திடீர் மூச்சுத்திணறல்.... சின்ன மருமகள் சீரியல் நடிகர் நவீன் மருத்துவமனையில் அனுமதி..!!!

சின்னத்திரையில் விறுவிறுப்பாக ஒளிபரப்பாகி வரும் ‘சின்ன மருமகள்’ சீரியல் நடிகர் நவீன் திடீரென உடல்நலக்குறைவால் மருத்துவமனையில் அனுமதிக்கப்பட்ட சம்பவம் ரசிகர்களிடையே பரபரப்பை ஏற்படுத்தியுள்ளது. படப்பிடிப்பின் போது ஏற்பட்ட கடும் சோர்வு மற்றும் மூச்சுத்திணறல் காரணமாக அவர் சிகிச்சை பெற்றதாக தகவல்கள் வெளியாகியுள்ளன.

பெண்களின் கல்வி மற்றும் கனவுகளை மையமாகக் கொண்டு நகரும் இந்த தொடரில், தனது இயல்பான நடிப்பால் குறுகிய காலத்திலேயே ரசிகர்களின் கவனத்தை ஈர்த்தவர் நவீன். குறிப்பாக இளம் ரசிகர்கள் மற்றும் குடும்ப பார்வையாளர்களிடம் அவருக்கு நல்ல வரவேற்பு இருந்து வருகிறது.

இதையும் படிங்க: BREAKING: இன்று காலை நல்லகண்ணுக்கு திடீரென மூச்சுத்திணறல்! மீண்டும் உடல்நிலை பின்னடைவால் மருத்துவமனையில் அனுமதி!

கடும் வெயிலில் நடந்த சண்டைக் காட்சி

தகவலின்படி, சமீபத்தில் பல மணி நேரம் நீண்ட Fight Scene படப்பிடிப்பில் நவீன் கலந்து கொண்டுள்ளார். கடும் வெயிலில் தொடர்ந்து நடந்த இந்த காட்சிக்குப் பிறகு அவர் கடுமையாக சோர்வடைந்ததாக கூறப்படுகிறது.

அதன்பின் வீட்டிற்கு திரும்பிய அவருக்கு திடீரென மூச்சுத்திணறல் ஏற்பட்டுள்ளது. நிலைமை மோசமடைந்ததைத் தொடர்ந்து உடனடியாக தனியார் மருத்துவமனைக்கு அழைத்துச் செல்லப்பட்டார். அங்கு அவருக்கு அவசர சிகிச்சையுடன் ஆக்சிஜன் உதவியும் வழங்கப்பட்டதாக தகவல்கள் தெரிவிக்கின்றன.

மருத்துவமனையிலிருந்து நேராக படப்பிடிப்புக்கு

மருத்துவர்கள் முழு ஓய்வு எடுக்குமாறு அறிவுறுத்தியிருந்த போதிலும், சீரியலின் முக்கியமான திருமணக் காட்சிகள் பாதிக்கப்படக் கூடாது என்ற காரணத்தால் நவீன் மீண்டும் படப்பிடிப்பில் கலந்து கொண்டதாக கூறப்படுகிறது.

எபிசோடுகள் தாமதமாகாமல் இருக்க வேண்டும் என்பதற்காக, மருத்துவமனையிலிருந்து டிஸ்சார்ஜ் ஆனதும் நேராக படப்பிடிப்பு தளத்திற்கே சென்று காட்சிகளை முடித்துக் கொடுத்துள்ளார். நடிகரின் இந்த அர்ப்பணிப்பு சின்னத்திரை வட்டாரத்தில் பேசுபொருளாக மாறியுள்ளது.

ரசிகர்கள் கவலை

இந்த தகவல் சமூக வலைதளங்களில் பரவியதைத் தொடர்ந்து, ரசிகர்கள் நவீனின் உடல்நிலை குறித்து கவலை தெரிவித்து வருகின்றனர். “வேலை முக்கியம் தான், ஆனால் உடல்நலமும் equally முக்கியம்” என்றும், “சற்று ஓய்வு எடுத்துக் கொள்ளுங்கள்” என்றும் பலர் பதிவிட்டு வருகின்றனர்.

மேலும், நவீன் விரைவில் முழுமையாக குணமடைந்து மீண்டும் ஆரோக்கியமாக திரும்ப வேண்டும் என ரசிகர்கள் வாழ்த்துகளையும் பகிர்ந்து வருகின்றனர்.

இதையும் படிங்க: BREAKING: ஷாக் நியூஷ்! தேர்தல் பிரச்சாரத்தின் போது பிரபல தமிழ் காமெடி நடிகருக்கு மாரடைப்பு!!!