எம்எல்ஏ கோபிசன் எடுத்த திடீர் முடிவால்... அதிர்ச்சியில் மதுரை மாவட்டச் செயலாளர்! பின்னணியில் இருக்கும் பகீர் கிளப்பும் காரணம்..!!!

மதுரையில் தமிழக வெற்றிக் கழகத்தின் உட்கட்சி மோதல் தீவிரமடைந்து வருகிறது.தேர்தல் வெற்றிக்குப் பிறகு மாவட்டச் செயலாளர் பதவிகளைப் பெறுவதில் கட்சியின் எம்எல்ஏக்கள் மற்றும் முக்கிய நிர்வாகிகள் இடையே போட்டி ஏற்பட்டுள்ளது. குறிப்பாக, மதுரை தெற்கு மாவட்டச் செயலாளர் கல்லாணைக்கும், சட்டமன்ற உறுப்பினர் கோபிசனுக்கும் இடையிலான அதிகாரப் போட்டி கட்சியினர் மத்தியில் பேசுபொருளாகியுள்ளது.

மாவட்டச் செயலாளர் பதவியைக் கேட்கும் கோபிசன்

மதுரை மாவட்டத்தில் கோபிசனைத் தவிர மற்ற முக்கிய நிர்வாகிகள் மாவட்டச் செயலாளர் பொறுப்புகளில் இருப்பதாகக் கூறப்படுகிறது. இதனால், தனக்கும் மாவட்ட அளவில் முக்கியப் பொறுப்பு வழங்க வேண்டும் என கோபிசன் கட்சித் தலைமையிடம் தொடர்ந்து கோரிக்கை விடுத்து வந்ததாகத் தெரிகிறது. ஆனால், இதுவரை தலைமை தரப்பில் இருந்து சாதகமான பதில் கிடைக்காததால் அவரது ஆதரவாளர்கள் அடுத்தகட்ட நகர்வுகள் குறித்து ஆலோசித்து வருவதாகக் கூறப்படுகிறது.

இதையும் படிங்க: திமுகவின் மூத்த புள்ளி வரதராஜன் (86) காலமானார்! பெரும் சோகம்..!!!

ஆதரவு வட்டத்தை விரிவுபடுத்தும் முயற்சி

இதற்கிடையே, தனது தொகுதிக்கு உட்பட்ட பகுதிகளில் ஆதரவை அதிகரிக்க கோபிசன் முயற்சி மேற்கொண்டு வருவதாகக் கட்சியினர் தெரிவிக்கின்றனர். மேலும், பல்வேறு தன்னார்வ அமைப்புகளைச் சேர்ந்தவர்களையும் தன்பக்கம் ஈர்த்து வருவதாகக் கூறப்படுகிறது. மாவட்டச் செயலாளர் கல்லாணையுடன் நேரடியாக மோதினால் அது கட்சித் தலைமையின் கவனத்துக்குச் செல்லும் என்பதால், அமைச்சர் சிடிஆர் நிர்மல்குமாரின் ஆதரவு வட்டத்தில் இணைய அவர் முயற்சிப்பதாகவும் கட்சிக்குள் பேசப்படுகிறது. 

மதுரை தவெகவில் அதிகரிக்கும் கோஷ்டி மோதல்

கல்லாணை மற்றும் கோபிசன் இடையிலான கருத்து வேறுபாடு தொடர்ந்து நீடித்தால், மதுரையில் கட்சியின் அமைப்பு ரீதியான செயல்பாடுகள் பாதிக்கப்படலாம் என்ற கவலை எழுந்துள்ளது. உள்ளூர் நிர்வாகிகளிடையே நிலவும் இந்தப் போட்டிக்கு கட்சித் தலைமை விரைவில் தீர்வு காண வேண்டும் என அரசியல் நோக்கர்கள் கருதுகின்றனர். வரும் நாட்களில் தலைமை எடுக்கும் முடிவைப் பொறுத்தே மதுரை தவெகவின் அடுத்தகட்ட அரசியல் நகர்வுகள் அமையும் என எதிர்பார்க்கப்படுகிறது.

இதையும் படிங்க: 40 நாட்களாக மறைக்கப்பட்ட ரகசியம்..! கொளத்தூர் MLA வி.எஸ்.பாபுவுக்கு வெண்டிலேட்டர் சிகிச்சை.... அதிர்ச்சியில் தொண்டர்கள்..!!!