அடுத்தடுத்து வெற்றி பெரும் தவெக..! MLA-க்கள் ராஜினாமா வழக்கில் நீதிமன்றத்தின் அதிரடி உத்தரவு..!!!

கட்சி தாவியதாகக் கூறப்படும் நான்கு எம்.எல்.ஏ.க்களுக்கு எதிராகத் தாக்கல் செய்யப்பட்ட மனுவை உச்ச நீதிமன்றம் தள்ளுபடி செய்துள்ளது. அதிமுகவில் இருந்து திமுகவுக்கு மாறிய  மரகதம் குமரவேல், சத்யபாமா, இசக்கி சுப்பையா, ஜெயக்குமார் ஆகியோருக்கு எதிராகச் செல்வக்குமார் இந்த மனுவைத் தாக்கல் செய்திருந்தார். குதிரை பேரம் நடந்ததாகக் கூறப்படும் குற்றச்சாட்டு தொடர்பாக சிபிஐ விசாரணை நடத்த வேண்டும் என்ற கோரிக்கையும் நிராகரிக்கப்பட்டுள்ளது.

குதிரை பேரம் நடந்ததாக மனுதாரர் தரப்பில் வாதம்

உச்ச நீதிமன்றத்தில் இன்று நடைபெற்ற விசாரணையின்போது, நான்கு எம்.எல்.ஏ.க்களும் கட்சி மாறுவதற்காகப் பெருமளவில் குதிரை பேரம் நடைபெற்றதாகச் செல்வக்குமார் தரப்பில் குற்றம் சாட்டப்பட்டது. இந்த விவகாரத்தில் உண்மையை வெளிக்கொண்டு வர சிபிஐ விசாரணைக்கு உத்தரவிட வேண்டும் என்றும் வலியுறுத்தப்பட்டது.

இதையும் படிங்க: திருச்சி கிழக்கில் திமுக போட்ட மாஸ்டர் பிளான்...! எல்லாத்தையும் சுக்குநூறாக்கிய முதல்வர் விஜய்! அரசியல் களத்தில் பரபரப்பு..!!!

சென்னை உயர் நீதிமன்ற வழக்கைச் சுட்டிக்காட்டிய உச்ச நீதிமன்றம்

இதற்கு பதிலளிக்கும் வகையில், இதே விவகாரம் தொடர்பான மூல வழக்கு ஏற்கனவே சென்னை உயர் நீதிமன்றத்தில் நிலுவையில் இருப்பதை உச்ச நீதிமன்றம் சுட்டிக்காட்டியது. ஒரே விவகாரத்தில் தனியாக மற்றொரு விசாரணை நடத்த வேண்டிய அவசியமில்லை எனக் குறிப்பிட்ட நீதிபதிகள், செல்வக்குமார் தாக்கல் செய்த மனுவைத் தள்ளுபடி செய்து உத்தரவிட்டனர்.

தமிழக அரசியலில் மீண்டும் விவாதம்

நான்கு எம்.எல்.ஏ.க்களின் கட்சி மாற்றம் மற்றும் அதனைச் சுற்றியுள்ள குதிரை பேரம் குற்றச்சாட்டுகள் ஏற்கனவே அரசியல் வட்டாரத்தில் பேசுபொருளாக இருந்து வருகின்றன. இந்த நிலையில், உச்ச நீதிமன்றத்தின் தற்போதைய உத்தரவு கூடுதல் கவனத்தைப் பெற்றுள்ளது. அதே நேரத்தில், சென்னை உயர் நீதிமன்றத்தில் நிலுவையில் உள்ள வழக்கின் அடுத்தகட்ட நடவடிக்கைகள் இந்த விவகாரத்தில் முக்கியத்துவம் பெறுகின்றன.

இதையும் படிங்க: திடீர் ட்விஸ்ட்... அம்பாசமுத்திரத்தில் திமுகவின் மாஸ்டர் பிளான்! அதிர்ச்சியில் EPS... அதிமுகவுக்கு இனி சவால் தான்!!!