வெடித்த புது வெடிகுண்டு... தவெக MLA ராஜினாமா?. சொந்த கட்சி நிர்வாகியே தூக்கிய போர்க்கொடியால் பரபரப்பு..! ஷாக்கில் CM விஜய்..!!!

சோழிங்கநல்லூர் தொகுதியைச் சேர்ந்த தமிழக வெற்றிக் கழக (தவெக) சட்டமன்ற உறுப்பினர் சரவணனைச் சுற்றி புதிய சர்ச்சை உருவாகியுள்ளது. அவருக்கு எதிராக அதே கட்சியின் நிர்வாகி ஒருவர் பகிரங்கமாக ஊழல் குற்றச்சாட்டுகளை முன்வைத்ததுடன், அவர் தனது பதவியை ராஜினாமா செய்வாரா என்ற கேள்வியையும் எழுப்பியிருப்பது அரசியல் வட்டாரத்தில் கவனத்தை ஈர்த்துள்ளது.

கட்சிப் பொறுப்புகளுக்கு லஞ்சம் வாங்கியதாக குற்றச்சாட்டு

தவெக வட்ட துணை செயலாளரான வைதேகி அண்மையில் அளித்த பேட்டியில், கட்சியின் பல்வேறு பொறுப்புகளை வழங்கும் விவகாரத்தில் எம்.எல்.ஏ சரவணன் லஞ்சம் பெற்றதாக குற்றம்சாட்டினார். மேலும், அவர் கட்சியின் அடிப்படை கொள்கைகளுக்கு முரணாக செயல்படுவதாகவும், நிர்வாகிகள் மத்தியில் அதிருப்தி நிலவி வருவதாகவும் தெரிவித்தார்.

இதையும் படிங்க: தொடர் விலகளால் தத்தளிக்கும் தாமரை கட்சி...! பாஜகவின் மாநில செயலாளர் சுமதி வெங்கடேசன் திடீர் ராஜினாமா! பரபரக்கும் அரசியல் களம்..!!!

மிரட்டல் புகார்; முதல்வர் தனிப்பிரிவில் மனு

இந்த விவகாரம் குறித்து தாம் கேள்வி எழுப்பியபோது, தனக்கு கொலை மிரட்டல் விடுக்கப்பட்டதாகவும் வைதேகி கூறியுள்ளார். இதையடுத்து, சம்பந்தப்பட்ட குற்றச்சாட்டுகள் மற்றும் மிரட்டல் தொடர்பாக CM Cell மற்றும் தவெக தலைமை அலுவலகத்தில் அதிகாரப்பூர்வ புகார் அளித்துள்ளதாக அவர் தெரிவித்துள்ளார்.

தவெக வட்டாரத்தில் பரபரப்பு

சொந்தக் கட்சியைச் சேர்ந்த நிர்வாகியே எம்.எல்.ஏ மீது நேரடியாக குற்றச்சாட்டு முன்வைத்திருப்பது கட்சி வட்டாரத்தில் பரபரப்பை ஏற்படுத்தியுள்ளது. குறிப்பாக, சரவணன் மீது சுமத்தப்பட்டுள்ள குற்றச்சாட்டுகள் குறித்து கட்சி தலைமையகம் என்ன நடவடிக்கை எடுக்கப் போகிறது என்ற கேள்வி எழுந்துள்ளது.

இந்த விவகாரம் தற்போது சோழிங்கநல்லூர் அரசியல் களத்தில் முக்கிய பேசுபொருளாக மாறியுள்ள நிலையில், குற்றச்சாட்டுகளுக்கு எம்.எல்.ஏ தரப்பில் என்ன விளக்கம் அளிக்கப்படுகிறது என்பதையும் அரசியல் பார்வையாளர்கள் உன்னிப்பாக கவனித்து வருகின்றனர்.

இதையும் படிங்க: #சற்றுமுன்... திடீரென ராஜினாமா செய்தார்..! அரசியலில் அடுத்தடுத்து பரபரப்பு.!!!