பதவி பறிபோனதால் அரசு பங்களாவை காலி செய்ய வேண்டிய நிலை.... சென்னை முகவரியை மாற்றிய எடப்பாடி பழனிசாமி.!!!

அதிமுக பொதுச்செயலாளர் எடப்பாடி பழனிசாமி தனது சென்னை முகவரியை மாற்றியுள்ளதாக தகவல் வெளியாகியுள்ளது. இதுவரை கிரீன்வேஸ் சாலையில் உள்ள அரசு பங்களாவில் வசித்து வந்த அவர், விரைவில் ராயப்பேட்டையில் உள்ள புதிய இல்லத்துக்கு குடிபெயர உள்ளதாக கூறப்படுகிறது. இதற்கான ஏற்பாடுகள் தற்போது நிறைவடைந்துள்ளன.

கிரீன்வேஸ் சாலையிலிருந்து ராயப்பேட்டைக்கு மாற்றம்

அமைச்சர்களுக்காக ஒதுக்கப்பட்டிருந்த கிரீன்வேஸ் சாலையில் உள்ள ‘செவ்வந்தி’ அரசு பங்களாவில் எடப்பாடி பழனிசாமி வசித்து வந்தார். சமீபத்திய சட்டமன்றத் தேர்தல் முடிவுகளுக்குப் பிறகு அந்த இல்லத்தை காலி செய்ய வேண்டிய நிலை ஏற்பட்டதாக தகவல்கள் தெரிவிக்கின்றன. இதையடுத்து, சென்னை ராயப்பேட்டையில் உள்ள புதிய வீட்டை அவர் தனது வசிப்பிடமாகத் தேர்வு செய்துள்ளார்.

எளிமையாக நடைபெற்ற பால் காய்ச்சும் நிகழ்ச்சி

தகவலின்படி, இன்று காலை புதிய இல்லத்தில் மிகவும் எளிமையான முறையில் பால் காய்ச்சும் நிகழ்ச்சி நடைபெற்றுள்ளது. இதில் நெருங்கியவர்கள் மட்டுமே பங்கேற்றதாக கூறப்படுகிறது. புதிய வீட்டில் குடியேறும் பணிகளும் இறுதிக்கட்டத்தை எட்டியுள்ளன.

இதையும் படிங்க: BREAKING : தவெக அமைச்சர் செங்கோட்டையன் திடீரென மருத்துவமனையில் அவசர அனுமதி! அரசியலில் பரபரப்பு....!!!

கட்சி நடவடிக்கைகளுக்கு வசதியா?

அதிமுக தலைமைக் கழகம் அமைந்துள்ள ராயப்பேட்டை பகுதிக்கே எடப்பாடி பழனிசாமி குடிபெயர இருப்பது அரசியல் வட்டாரங்களில் கவனத்தை ஈர்த்துள்ளது. கட்சி அலுவலகத்துக்கு அருகில் இருந்து அமைப்பு பணிகள் மற்றும் நிர்வாக நடவடிக்கைகளை ஒருங்கிணைப்பதற்கு இது உதவியாக இருக்கும் எனவும் பேசப்படுகிறது. இதனால், அடுத்தகட்ட அரசியல் நகர்வுகள் குறித்து பல்வேறு ஊகங்களும் எழுந்துள்ளன.

இதையும் படிங்க: முடிந்தது சமரச பேச்சுவார்த்தை... விஜய் அரசுக்கு விழுந்த முதல் இடி! வேலுமணி செய்த தரமான சம்பவம்! தமிழக அரசியலில் அதிரடி ட்விஸ்ட்..!!!