#Breaking: ரூ.8,000 உயர்ந்த வெள்ளி.. வரலாறு காணாத உச்சம்.. நகைப்பிரியர்களுக்கு அதிர்ச்சி.!

சென்னையில் வெள்ளியின் விலை வரலாறு காணாத உச்சத்தை தொட்டுள்ளது. இன்றைய தங்கம் & வெள்ளி விலை நிலவரம் குறித்து இந்த செய்தித்தொகுப்பில் காணலாம்.

உலகளவில் நடைபெறும் போர்கள், பொருளாதார பிரச்சனை, சீனா தங்கத்தின் மீதான இறக்குமதியை அதிகரித்தது உட்பட பல்வேறு காரணங்களால் சர்வதேச அளவில் தங்கம் வரலாறு காணாத உச்சத்தை தொட்டு வருகிறது. தங்கம் மீதான முதலீட்டாளர்களின் ஈர்ப்பு காரணமாக கடந்த 5 ஆண்டுகளில் தங்கத்தின் விலை கிடுகிடுவென உயர்ந்து வருகிறது. 

உச்சம் தொடும் தங்கம் விலை:

சர்வதேச சந்தைகளின் அடிப்படையில் தங்கத்தின் விலை நாள்தோறும் நிர்ணயிக்கப்படுகிறது. கடந்த மாதம் தங்கம் விலை ரூ.97,000 வரை சென்று பின் குறைந்த நிலையில் தற்போது மீண்டும் உயர்ந்து வருகிறது. கடந்த 10 ஆண்டுகளுக்கு முன் இருந்த தங்கம், வெள்ளி விலையை ஒப்பிடும்போது தற்போது பல மடங்கு அதிகரித்து நகைப்பிரியர்களுக்கு அதிர்ச்சியை ஏற்படுத்தியுள்ளது. 

இதையும் படிங்க: கணிசமாக குறைந்த தங்கத்தின் விலை.. இன்றைய தங்கம் & வெள்ளி விலை நிலவரம்.!

போட்டி போட்டுகொண்டு உயரும் வெள்ளி:

முன்னதாகவே தங்கத்தின் விலை ரூ.1 இலட்சம் முதல் ரூ.2 இலட்சம் வரை விலை உயரலாம் என நகை வியாபாரிகள் கூறிய நிலையில், அதனை உறுதி செய்யும் பொருட்டு தொடர்ந்து விலை உயர்ந்து வருகிறது. தங்கத்துடன் போட்டி போட்டுகொண்டு வெள்ளி விலையும் விண்ணை முட்டும் அளவு உயருகிறது. இந்த நிலையில் இன்று தங்கம் மற்றும் வெள்ளி விலை உயர்ந்துள்ளது.

இன்றைய தங்கம் & வெள்ளி விலை (Gold Rate Today):

அதன்படி இன்று தங்கத்தின் விலை சவரனுக்கு ரூ.240 உயர்ந்து, சவரன் ஆபரண தங்கம் ரூ.96,240க்கு விற்கப்படுகிறது. கிராம் தங்கம் விலை ரூ.30 உயர்ந்து ரூ.12,030 க்கு விற்கப்படுகிறது. வெள்ளியின் விலை ரூ.8,000 உயர்ந்து ஒரு கிலோ வெள்ளி ரூ.2,07,000க்கு விற்பனை செய்யப்படுகிறது. வெள்ளி விலை 2 லட்சத்தை கடந்து நகைப்பிரியர்களை அதிர்ச்சியில் ஆழ்த்தியுள்ளது.

இதையும் படிங்க: ரூ.4,000 குறைந்தது வெள்ளி விலை.. தங்கம் விலையும் சரிவு.. இன்றைய விலை நிலவரம்.!