திடீர் திருப்பம்! கச்சிதமாக காய் நகர்த்தும் முஸ்லிம் லீக் கட்சி! விஜய்யின் தவெக உடன் ரகசிய டீல்? அதிர்ச்சியில் அறிவாலயம்..!!!

திமுக கூட்டணியில் இடம்பெற்றுள்ள இந்திய யூனியன் முஸ்லிம் லீக் (IUML) கட்சி கூட்டணியில் இருந்து விலகும் வாய்ப்பு இருப்பதாக வெளியாகியுள்ள தகவல்கள் தமிழக அரசியல் வட்டாரத்தில் பரபரப்பை ஏற்படுத்தியுள்ளன. இதுகுறித்து அக்கட்சியின் வரவிருக்கும் பொதுக்குழு கூட்டத்தில் முக்கிய முடிவு எடுக்கப்படலாம் என கூறப்படுகிறது.

கூட்டணி நிலைப்பாடு தொடர்பாக கடந்த சில நாட்களாக அரசியல் வட்டாரங்களில் பல்வேறு விவாதங்கள் நடைபெற்று வரும் நிலையில், IUML தலைமை தரப்பின் சமீபத்திய கருத்துகள் இந்த விவகாரத்தை மேலும் கவனத்திற்கு கொண்டு வந்துள்ளன.

இதையும் படிங்க: அதிமுக விற்கு இந்த நிலைமையா? எடப்பாடியை தலைமை பொறுப்பிலிருந்து மாற்றம்.... ஷாக் தகவல்!!!

காதர் மொய்தீன் கருத்தால் எழுந்த விவாதம்

IUML தலைவர் காதர் மொய்தீன் அண்மையில் பேசியபோது, எடப்பாடி பழனிசாமி அல்லது தொல். திருமாவளவனை முதலமைச்சராக்கும் நோக்கில் திமுக செயல்பட்டதாகக் கூறியிருந்தார். அவரது இந்த கருத்து அரசியல் வட்டாரங்களில் பல்வேறு கேள்விகளை எழுப்பியது. அதே நேரத்தில், திமுக - IUML உறவில் விரிசல் ஏற்பட்டுள்ளதா என்ற விவாதத்திற்கும் வழிவகுத்தது.

இதனால் கூட்டணியின் எதிர்காலம் குறித்து கட்சியின் நிர்வாகிகள் மத்தியில் தீவிர ஆலோசனைகள் நடைபெற்று வருவதாக தகவல்கள் தெரிவிக்கின்றன.

ஜூன் 20 பொதுக்குழுவில் முக்கிய முடிவு?

தகவலின்படி, ஜூன் 20-ஆம் தேதி நடைபெறவுள்ள IUML பொதுக்குழு கூட்டத்தில் கூட்டணி நிலைப்பாடு தொடர்பாக விரிவாக ஆலோசிக்கப்பட உள்ளது. அதன் பின்னர் கட்சியின் அடுத்தகட்ட அரசியல் பயணம் குறித்து அதிகாரப்பூர்வ அறிவிப்பு வெளியாகலாம் என கூறப்படுகிறது.

அக்கூட்டத்தில் திமுக கூட்டணியில் தொடர்வதா அல்லது புதிய அரசியல் பாதையைத் தேர்வு செய்வதா என்பது குறித்து இறுதி முடிவு எடுக்கப்படலாம் என்ற எதிர்பார்ப்பும் நிலவுகிறது.

தவெக ஆதரவு தகவலால் அதிகரிக்கும் அரசியல் கணக்குகள்

இதற்கிடையில், இந்திய யூனியன் முஸ்லிம் லீக் கட்சி, தமிழக வெற்றிக் கழகம் தலைமையிலான அரசியல் முயற்சிகளுக்கு ஆதரவு தெரிவிக்கத் தயாராக இருப்பதாக தகவல்கள் வெளியாகியுள்ளன. இதுகுறித்து அதிகாரப்பூர்வ அறிவிப்பு எதுவும் வெளியாகவில்லை என்றாலும், இந்த தகவல் அரசியல் வட்டாரங்களில் புதிய கூட்டணி கணக்குகளை உருவாக்கியுள்ளது.

வரவிருக்கும் தேர்தலை முன்னிட்டு கூட்டணி அரசியலில் முக்கிய மாற்றங்கள் ஏற்படுமா என்ற கேள்வி எழுந்துள்ள நிலையில், ஜூன் 20-ஆம் தேதி நடைபெறவுள்ள பொதுக்குழு கூட்டம் தமிழக அரசியலில் முக்கிய கவனத்தை ஈர்த்துள்ளது.

இதையும் படிங்க: இது சரிப்பட்டு வராது.... வேலையை காட்ட வேண்டியதுதான்! திமுக போட்ட மாஸ்டர் பிளான்... வலையில் சிக்குமா வன்னி அரசு, கௌதம சன்னா...!!!