ஒரே நாளில் ஒட்டுமொத்தமாக மாறிடுச்சு! 60 பேர் வேலைக்கு ஆப்பு! ரூ.3 லட்சம் அவுட்... தவெக அரசு எடுத்த திடீர் முடிவு... உண்மை சரிபார்ப்பு குழுவில் CM விஜய்யின் எதிர்பாராத ட்விஸ்ட்...!!!

சமூக வலைதளங்களில் பரவும் தவறான தகவல்கள், போலி படங்கள் மற்றும் வழிதவறச் செய்யும் வீடியோக்களை கட்டுப்படுத்தும் நோக்கில் செயல்பட்டு வந்த அமைப்பில் பல்வேறு மாற்றங்கள் செய்யப்பட்டுள்ளதாக தகவல்கள் வெளியாகியுள்ளன. இதன்படி, அமைப்பின் பெயர், நிர்வாக கட்டமைப்பு மற்றும் பணியாளர் எண்ணிக்கையில் மாற்றங்கள் செய்யப்பட்டிருப்பதாக கூறப்படுகிறது.

உண்மைச் சரிபார்ப்புக் குழுவின் செயல்பாடு

கடந்த ஆட்சிக் காலத்தில் சமூக ஊடகங்களில் பரவும் தவறான தகவல்களுக்கு அதிகாரப்பூர்வ விளக்கங்களை வழங்கும் நோக்கில் ‘உண்மைச் சரிபார்ப்புக் குழு’ உருவாக்கப்பட்டது. அந்தக் குழுவின் திட்ட இயக்குநராக ‘யூடர்ன்’ இணையதளத்தின் ஆசிரியர் ஐயன் கார்த்திகேயன் நியமிக்கப்பட்டிருந்ததாகவும், அவருக்கு மாதம் ரூ.3 லட்சம் ஊதியத்துடன் அலுவல் வாகன வசதியும் வழங்கப்பட்டதாகவும் கூறப்படுகிறது. மேலும், சுமார் 60 பணியாளர்கள் அந்தக் குழுவில் பணியாற்றி வந்ததாக தகவல்கள் தெரிவிக்கின்றன.

இதையும் படிங்க: மகளிர் உரிமைத் தொகை விடுபட்ட 50 லட்சம் பெண்களுக்கு ரூ.1,000..? தமிழக அரசு அதிரடி!!!

புதிய பெயர், நிர்வாக மாற்றங்கள்

தற்போது தகவல் நம்பகத்தன்மைப் பிரிவு என்ற புதிய பெயரில் இந்த அமைப்பு செயல்படும் என அறிவிக்கப்பட்டுள்ளதாக கூறப்படுகிறது. செலவினங்களைக் குறைக்கும் நடவடிக்கையாக திட்ட இயக்குநரின் ஊதியம் குறைக்கப்பட்டதுடன், அலுவல் வாகன வசதியும் திரும்பப் பெறப்பட்டதாக தகவல்கள் வெளியாகியுள்ளன. அதேபோல், பணியாளர் எண்ணிக்கையும் 60-இல் இருந்து 14 ஆக குறைக்கப்பட்டுள்ளதாக தெரிவிக்கப்படுகிறது.

புதிய நியமனங்கள் மற்றும் பொறுப்புகள்

செய்தி மற்றும் மக்கள் தொடர்புத் துறையின் கீழ் இயங்கும் இந்த தகவல் நம்பகத்தன்மைப் பிரிவு தலைவராக குரு தலைவா நியமிக்கப்பட்டுள்ளதாகவும், ஒருங்கிணைப்பாளராக பிரசன்னா, மக்கள் தொடர்பு அலுவலராக சுஜிதா, சமூக ஊடகப் பிரிவின் சிறப்பு அலுவலராக திவ்யா ஆகியோர் பொறுப்பேற்றுள்ளதாகவும் கூறப்படுகிறது. சமூக வலைதளங்களில் பரவும் வதந்திகளுக்கு அதிகாரப்பூர்வ விளக்கங்களை வழங்கி, தவறான தகவல்களால் ஏற்படும் குழப்பங்களைத் தடுக்க இந்தப் பிரிவு செயல்படும் என தெரிவிக்கப்பட்டுள்ளது.

இதையும் படிங்க: குட் நியூஷ்! விரைவில் மகளிர் உரிமைத்தொகை ரூ.2,500.. நாளை வங்கி கணக்கில் வரும் பணம்! முதல்வர் விஜய்யின் அதிரடி அறிவிப்பு!!!