மகனின் 10 ஆம் வகுப்பு மதிப்பெண்ணை சொன்ன அறந்தாங்கி நிஷா! இவ்வளவு தானா? ஆனால் அவர் சொன்ன இன்னொரு விஷயம் தான் ஹைலைட்....வைரலாகும் வீடியோ...!!!

விஜய் டிவி நிகழ்ச்சிகள் மூலம் ரசிகர்களிடம் பிரபலமான அறந்தாங்கி நிஷா, தனது மகனின் 10ம் வகுப்பு தேர்வு முடிவை வீடியோவாக பகிர்ந்துள்ளார். தமிழகம் முழுவதும் இன்று எஸ்எஸ்எல்சி தேர்வு முடிவுகள் வெளியான நிலையில், அவரது பதிவு சமூக வலைதளங்களில் கவனம் பெற்றுள்ளது.

அந்த வீடியோவில், தனது மகன் 321 மதிப்பெண்கள் பெற்று தேர்ச்சி பெற்றுள்ளதாக நிஷா தெரிவித்துள்ளார். அதோடு, குழந்தைகளின் வாழ்க்கையை மதிப்பெண்கள் மட்டும் தீர்மானிக்காது என்றும் பெற்றோர்கள் தேவையற்ற அழுத்தம் கொடுக்கக் கூடாது என்றும் பேசியுள்ளார்.

மகனின் தேர்வு முடிவை பகிர்ந்த நிஷா

பட்டிமன்ற பேச்சாளர் மற்றும் விஜய் டிவி காமெடி நிகழ்ச்சிகள் மூலம் பிரபலமான அறந்தாங்கி நிஷா, சமூக வலைதளங்களில் அடிக்கடி குடும்ப விஷயங்களையும் பகிர்ந்து வருகிறார். அந்த வகையில், இன்று வெளியான 10ம் வகுப்பு தேர்வு முடிவைத் தொடர்ந்து தனது மகனின் மதிப்பெண் குறித்து நேரடியாக வீடியோ வெளியிட்டார்.

அதில், “மார்க் மட்டும் வாழ்க்கை கிடையாது. குழந்தைகளை மற்றவர்களுடன் ஒப்பிடாதீர்கள்” என்று அவர் கூறியுள்ளார். மேலும், குழந்தைகளின் மனநிலையை பெற்றோர்கள் புரிந்துகொள்ள வேண்டும் என்பதையும் வலியுறுத்தியுள்ளார்.

சமூக வலைதளங்களில் கவனம்

நிஷாவின் இந்த பதிவு பல பெற்றோர்களிடமும் வரவேற்பை பெற்றுள்ளது. குறிப்பாக, தேர்வு முடிவுகள் வெளியாகும் நாளில் மாணவர்களுக்கு மனஅழுத்தம் ஏற்படாத வகையில் அவர் பேசியது குறித்து பலரும் கருத்து தெரிவித்து வருகின்றனர்.

அறந்தாங்கி நிஷா ஏற்கனவே பிக் பாஸ் நிகழ்ச்சியிலும் போட்டியாளராக கலந்துகொண்டு ரசிகர்களிடையே தனி கவனம் பெற்றிருந்தார் என்பது குறிப்பிடத்தக்கது.