குஷியோ குஷி.... பெண்களுக்கு CM விஜய் கொடுத்த அந்த 3 மெகா சர்ப்ரைஸ்! கொண்டாட்டத்தில் தமிழகம்...!!!

தமிழகத்தில் தவெக அரசு அமைந்த பிறகு நடைபெறும் முதல் சட்டப்பேரவை கூட்டத்தொடர் செப்டம்பர் 8-ம் தேதியுடன் நிறைவடைகிறது. இதையொட்டி பெண்கள் மற்றும் குடும்பத் தலைவிகளின் நலனை மையமாக வைத்து முதலமைச்சர் விஜய் 3 முக்கிய திட்டங்களை அறிவித்துள்ளார். குடும்பச் செலவு முதல் பெண்களின் பயணம், தாய்மார்களின் நலன் வரை பல்வேறு அம்சங்களை இந்த அறிவிப்புகள் உள்ளடக்கியுள்ளன.

ஆண்டுக்கு 3 விலையில்லா சமையல் கேஸ் சிலிண்டர்கள்

குடும்பங்களின் நிதிச்சுமையை குறைக்கும் வகையில் ஆண்டுக்கு 3 விலையில்லா சமையல் கேஸ் சிலிண்டர்கள் வழங்கும் திட்டம் அறிவிக்கப்பட்டுள்ளது. இதன் மூலம் குடும்பங்கள் ஆண்டுக்கு ரூ.3,000 வரை சேமிக்க முடியும் என தெரிவிக்கப்பட்டுள்ளது. குறிப்பாக குடும்பத் தலைவிகளுக்கு நேரடியாக பயனளிக்கும் வகையில் இந்த திட்டம் அமைந்துள்ளது.

இதையும் படிங்க: இந்த காரணத்திற்காக தான் தவெக - வுக்கு ஆதரவு கொடுத்தோம்! இனி அந்த ஆதரவு கிடையாது! எஸ்.பி. வேலுமணி சொன்ன அதிர்ச்சி உண்மை..!!!

பெண்களின் பேருந்து பயணத்துக்கு புதிய விரிவாக்கம்

பெண்கள் தடையின்றி பயணம் மேற்கொள்ளும் வகையில் மகளிருக்கான கட்டணமில்லா பேருந்து பயண விரிவாக்கத் திட்டம் அறிவிக்கப்பட்டுள்ளது. ஏற்கனவே நடைமுறையில் உள்ள இலவச பேருந்து பயணத் திட்டத்தை மேலும் விரிவுபடுத்தும் நோக்கில் இந்த அறிவிப்பு வெளியாகியுள்ளது. இதனால் வேலை, கல்வி உள்ளிட்ட தேவைகளுக்காக தினசரி பேருந்துகளை பயன்படுத்தும் பெண்களுக்கு கூடுதல் வசதி கிடைக்கும் என எதிர்பார்க்கப்படுகிறது.

3-வது குழந்தைக்கும் 365 நாள் ஊதியத்துடன் பேறுகால விடுமுறை

தாய்மார்களின் உடல்நலனையும் குழந்தை பராமரிப்பையும் கருத்தில் கொண்டு 3-வது குழந்தைப்பேறுக்கும் 365 நாட்கள் ஊதியத்துடன் கூடிய பேறுகால விடுமுறை வழங்கும் திட்டமும் அறிவிக்கப்பட்டுள்ளது. 365 நாள் பேறுகால விடுமுறை என்ற இந்த அறிவிப்பு தாய்மார்கள் மற்றும் குழந்தைகளின் நலனை மையமாகக் கொண்ட முக்கிய நடவடிக்கையாக பார்க்கப்படுகிறது.

சட்டப்பேரவை கூட்டத்தொடர் நிறைவடைய உள்ள நிலையில் வெளியான இந்த 3 அறிவிப்புகளும் பெண்கள் மற்றும் குடும்பங்களின் அன்றாட தேவைகளை கருத்தில் கொண்டதாக அமைந்துள்ளன. இதனால் பெண்கள் மத்தியில் இந்த திட்டங்கள் கவனம் பெற்றுள்ளன.

இதையும் படிங்க: இது என்ன நியாயம்.... கட்சியில் இணைந்த உடனே சிங்கை ராமச்சந்திரனுக்கு CM விஜய் வழங்கிய முக்கிய பதவி! தவெகவில் பரபரப்பு...!!!