BREAKING: தமிழக சட்டமன்ற தேர்தலில் எகிறிய வாக்கு சதவீதம்! மாலை 5 மணி நிலவரப்படியே.... வரலாறு படைத்த சாதனை...!!!

தமிழக சட்டமன்றத் தேர்தலுக்கான வாக்குப்பதிவு மாநிலம் முழுவதும் தீவிரமாக நடைபெற்றுக் கொண்டிருக்கிறது. மாலை 5 மணி நிலவரப்படி 82.24% வாக்குகள் பதிவாகியுள்ளதாக அதிகாரப்பூர்வ தகவல் வெளியாகியுள்ளது. இது கடந்த தேர்தல்களை ஒப்பிடும்போது கணிசமான உயர்வாக பார்க்கப்படுகிறது.

2021-ஆம் ஆண்டு இதே நேரத்தில் 63.60% மட்டுமே பதிவு செய்யப்பட்ட நிலையில், இம்முறை ஏற்பட்டுள்ள இந்த அதிகரிப்பு அரசியல் வட்டாரங்களிலும் பொதுமக்களிடமும் கவனத்தை ஈர்த்துள்ளது. ஆரம்பத்திலிருந்தே வாக்குச்சாவடிகளில் காணப்பட்ட நீண்ட வரிசைகள், மக்களின் ஆர்வத்தை வெளிப்படுத்தின.

இதையும் படிங்க: ஆட்சி அதிகாரம் இரண்டுமே வேணும்..... தேதி குறித்து ஸ்கெட்ச் போட்ட விஜய்! தமிழகத்தின் 234 தொகுதிகளிலும்.. … தவெக வின் அதிரடி அறிவிப்பு!!!

சென்னையில் எதிர்பாராத உயர்வு

பொதுவாக குறைந்த அளவிலேயே இருக்கும் சென்னை வாக்குப்பதிவு இம்முறை கணிசமாக உயர்ந்துள்ளது. 81.34% வரை பதிவு செய்யப்பட்டிருப்பது குறிப்பிடத்தக்க மாற்றமாக கருதப்படுகிறது. நகர்ப்புறங்களில் ஏற்பட்ட இந்த உயர்வு அரசியல் ஆய்வாளர்களிடையே பல கேள்விகளை எழுப்பியுள்ளது.

மாவட்டங்களில் எகிறிய பதிவு

மாவட்ட வாரியாக பார்க்கையில், கரூரில் அதிகபட்சமாக 89.32% பதிவு செய்யப்பட்டுள்ளது. அதனைத் தொடர்ந்து தருமபுரி 87.28%, திண்டுக்கல் 86.35%, அரியலூர் 83.09% மற்றும் கோவை 82.33% என பல பகுதிகளில் வாக்குப்பதிவு உயர்ந்துள்ளது. மதுரையில் 77.89% பதிவு செய்யப்பட்டுள்ளதாக இந்திய தேர்தல் ஆணையம் தெரிவித்துள்ளது.

மக்கள் விழிப்புணர்ச்சி அதிகரிப்பா?

இந்த அளவிலான வாக்குப்பதிவு உயர்வு, அரசியல் மாற்றத்திற்கான முன்னோட்டமாகவோ அல்லது மக்களிடையே உருவாகியுள்ள ஜனநாயக விழிப்புணர்ச்சியின் வெளிப்பாடாகவோ பார்க்கப்படுகிறது. இறுதி சதவீதம் மேலும் உயரும் வாய்ப்பும் இருப்பதாக அதிகாரிகள் தெரிவித்துள்ளனர்.

இதையும் படிங்க: காலை, மாலை 2 முறையும் சரிவு..! ஒரே நாளில் சவரனுக்கு ரூ.1,560 குறைந்த தங்கம் விலை..!!! மகிழ்ச்சியில் மக்கள்....!!!