அண்ணி த்ரிஷாகாக தான் இங்க சண்டை நடக்குது! CM விஜய்க்கு தெரிந்தது எல்லாமே திரிஷா மட்டும் தான்... ஆர்பி உதயகுமார் பேசிய அசிங்கமான பேச்சு! சர்ச்சை வீடியோ...!!!

தூத்துக்குடியில் நடைபெற்ற அதிமுக பொதுக்கூட்டத்தில் முன்னாள் அமைச்சர் ஆர்.பி. உதயகுமார் பேசிய கருத்துகள் அரசியல் வட்டாரத்தில் பரபரப்பை ஏற்படுத்தியுள்ளன. முதலமைச்சர் விஜய் மற்றும் நடிகை த்ரிஷா குறித்து அவர் பேசிய விதத்துக்கு சமூக வலைதளங்களில் கடும் எதிர்ப்பு எழுந்துள்ளது. அரசியல் மேடையில் தனிநபர்களை விமர்சித்தது தொடர்பாக பல்வேறு தரப்பினரும் கேள்வி எழுப்பி வருகின்றனர்.

காவிரி பிரச்சினையை குறிப்பிட்டு த்ரிஷா குறித்து பேச்சு

தூத்துக்குடி கூட்டத்தில் பேசிய ஆர்.பி. உதயகுமார், தமிழகத்தின் காவிரி நீர் பிரச்சினையை விட த்ரிஷாவை மையமாக வைத்தே ஆளுங்கட்சியும் எதிர்க்கட்சியும் மோதிக் கொள்வதாக குறிப்பிட்டார். தொடர்ந்து, சட்டசபையில் முதலமைச்சர் விஜய் அமர்ந்திருக்கும் விதத்தையும் அவர் கிண்டல் செய்தார். சுற்றியிருப்பவர்கள் என்ன கூறினாலும் தனது கவனம் த்ரிஷா மீதே இருப்பதாகவும் அவர் பேசியதாக கூறப்படுகிறது.

இதையும் படிங்க: திடீர் ட்விஸ்ட்.... தவெக- வில் த்ரிஷாவுக்கு முக்கியப் பொறுப்பு? CM விஜய்யின் அடுத்தக்கட்ட நடவடிகையால் அதிரும் அரசியல் களம்..!!!

அரசியல் மேடைகளில் ஆட்சி நிர்வாகம், மக்கள் பிரச்சினைகள், கொள்கைகள் உள்ளிட்டவற்றை முன்வைத்து விமர்சனம் செய்வதற்கு பதிலாக தனிப்பட்ட விஷயங்களை பேசுவது சரியா என்ற விவாதமும் எழுந்துள்ளது. குறிப்பாக, அமைச்சர் உள்ளிட்ட முக்கிய பதவிகளை வகித்த மூத்த அரசியல்வாதி ஒருவர் இவ்வாறு பேசியிருப்பது விமர்சனத்துக்கு உள்ளாகியுள்ளது.

சமூக வலைதளங்களில் எதிர்ப்பு

ஆர்.பி. உதயகுமாரின் பேச்சு தொடர்பான காட்சிகள் சமூக வலைதளங்களில் பரவி வருகின்றன. இதையடுத்து, அரசியல் விமர்சனத்துக்காக தனிநபர்களின் வாழ்க்கையை கொச்சைப்படுத்தும் வகையில் பேசக்கூடாது என பலர் கருத்து தெரிவித்து வருகின்றனர். கூட்டத்தில் கைத்தட்டலை பெறுவதற்காக தரம் குறைந்த விமர்சனங்களை முன்வைப்பது அரசியல்வாதிகளுக்கு அழகல்ல என்றும் விமர்சனங்கள் எழுந்துள்ளன.

தவெக தரப்பில் கடும் பதிலடி

இதற்கு பதிலளித்துள்ள தமிழக வெற்றிக் கழகத்தினர், அதிமுகவின் அரசியல் பின்னடைவையும் ஆற்றாமையையும் வெளிப்படுத்தும் வகையிலேயே உதயகுமாரின் பேச்சு அமைந்துள்ளதாக விமர்சித்துள்ளனர். தவெக வளர்ச்சி காரணமாக அதிமுகவின் வாக்கு வங்கி பாதிக்கப்படுவதாகவும், அக்கட்சியைச் சேர்ந்த முக்கிய நிர்வாகிகள் மற்றும் எம்.எல்.ஏக்கள் தவெகவை நோக்கி நகர்வதால் ஏற்பட்ட அச்சத்தின் வெளிப்பாடாகவே விஜய் மீது தனிப்பட்ட விமர்சனங்கள் முன்வைக்கப்படுவதாகவும் அவர்கள் குற்றம்சாட்டியுள்ளனர்.

தூத்துக்குடி பொதுக்கூட்டத்தில் பேசப்பட்ட இந்த கருத்துகள் தற்போது அரசியல் விவாதமாக மாறியுள்ளன. உதயகுமார் பேச்சு குறித்து அதிமுக தரப்பில் இருந்து விரிவான விளக்கம் வெளியாகாத நிலையில், சமூக வலைதளங்களில் எதிர்ப்பும், தவெக தரப்பின் பதிலடியும் தொடர்ந்து வருகிறது.

செல்வி.ஜெயலலிதா என்கிற மாபெரும் பெண் தலைவரின் கீழ் அரசியல் பாடம் பயின்றவரா நீங்கள்? அசிங்கமாக இல்லையா இப்படி போகிற இடமெல்லாம் இன்னொரு பெண்ணை பற்றி மேடையில் பேச? இதுதான் உங்கள் பெண் தலைவரான செல்வி.ஜெயலலிதா அவர்கள் உங்களுக்கு கற்றுக் கொடுத்தாரா? #AIADMK #TVKVijay @rbudhayakumar_ pic.twitter.com/97ctOb19rh

— Harish M (@chnmharish) August 9, 2026

இதையும் படிங்க: அதிர்ச்சி! முதல்வர் விஜய்கு எதிராக ஸ்டாலின்- எடப்பாடி போட்ட சீக்ரெட் பிளான்? தமிழக அரசியலில் பரபரப்பு...!!!