BREAKING: வாரி வழங்கிய பதவியால் தவெக- வில் நடக்கும் தள்ளுமுள்ளு! உடனே கூட்டத்தை கூட்டுங்க.... பரபரப்பில் அரசியல் களம்..!!!

அதிமுகவில் இருந்து விலகி தமிழக வெற்றிக் கழகத்தில் இணைந்தவர்களுக்கு முக்கியப் பொறுப்புகள் வழங்கப்பட்டிருப்பது கட்சிக்குள் அதிருப்தியை ஏற்படுத்தியுள்ளது. குறிப்பாக மாவட்டச் செயலாளர் உள்ளிட்ட பதவிகள் புதிதாக வந்தவர்களுக்கு வழங்கப்பட்டிருப்பதாக கூறப்படும் நிலையில், தவெகவின் ஆரம்பகால நிர்வாகிகள் மற்றும் விஜய் மக்கள் இயக்கத்தின் பழைய உறுப்பினர்கள் அதிருப்தியில் உள்ளனர்.

புதியவர்களுக்கு முக்கியப் பொறுப்புகள்?

கட்சியின் அமைப்பு ரீதியான பணிகள் வேகமெடுத்து வரும் நிலையில், பல்வேறு மாவட்டங்களுக்கு புதிய நிர்வாகிகள் நியமிக்கப்பட்டுள்ளனர். அதிமுகவில் இருந்து விலகி தவெகவில் இணைந்த சிலருக்கும் இதில் முக்கியப் பதவிகள் வழங்கப்பட்டுள்ளதாக கூறப்படுகிறது. மேலும், அவர்கள் சார்ந்த சொந்தத் தொகுதிகளையே தனித்தனி மாவட்டங்களாகப் பிரித்து பொறுப்புகள் வழங்கப்பட்டதாகவும் பழைய நிர்வாகிகள் தரப்பில் குற்றச்சாட்டு எழுந்துள்ளது.

இதையும் படிங்க: அண்ணி த்ரிஷாகாக தான் இங்க சண்டை நடக்குது! CM விஜய்க்கு தெரிந்தது எல்லாமே திரிஷா மட்டும் தான்... ஆர்பி உதயகுமார் பேசிய அசிங்கமான பேச்சு! சர்ச்சை வீடியோ...!!!

“உழைத்தவர்களுக்கு முன்னுரிமை இல்லை” என அதிருப்தி

விஜய் மக்கள் இயக்கம் தொடங்கிய காலம் முதல் களப்பணியில் ஈடுபட்டவர்களுக்கும், கட்சி தொடங்கிய பின்னர் தொடர்ந்து பணியாற்றி வரும் நிர்வாகிகளுக்கும் உரிய அங்கீகாரம் கிடைக்கவில்லை என்ற ஆதங்கம் எழுந்துள்ளது. பல ஆண்டுகளாக கட்சிப் பணியிலும் மக்கள் இயக்கப் பணிகளிலும் இருந்தவர்களை விட புதிதாக இணைந்தவர்களுக்கு முக்கியத்துவம் அளிக்கப்படுவதாக அவர்கள் கூறுகின்றனர்.

இதனால் தவெக நிர்வாகிகள் மற்றும் விஜய் மக்கள் இயக்கத்தின் பழைய உறுப்பினர்கள் மத்தியில் அதிருப்தி அதிகரித்துள்ளது. இந்த விவகாரத்தில் தலைமை உடனடியாக தலையிட்டு, நிர்வாகப் பதவிகள் வழங்கப்பட்ட விதம் குறித்து விளக்கம் அளிக்க வேண்டும் என்றும் அவர்கள் வலியுறுத்தி வருகின்றனர்.

மாவட்டச் செயலாளர்கள் கூட்டத்துக்கு அழுத்தம்

அதிருப்தியில் உள்ள நிர்வாகிகள் ஒன்றுதிரண்டு, மாவட்டச் செயலாளர்கள் கூட்டத்தை உடனடியாக கூட்ட வேண்டும் என தலைமைக்கு அழுத்தம் கொடுத்து வருவதாக தகவல் வெளியாகியுள்ளது. கட்சிக்காக நீண்ட காலம் உழைத்தவர்களுக்கு முன்னுரிமை அளிப்பது தொடர்பாக அந்தக் கூட்டத்தில் விரிவாக விவாதிக்க வேண்டும் என்பதே அவர்களின் கோரிக்கையாக உள்ளது.

வரும் காலங்களில் மாவட்ட நிர்வாக நியமனங்கள் மற்றும் பொறுப்புகள் வழங்கும் விவகாரத்தில் பழைய நிர்வாகிகளின் எதிர்ப்பை தவெக தலைமை எவ்வாறு சமாளிக்கப் போகிறது என்பது கட்சியினர் மத்தியில் கவனம் பெற்றுள்ளது.

இதையும் படிங்க: திமுக- வின் தீர்மானமான முடிவு இதுதான்... முதல் கட்டத்திலேயே விஜய்க்கு ஆப்பு.! தமிழக அரசியலில் பரபரப்பு..!!!