எனக்கு அரசுப்பணமே வேண்டாம்... சினிமாவில் கோடிகள்! அரசியலில் CM விஜய் செய்த அந்த ஒரு செயல்...!!!

தமிழக முதல்வராக சி. ஜோசப் விஜய் கடந்த மே 10ஆம் தேதி பதவியேற்ற நிலையில், அவரது நிர்வாக செயல்பாடுகள் குறித்து பல்வேறு விவாதங்கள் நடைபெற்று வருகின்றன. குறிப்பாக, அரசு செலவுகள் மற்றும் தனிப்பட்ட செலவுகளை பிரித்துப் பார்க்க வேண்டும் என்ற அணுகுமுறை தொடர்பாக அவரது ஆதரவாளர்கள் பல கருத்துகளை முன்வைத்து வருகின்றனர். டெல்லி உள்ளிட்ட பயணங்களுக்கு சிறப்பு விமானம் பயன்படுத்தியதும் தற்போது கவனம் பெற்றுள்ளது.

அரசியலுக்கு வந்தபோதே விஜய் கூறிய கருத்து

சினிமாவில் முன்னணி நடிகராக இருந்தபோதே அரசியலுக்கு வந்த விஜய், பணம் சம்பாதிப்பதை நோக்கமாகக் கொண்டு அரசியலுக்கு வரவில்லை என்று தனது அரசியல் பயணத்தின் தொடக்கத்தில் கூறியிருந்தார். சினிமா துறையில் தொடர்ந்து பயணிப்பதற்கான வாய்ப்புகள் இருந்தபோதிலும், மக்கள் பணிக்காக அரசியலுக்கு வந்ததாக அவர் தெரிவித்திருந்தார். இந்த கருத்தை அடிப்படையாகக் கொண்டு அவரது ஆதரவாளர்கள், தற்போதைய செயல்பாடுகளையும் சுட்டிக்காட்டி வருகின்றனர்.

இதையும் படிங்க: சென்னை திரும்பிய முதல்வர் விஜய்கு அடுக்கடுக்காக அதிகாரிகள் அடுக்கிய அந்த ஆவணங்கள்! தலைமைச் செயலகத்தில் விஜய் எடுத்த அந்த ஒரு முடிவு... கலக்கத்தில் மூத்த அதிகாரிகள்..!!!

டெல்லி பயணத்தில் எழுந்த செலவு விவாதம்

முதல்வராக பதவியேற்ற பின்னர், மே 27ஆம் தேதி விஜய் டெல்லிக்கு சிறப்பு விமானத்தில் சென்றார். பிரதமர் நரேந்திர மோடி உள்ளிட்ட முக்கிய தலைவர்களை சந்திப்பதற்காக மேற்கொள்ளப்பட்ட அந்த பயணம் அவரது முதல் அதிகாரப்பூர்வ டெல்லி பயணமாக இருந்தது. அதிகாரிகள் சிலர் வழக்கமான பயணிகள் விமானத்தில் முன்கூட்டியே டெல்லி சென்ற நிலையில், முதல்வர் சிறப்பு விமானத்தில் சென்றது குறித்து அப்போது செலவு தொடர்பான கேள்விகள் எழுந்தன.

தனிப்பட்ட பணம் செலுத்தியதாக தகவல்

இதையடுத்து, சிறப்பு விமானப் பயணத்துக்கான செலவை தனது சொந்த பணத்தில் இருந்து விஜய் ஏற்றுக்கொண்டதாக தகவல்கள் வெளியாகின. இதுகுறித்து ஊடகங்களில் விவாதங்களும் நடந்தன. அதே நேரத்தில், 2026 சட்டமன்றத் தேர்தலுக்கான தவெக செலவு கணக்கில் விஜய்யின் விமானப் பயணங்களுக்கு ரூ.3.55 கோடி செலவிடப்பட்டதாக தேர்தல் செலவு அறிக்கையை மேற்கோள் காட்டி செய்திகள் வெளியாகியுள்ளன. எனவே, எந்தப் பயணத்துக்கான செலவு தனிப்பட்ட முறையிலும், எந்தச் செலவு கட்சி கணக்கிலும் மேற்கொள்ளப்பட்டது என்பது தனித்தனியாக பார்க்க வேண்டிய விவகாரமாக உள்ளது.

இதையும் படிங்க: எலும்பை உடைப்பேன்! நல்ல சாவே வராதா? என்ன பேச்சு இதெல்லாம்... சட்டமன்றத்தில் ஆவேசப்பட்ட முதல்வர் விஜய்...!!!