இடைத்தேர்தல் முடிந்ததும், முதல்வர் விஜய்யின் அடுத்த அதிரடி...! அதிகாரிகளுக்கு பறந்த அவசர உத்தரவு...!!!

தமிழகத்தில் நடைபெறவுள்ள இடைத்தேர்தல் முடிந்ததும், மாநிலம் முழுவதும் கூட்டுறவு சங்கங்களுக்கான தேர்தலை நடத்த அரசு திட்டமிட்டுள்ளதாக தகவல் வெளியாகியுள்ளது. நவம்பர் அல்லது டிசம்பர் மாதங்களில் நான்கு கட்டங்களாக தேர்தலை நடத்துவதற்கான ஆயத்தப் பணிகள் தொடங்கியுள்ளன. இதற்கான ஆரம்பகட்ட நடவடிக்கைகளை உடனடியாக மேற்கொள்ளுமாறு சம்பந்தப்பட்ட அதிகாரிகளுக்கு முதலமைச்சர் விஜய் உத்தரவிட்டுள்ளதாக கூறப்படுகிறது.

நான்கு கட்டங்களாக தேர்தல் நடத்த திட்டம்

கூட்டுறவு சங்கங்களின் தேர்தலை ஒரே நேரத்தில் நடத்தாமல், நான்கு கட்டங்களாகப் பிரித்து நடத்த திட்டமிடப்பட்டுள்ளது. இதையடுத்து, கூட்டுறவு சங்கங்களின் தேர்தல் ஆணையம் தேவையான பணிகளை முடுக்கிவிட்டுள்ளது. மாவட்ட வாரியாக சங்கங்களின் எண்ணிக்கை, நிர்வாக நிலை உள்ளிட்ட விவரங்கள் சேகரிக்கப்பட்டு வருகின்றன.

இதையும் படிங்க: ஹாப்பி நியூஷ்...! பயிர்க்கடன் தள்ளுபடி குறித்து ... தமிழக அரசின் அதிரடி உத்தரவு..!!!

ரேஷன் கடைகள் முதல் விவசாயக் கடன் சங்கங்கள் வரை

பொதுமக்களின் அன்றாட வாழ்க்கையுடன் நேரடியாக தொடர்புடைய பல்வேறு நிறுவனங்கள் கூட்டுறவு அமைப்புகளின் கீழ் செயல்பட்டு வருகின்றன. குறிப்பாக கூட்டுறவு சங்க தேர்தல் மூலம் தேர்வு செய்யப்படும் நிர்வாகிகள், ரேஷன் கடைகள், கூட்டுறவு வங்கிகள் மற்றும் விவசாயக் கடன் சங்கங்களின் நிர்வாகத்தில் முக்கியப் பங்கு வகிக்கின்றனர்.

மாவட்ட வாரியாக தரவுகள் சேகரிப்பு

தேர்தலை நடத்துவதற்கான அடிப்படை பணியாக அனைத்து மாவட்டங்களிலும் உள்ள கூட்டுறவு சங்கங்களின் முழுமையான தரவுகளைத் திரட்டும் பணி தீவிரப்படுத்தப்பட்டுள்ளது. சங்கங்களின் தற்போதைய நிலை, உறுப்பினர் விவரங்கள் உள்ளிட்ட தகவல்கள் தொகுக்கப்பட்டு வருகின்றன. கூட்டுறவு தேர்தல் தொடர்பான அடுத்தகட்ட அறிவிப்புகள் ஆயத்தப் பணிகள் நிறைவடைந்த பின்னர் வெளியாகும் என எதிர்பார்க்கப்படுகிறது.

இதையும் படிங்க: BREAKING: கூட்டுறவு வங்கிகளில் நகைக்கடன்.... சற்றுமுன் தமிழக அரசின் ஹேப்பி நியூஷ்!!!