு முறையைக் கடைப்பிடிப்பதால், உடல் மற்றும் மன நலத்திற்கு சமநிலை கிடைக்கும் என்பதே இவர்களின் நம்பிக்கையாக உள்ளது.

இதையும் படிங்க: இரவில் கட்டாயம் தவிர்க்க வேண்டிய உணவுகள் என்னென்ன? தெரிஞ்சிக்கோங்க மக்களே.!

ஆன்டிலியாவில் தினசரி ஆயிரக்கணக்கான ரொட்டிகள்

அம்பானியின் பிரம்மாண்ட இல்லமான ஆன்டிலியாவில் தினமும் சுமார் 4,000 ரொட்டிகள் தயாரிக்கப்படுகின்றன. அங்கு பணிபுரியும் சுமார் 600க்கும் மேற்பட்ட ஊழியர்களுக்காக இந்த உணவு சமைக்கப்படுகிறது. பாதுகாப்பு பணியாளர்கள் முதல் ஓட்டுநர்கள் வரை அனைவருக்கும் தரமான உணவு கிடைக்க உறுதி செய்யப்பட்டுள்ளது.

இதையடுத்து, சமையல் தரத்தை பராமரிக்க உயர்ந்த சம்பளத்தில் தலைமைச் சமையல் கலைஞர் நியமிக்கப்பட்டுள்ளார். இயந்திரங்கள் மூலம் வேகமாக தயாரித்தாலும், சுவை மற்றும் தரம் குறையாமல் இருக்க சமையல் நிபுணர்கள் தொடர்ந்து கண்காணித்து வருகின்றனர்.

இதையும் படிங்க: இரவு உணவு பழக்கம் இப்படித்தான் இருக்க வேண்டும்.. சூப்பர் டிப்ஸ் இதோ.!