எரியும் கேஸ் அடுப்பின் மேல் விளையாடிய வாலிபர்! புஷ் அப் எடுக்கிற இடமா இது..? திக் திக் வீடியோ!!!

Copy Link

சமூக வலைத்தளங்களில் விரைவில் பிரபலமாக வேண்டும் என்ற ஆசை சிலரை உயிரையே பணயம் வைக்கும் செயல்களில் ஈடுபடச் செய்து வருகிறது. அந்த வரிசையில், எரியும் கேஸ் அடுப்பின் மீது புஷ்-அப் எடுத்த இளைஞரின் Viral Video தற்போது இணையத்தில் வேகமாக பரவி பலரையும் அதிர்ச்சியடைய வைத்துள்ளது.

எரியும் அடுப்பின் மீது ஆபத்தான சாகசம்

இணையத்தில் பரவி வரும் வீடியோவில், வீட்டில் எரிந்து கொண்டிருந்த கேஸ் ஸ்டவின் இருபுறமும் கைகளை ஊன்றி இளைஞர் ஒருவர் புஷ்-அப் எடுக்கும் காட்சிகள் இடம்பெற்றுள்ளன. சில நொடிகள் மட்டுமே நீளும் ரீல்ஸ் வீடியோவை பதிவு செய்வதற்காக அவர் இந்த ஆபத்தான முயற்சியில் ஈடுபட்டதாக கூறப்படுகிறது.

இதையும் படிங்க: விழுந்தா மரணம் நிச்சயம்.....! ஓடும் ரயிலில் கண்டப்படி வித்தை காட்டிய பெண்! வைரலாகும் வீடியோ...!!!

அடுப்பில் நெருப்பு எரிந்து கொண்டிருக்கும் நிலையிலும் எந்த தயக்கமும் இல்லாமல் அவர் உடற்பயிற்சி செய்வது வீடியோவில் பதிவாகியுள்ளது. சிறிய தவறு ஏற்பட்டிருந்தாலோ, கை தவறியிருந்தாலோ அல்லது உடையில் தீப்பற்றியிருந்தாலோ உயிருக்கு ஆபத்தான நிலை ஏற்பட்டிருக்கலாம் என பலரும் கருத்து தெரிவித்து வருகின்றனர்.

இணையத்தில் கடும் கண்டனம்

இந்த சமூக வலைத்தளம் வீடியோ வெளியானதும் ஏராளமான பயனர்கள் அதற்கு கண்டனம் தெரிவித்து பதிவுகள் பகிர்ந்து வருகின்றனர். லைக்குகள் மற்றும் பார்வைகளுக்காக இதுபோன்ற பொறுப்பற்ற சாகசங்களில் யாரும் ஈடுபடக் கூடாது என்றும், இளைஞர்கள் பாதுகாப்புக்கு முன்னுரிமை அளிக்க வேண்டும் என்றும் பலர் எச்சரித்துள்ளனர்.

கடுமையான நடவடிக்கை எடுக்க கோரிக்கை

தற்காலிக இணையப் புகழுக்காக உயிரை ஆபத்தில் ஆழ்த்தும் செயல்கள் அதிகரித்து வருவது கவலைக்குரியது என சமூக ஆர்வலர்கள் சுட்டிக்காட்டியுள்ளனர். இதுபோன்ற ஆபத்தான சாகசங்களை ஊக்குவிக்கும் செயல்களுக்கு எதிராக உரிய நடவடிக்கை எடுக்க வேண்டும் என்றும், இளைஞர்கள் பாதுகாப்பை கருத்தில் கொண்டு பொறுப்புடன் நடந்து கொள்ள வேண்டும் என்றும் அவர்கள் வலியுறுத்தியுள்ளனர்.