சாமிக்கிட்ட என்ன வேண்டி இருக்காங்க பாருங்க... உண்டியல் பணத்தை எண்ணும்போது அதிர்ந்த அதிகாரிகள்! 20 ரூபாய் நோட்டில் இருந்த அந்த ஒரு வசனம்..!!!

ஆந்திர மாநிலம் அனந்தபூர் மாவட்டத்தில் உள்ள ஒரு கோயில் உண்டியலில் காணிக்கை எண்ணும் பணியின்போது கண்டெடுக்கப்பட்ட 20 ரூபாய் நோட்டு ஒன்று தற்போது பரபரப்பை ஏற்படுத்தியுள்ளது. அந்த நோட்டில் பெண் பக்தர் ஒருவர் எழுதியிருந்த வேண்டுதல் அதிகாரிகளையும், அங்கிருந்த பக்தர்களையும் ஆச்சரியத்தில் ஆழ்த்தியுள்ளது.

அனந்தபூர் மாவட்டம் ஆத்மகூர் மண்டலத்தில் அமைந்துள்ள பம்பனூர் சுப்பிரமணியேஸ்வர சுவாமி கோயிலில் சமீபத்தில் உண்டியல் காணிக்கை எண்ணும் பணி நடைபெற்றது. அப்போது சில்லறை மற்றும் கரன்சி நோட்டுகளை அதிகாரிகள் ஆய்வு செய்து கொண்டிருந்த நிலையில், ஒரு 20 ரூபாய் நோட்டில் தெலுங்கில் எழுதப்பட்டிருந்த வாசகம் அனைவரின் கவனத்தையும் ஈர்த்தது.

20 ரூபாய் நோட்டில் உருக்கமான வேண்டுகோள்

அந்த நோட்டில், மாமியார் தரும் கொடுமைகளை தாங்க முடியாமல் அவதிப்படுவதாகவும், தனக்கு நிம்மதி கிடைக்க அவதிப்படுத்தும் மாமியார் விரைவில் இறக்க வேண்டும் என்றும் ஒரு பெண் தனது மனவேதனையை பதிவு செய்திருந்தார். பொதுவாக வேலை, கல்வி, குடும்ப நலன் உள்ளிட்ட கோரிக்கைகளை காகிதத்தில் எழுதி உண்டியலில் செலுத்தும் வழக்கம் உள்ளது. ஆனால் நேரடியாக கரன்சி நோட்டிலேயே இவ்வாறு எழுதியிருப்பது பலரையும் வியக்க வைத்துள்ளது.

இதையும் படிங்க: இரவு நேரத்தில் வயல்வெளியில் பெண்ணுடன் சிக்கிய அரசியல் கட்சி நிர்வாகி..... படம் பிடிப்பவர்களை செருப்பால் அடித்த கொடுமை!!!

கோயிலில் பேசுபொருளான சம்பவம்

காணிக்கை எண்ணும் பணியில் ஈடுபட்டிருந்த அதிகாரிகள் இந்த வாசகத்தை கவனித்ததும் அங்கு இருந்தவர்களிடையே விவாதம் எழுந்ததாக கூறப்படுகிறது. குடும்ப பிரச்சினையால் பாதிக்கப்பட்ட ஒருவர் தனது வேதனையை இவ்விதமாக வெளிப்படுத்தியிருப்பது பலரது கவனத்தையும் பெற்றுள்ளது.

சமூக வலைதளங்களில் வைரல்

இதையடுத்து அந்த நோட்டின் புகைப்படம் சமூக வலைதளங்களில் வேகமாக பரவி வருகிறது. குறிப்பாக வைரல் பதிவாக மாறியுள்ள இந்த விவகாரம், தற்போதைய குடும்ப உறவுகளில் நிலவும் மனஅழுத்தங்கள் மற்றும் மாமியார்-மருமகள் இடையிலான முரண்பாடுகள் குறித்து மீண்டும் விவாதத்தை கிளப்பியுள்ளது. சமூக ஆர்வலர்களும் குடும்ப உறவுகளில் உரையாடல் மற்றும் புரிதலின் அவசியத்தை சுட்டிக்காட்டி வருகின்றனர்.

இதையும் படிங்க: கலிகாலம்.... பெத்த அம்மாவுக்கும் பையனுக்கும் தகாத உறவு! எதிர்த்த உறவினர்கள்! ரகசியமாக அம்மா போட்ட திட்டம்..... மர்மத்தை உடைத்த அக்கம் பக்கத்தினர்!!!