மீண்டும் கொட்டும் கனமழை! இந்த மாவட்டங்களில் நாளை(டிச..4) பள்ளிகளுக்கு விடுமுறை..? சற்றுமுன் ரெட் அலெர்ட் எச்சரிக்கை.!

தமிழகத்தில் தொடர்ச்சியான மழை காரணமாக வானிலை மேலும் பதட்டம் ஏற்படுத்தி வரும் நிலையில், டிட்வா புயல் பலவீனமடைந்தாலும் அதன் தாக்கத்தால் வடசென்னையும் திருவள்ளூரையும் சுற்றிய பகுதிகளில் கனமழை ஆபத்து நீடிக்கிறது. இதனால் பொதுமக்கள் எச்சரிக்கையுடன் இருக்க வேண்டிய சூழல் உருவாகியுள்ளது.

டிட்வா புயல் தாழ்வு மண்டலமாக வலுவிழந்தது

சென்னையிலிருந்து சுமார் 50 கிலோ மீட்டர் தூரத்தில் மையம் கொண்டிருந்த டிட்வா புயல் இன்று காலை ஆழ்ந்த காற்றழுத்த தாழ்வு மண்டலமாக மாற்றமடைந்தது. பின்னர் அது சாதாரண தாழ்வு பகுதியாக வலுவிழந்த நிலையில், தற்போது ஒரே இடத்தில் மையம் கொண்டுள்ளதால் வடசென்னை மற்றும் திருவள்ளூர் மாவட்டங்களில் அதிக கனமழை ஏற்படும் வாய்ப்பு அதிகரித்துள்ளது.

இதையும் படிங்க: கனமழை எச்சரிக்கை! தமிழகத்தில் இந்த மாவட்டங்களில் பள்ளிகளுக்கு விடுமுறை...? வந்தது வானிலை அலர்ட்....!

ரெட் மற்றும் ஆரஞ்சு அலர்ட் அறிவிப்பு

வடசென்னை, திருவள்ளூருக்கு ரெட் அலர்ட் விடுக்கப்பட்டுள்ளந்நிலையில், சென்னை, காஞ்சிபுரம், செங்கல்பட்டு ஆகிய மாவட்டங்களுக்கு ஆரஞ்சு அலர்ட் அறிவிக்கப்பட்டுள்ளது. பல இடங்களில் கனமழை பதிவாகி வரும் நிலையில், நீர்மட்டம் உயர்வது உள்ளிட்ட சூழல்களால் பொதுமக்கள் முன்னெச்சரிக்கையுடன் இருக்குமாறு வானிலைத் துறை அறிவுறுத்தியுள்ளது.

பள்ளி விடுமுறை குறித்து நிலைமை

ஏற்கனவே கனமழை எச்சரிக்கையையடுத்து பல மாவட்டங்களில் இன்று பள்ளிகளுக்கு விடுமுறை அறிவிக்கப்பட்டிருந்தது. தொடர்ந்து மழை நீடித்து வருவதால், மாலை அல்லது நாளை காலை மீண்டும் பள்ளி விடுமுறை குறித்த அதிகாரப்பூர்வ அறிவிப்பு வெளியாகும் எனத் தகவல்கள் தெரிவிக்கின்றன.

டிட்வா புயல் பலவீனமான நிலையிலும் அதன் சுற்றுப்புற காற்றழுத்த மாற்றங்களால் இன்னும் சில மணி நேரங்கள் தமிழ்நாட்டின் வடக்கு மாவட்டங்களில் கனமழை நிலை நீடிக்கும் வாய்ப்பு உள்ளதால் பொதுமக்கள் எச்சரிக்கையுடன் இருக்க வேண்டியது அவசியமாகியுள்ளது.

இதையும் படிங்க: BREAKING: இந்த 4 மாவட்டங்களில் பள்ளிகளுக்கு அரைநாள் விடுமுறை?. டிட்வா புயலால் கனமழை எச்சரிக்கை! சற்றுமுன் வந்த அலர்ட்.!